Philippians 2

Hausa Arabic 2020 (أَتَّوْرَتْ دَ أَنَّبَاوَا)

← Chapter 1 Jump to: Chapter 3 →

1كُنَ سَامُنْ ڧَرْڢَڢَاوَا سَبُواْدَكُو نَ أَلْمَسِيحُ نٜىٰ؟ كُواْ كُنَ سَامُنْ تَعَظِيَّ تَوُرِنْ ڧَوْنَرْسَ؟ كُواْ كُنَدَ زُمُنْثِ ثِكِنْ رُوحُ ؟ كُواْ كُمَ كُنَدَ ڧَوْنَ دَ تَوْسَيِ أَ ذُوثِيَارْكُ؟

2تُواْ، إِنْ كُنَدَ وَطَنَّنْ، إِنَ ضُواْڧُوانْكُ كُسَا ڢَضٍ ثِكِنَ يَثِكَ تَوُرِنْ كَسَنْثٜىٰوَرْكُ دَ تُنَانِ طَيَ دَ ڧَوْنَ طَيَ دَ نُڢِ طَيَ؞

3كَدَ كُيِ كُواْمٜىٰ دَ سُوانْكَيْ كُواْ غِرْمَنْ كَيْ، سَيْدَيْ دَ سَوْڧِنْ كَيْ؞ عَمَّا ثِكِنْ سَوْڧِنْ كَيْ كُمَ بَرِ كُواْوَ يَمَيْدَ طَنْعُوَنْسَ دَ مُهِمَّنْثِ ڢِيٜىٰدَ كَنْسَ؞

4كَدَ كُكُلَ دَ كَنْكُ كَطَيْ، عَمَّا كُكُلَ دَ وَطَنْسُ كُمَ؞

5بَرِ كُكَسَنْثٜىٰ دَ حَلِ إِرِنْ نَ أَلْمَسِيحُ عِيسَىٰ ، وَتُواْ،

6كُواْدَيَكٜىٰ شِ اللَّهْ نٜىٰ، بَيْ مَيْدَ كَسَنْثٜىٰوَرْسَ دَ اللَّهْ أَبِنْدَ ذَيْ رِڧٜىٰ دَ ڧَرْڢِيبَ،

7سَيْدَيْ يَمَيْدَ كَنْسَ كَمَرْ بَ كُواْمٜىٰبَ، يَطَوْكِ مَڟَيِنْ بَاوَ، ثِكِنْ صِڢَّرْ طَنْ أَدَمْ عَكَ حَيْڢٜىٰشِ، يَكُمَ بَيَّنَ ثِكِنْ كَمَنِّنْ مُتُمْ؞

8بَنْدَ حَكَمَا، عَثِكِنْ كَمَنِّنْ مُتُمْ، يَڧَسْڧَنْتَرْ دَكَنْسَ تَوُرِنْ يِنْ بِيَيَّ، بِيَيَّرْ دَ تَكَيْ شِ حَرْ غَ مُتُوَ، مُتُوَ عَكَنْ غِثِّيٜىٰ؞

9سَبُواْدَ حَكَ اللَّهْ يَطَوْكَكَ شِ ڢِيٜىٰ دَكُواْمٜىٰ، يَكُمَ بَاشِ سُونَنَّنْ دَ يَڢِ كُواْوَنٜىٰ سُنَ،

10دُواْمِنْ غَ سُونَنَّنْ عِيسَىٰ كُواْوَثٜىٰ ڠُوِوَ ذَاتَ دُرْڧُسَ، أَ سَمَ دَ نَنْ دُونِيَا دَ ثَنْ ڧَرْڧَشِنْ دُونِيَا،

11كُواْوَنٜىٰ هَرْشٜىٰ كُمَ يَشَيْدَ ثٜىٰوَ عِيسَىٰ أَلْمَسِيحُ عُبَنْ‌غِجِ نٜىٰ، دُواْمِنْ أَطَوْكَكَ اللَّهْ عُبَا؞

12سَبُواْدَ حَكَ، يَا كُو وَطَنْدَ نَكٜىٰ ڧَوْنَ، إِنَ ضُواْڧُوانْكُ، كَمَرْ يَدَّ كُلُّمْ كُكٜىٰيِ مِنِ بِيَيَّ سَعَدَّ إِنَ تَرٜىٰدَكُو، يَنْذُ مَا دَ بَانَ نَنْ تَرٜىٰدَكُو، كُڧَارَ يِنْ بِيَيَّ؞ كُيِ عَيْكِ دَ ڨُوذُواْ يَدَّ سَكَمَكُوانْ ثٜىٰتُوانْكُ ذَيْڢِتَ أَ ڢِيلِ، كُيِشِ ثِكِنْ ڟُواْرُوانْ اللَّهْ دَ كُمَ ضَوَرْ جِكِے؞

13غَمَا اللَّهْ شِينٜىٰ يَكٜىٰ عَيْكِ أَ ذُوثِيَارْكُ، شِينٜىٰ يَكٜىٰسَا كُيِ نِيَّ كُكُمَيِ عَيْكِ بِسَغَ ݣَكْݣَوَنْ نُڢِنْسَ؞

