Micah 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to: Chapter 4 →

1كُكَسَ كُنّٜىٰ، يَا كُو شُوغَبَنِّنْ ذُرِيَرْ يَعْڧُوبَ، كُو مَاسُ مُلْكٍ غِدَنْ إِسْرَٰٓءِيلَ! أَشٜىٰ، بَيْ كَمَاتَ كُسَنْ شَرِيعَرْ غَسْكِيَ بَ؟

2كُو دَ كُكٜىٰ ڧِنْ أَبُ مَيْݣَوْ، كُنَ ڧَوْنَرْ مُغُنْتَا؞ رَشِنْ يِنْ شَرِيعَرْ غَسْكِيَ كَمَرْ كُنَ ڢٜىٰطٜىٰ ڢَتَرْ مُتَنٜىٰنَ نٜىٰ، كَمَرْ كُنَ ڢِظْغٜىٰ نَامَنْ جِكِنْسُ دَغَ ڧَسُسُوَنْسُ نٜىٰ؞

3كَمَرْ كُنَ ثِنْ نَامَنْ مُتَنٜىٰنَ، كُنَ ڢٜىٰطٜىٰ ڢَتَرْسُ دَغَ جِكِنْسُ نٜىٰ؞ كَمَرْ كُنَ كَكَّرْيَ ڧَسُسُوَنْسُ، كُنَ يَيَّنْكَاسُ كَمَرْ نَامَنْ دَ ذَاعَ سَا ثِكِنْ تُكُنْيَرْ دَڢُوَ نٜىٰ؞

4ذَاكُيِ كُوكَا غَ يَهْوٜىٰهْ ، عَمَّا بَذَيْ أَمْسَ مُكُبَ؞ ذَيْ ٻُواْيٜىٰ ڢُسْكَرْسَ دَغَ غَرٜىٰكُ أَ لُواْكَثِنْ، سَبُواْدَ كُنْ عَيْكَتَ مُغُنْتَا؞

5غَا أَبِنْدَ يَهْوٜىٰهْ يَڢَطَا غَمٜىٰدَ أَنَّبَاوَنْ دَ سُكَسَا مُتَنٜىٰنَ سُكَ كَوْثٜىٰ دَغَ حَنْيَ، مَاسُ تَادَ مُرْيَ سُنَ ثٜىٰوَ «سَلَمَ» سَعَدَّ عَكَبَاسُ عَبِنْثِ؞ عَمَّا سُنَ ثٜىٰوَ «يَاڧِ» غَ وَنْدَ بَيْ بَاسُ كُواْمٜىٰبَ؞

6«سَبُواْدَ حَكَ، كُو أَنَّبَاوَا، كُواْمٜىٰ ذَيْ ذَمَ مُكُ دَرٜىٰ، بَابُ سَوْرَنْ رُعُيَ، دُهُ نٜىٰ أَغَرٜىٰكُ، بَابُ سَوْرَنْ غَنِ؞ رَانَ ذَاتَ ڢَاطِ عَكَنْكُ، كُو أَنَّبَاوَنَّنْ، يِنِ ذَيْ ذَمَ مُكُ دُهُ بَڧِ ڧِرِنْ؞

7كُو مَاسُ غَنِ، ذَاكُشَا كُنْيَا، مَاسُ دُوبَا، ذَاكُشَا ڧَسْڧَنْثِ؞ دُكَنْكُ ذَاكُ رُڢٜىٰ بَاكِنْكُ، غَمَا بَابُ أَمْسَ دَغَ وُرِنْ اللَّهْ ؞»

8عَمَّا نِے إِنَ ثِكٜىٰدَ إِيكُواْ دَ رُوحٌ يَهْوٜىٰهْ ؞ إِنَ ثِكٜىٰ دَ ڧَرْڢِنْ حَلِ دُواْمِنْ يِنْ شَرِيعَرْ غَسْكِيَ، بَابُ ڟُواْرُواْ، ذَنْ سَنَرْوَ يَعْڧُوبَ أَيُّكَنْسَ نَسَاٻُواْ، غَ إِسْرَٰٓءِيلَ كُمَ ذُنُبَنْسَ؞

9جِوَنَّنْ، يَا كُو شُوغَبَنِّنْ ذُرِيَرْ يَعْڧُوبَ، دَ مَاسُ مُلْكٍ غِدَنْ إِسْرَٰٓءِيلَ، كُو دَ كُكٜىٰ ڧِنْ شَرِيعَرْ غَسْكِيَ، كُكَ جُجُّويٜىٰ دُكَنْ غَسْكِيَ!

10كُكَيِ كَشٜىٰ كَشٜىٰ دَ سَاثٜىٰسَاثٜىٰ دُواْمِنْ سَامُنْ كُطِنْ غِنَا سِهِيُواْنَ، كُكَ غِنَا عُرُوشَلِيمَ دَ مُغُنْتَا!

11شُوغَبَنِّنْتَ سُنَ يَنْكٜىٰ شَرِيعَ تَثِنْ حَنْثِ؞ ڢِرِسْتُواْثِنْتَ سُنَ كُواْيَرْوَا دُواْمِنْ نٜىٰمَنْ رِيبَ، أَنَّبَاوَنْتَ سُنَ أَنَّبْثِ دُواْمِنْ نٜىٰمَنْ كُطِ؞ دُكْدَهَكَ سُنَ ڟَمَّنِ يَهْوٜىٰهْ يَنَ تَرٜىٰدَسُو، سُنَ ثٜىٰوَ «أَيْ، يَهْوٜىٰهْ يَنَ ڟَكِيَرْمُ، بَ مَسِيڢَرْ دَ ذَاتَ ڢَاطُواْ عَكَنْمُ!»

12سَبُواْدَكُو، ذَاعَ نُواْمٜىٰ سِهِيُواْنَ كَمَرْ غُواْنَ، عُرُوشَلِيمَ ذَاتَ ذَمَ تُلِنْ كُڢَيْ، تُدُ عِنْدَ هَيْكَلِنْ يَكٜىٰ ذَيْ ذَمَ كُرْمِ؞

← Chapter 2 Jump to: Chapter 4 →