14دُكْ أَبِنْدَ ذَاكُيِ، كَدَ كُيِشِ دَ غُنَغُنِ كُواْ غَرْدَمَ،

15دُواْمِنْ كُذَمَ مَرَسَ لَيْڢِے، مَاسُ ڟَرْكِے، یَیَنْ اللَّهْ مَرَسَ تَبُواْ؞ كُنَ ذَمَ نٜىٰ عَثِكِنْ مُوغُوَرْ ڟَارَا مَاسُ رَايُوَرْ ݣُونَ ݣُونَ، عِنْدَ كُكٜىٰ حَصْكَكَاوَا عَثِكِنْسُ كَمَرْ حَصْكُواْكِ عَدُونِيَا،

16كُنَ كُمَ مِيڧَ مُسُ ذَنْثٜىٰنْ رَيْ؞ وَنَّنْ ذَيْسَا أَ رَانَرْ دَ أَلْمَسِيحُ ذَيْ دَاوُاْ إِنْيِ تَاڧَمَ ثٜىٰوَ دُكَنْ ڢَامَرْ دَنَيِ دَ وَهَلَرْدَ نَشَا، بَعَبَنْظَ سُكٜىٰبَ؞

17بَنْ‌غَسْكِيَرْكُ دَ عَيْكِنْكُ عَثِكِنْ عُبَنْ‌غِجِ كَمَرْ هَدَايَ نٜىٰ أَغَرٜىٰشِ، كُمَ كُواْ ذَاعَ ظُبْدَ جِنِنَ عَكَنْ هَدَايَرْ نَنْ، ذَنْيِ مُرْنَ إِنْيِ هَدَايَرْ نَنْ دَ ڢَضٍ ثِكِ تَرٜىٰدَكُو دُكَ؞

18حَكَكُمَ سَيْ كُيِ ڢَضٍ ثِكِ، كُيِ مُرْنَ تَرٜىٰدَنِ؞

19إِنَ سَا ذُوثِيَا ثِكِنْ عُبَنْ‌غِجِ عِيسَىٰ ثٜىٰوَ ذَنْ عَيْكَ تِمُواْتِ ذُوَا وُرِنْكُ بَدَ دَطٜىٰوَبَ، دُواْمِنْ نِے مَا إِنْڧَارَ سَامُنْ ڧَرْڢَڢَاوَا تَوُرِنْ جِنْ لَابَرِنْكُ؞

20بَانِ دَ وَنِ كَمَرْسَ وَنْدَ يَدَامُ دَكُو سُواْسَيْ؞

21سَوْرَنْ دَيْ، أَبِنْدَ يَشَڢِ كَنْسُ نٜىٰ كَوَيْ سُنْ دَامُ دَشِ، بَ أَبِنْدَ يَشَاڢِ عِيسَىٰ أَلْمَسِيحُ بَ؞

22أَيْ، كُنْ سَنْ يَدَّ تِمُواْتِ يَكٜىٰ، يَدَّ مُكَيِ عَيْكِنْ شٜىٰلَرْ لَابَرِ مَيْ دَاطِے تَرٜىٰ كَمَرْ طَا دَ بَابَنْسَ؞

23سَبُواْدَ حَكَ إِنَ ڢَاتَا ذَنْ عَيْكَ شِ دَظَرَرْ نَجِ أَبِنْدَ ذَيْ ڢَرُ دَنِے؞

24عِدَنْ كُمَ عُبَنْ‌غِجِ يَيَرْدَ، نِے مَا ذَنْذُواْ بَدَ دَطٜىٰوَبَ؞

25نَغَ يَا كَمَاتَ إِنْ عَيْكَ مُكُ دَ طَنْعُوَنَ أَبَڢُواْرِدِتُسْ؞ شِے أَبُواْكِنْ عَيْكِنَ نٜىٰ، أَبُواْكِنْ ڢَامَتَا كُمَ، وَنْدَ كُكَ عَيْكُواْ يَيِ مِنِ حِدِمَ؞

26يَنَ مَرْمَرِ يَغَنْكُ دُكَ، حَرْ مَا يَدَامُ سُواْسَيْ سَبُواْدَ كُنْجِ يَيِ رَشِنْ لَاڢِيَ؞

27لَلَّيْ يَيِ رَشِنْ لَاڢِيَ حَرْ مَا يَكُسَنْ مُتُوَ؞ عَمَّا اللَّهْ يَجِ تَوْسَيِنْسَ، بَا شِ كَطَيْبَ، حَرْ مَا دَنِے؞ دَابَهَكَبَ دَا بَڧِنْ ثِكِ ذَيْ يِمِنِ يَوَ؞

28شِيَسَا نَيِ نِيَّ سُواْسَيْ إِنْ عَيْكٜىٰشِ دُواْمِنْ كُجِ دَاطِنْ سَاكٜىٰ غَنِنْسَ، نِے كُمَ إِنْ ضَغٜىٰ دَامُوَتَ؞

29كُكَرْٻٜىٰشِ دَ مُرْنَ سُواْسَيْ سَبُواْدَ عُبَنْ‌غِجِ ؞ أَغِرْمَمَ إِرِنْسُ يَدَّ يَا كَمَاتَ،

30غَمَا يَا كُسَ يَمُتُ دُواْمِنْ عَيْكِنْ أَلْمَسِيحُ ، يَنَ بَادَ رَنْسَ دُواْمِنْ يَيِ مِنِ تَيْمَكُوانْ دَ كُو بَكُ عِيَيِبَ؞

← Chapter 1 Jump to: Chapter 3 →