Philippians 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to: Chapter 4 →

1عَڧَرْشٜىٰ كُمَ، یَنْعُوَ، كُيِ ڢَضٍ ثِكِ ثِكِنْ عُبَنْ‌غِجِ ؞ بَيْ دَامٜىٰنِ إِنْ سَاكٜىٰ رُبُوتَ مُكُ وَطَنَّنْ أَبُبُوَبَ؞ غَاشِ كُوَ، دُواْمِنْ أَمْڢَانِنْكُ نٜىٰ؞

2كُيِ حَنْكَلِ دَ كَرْنُكَنَّنْ، مَاسُ مُوغَيٜىٰنْ أَيُّكَ، مَاسُ يَنْكَنْ جِكِنَّنْ، وَيْ سُنَ كَاثِيَ؞

3أَيْ، مُونٜىٰ مَاسُ كَاثِيَ تَعَّيْنِحِ، مُو دَمُكٜىٰ بَوْتَاوَ اللَّهْ تَوُرِنْ رُوحُ مَيْ ڟَرْكِے ، مَاسُ تَاڧَمَ دَ أَلْمَسِيحُ عِيسَىٰ ، مُو دَ بَمُ دُواْغَضَ دَ أَيُّكَنْ أَلْعَادَرْ مُتُمْبَ،

4كُواْدَيَكٜىٰ نِے إِنَ عِيَ دُواْغَضَ دَ أَيُّكَنْ أَلْعَادَرْ مُتُمْ؞ عِدَنْ كُمَ أَݣَويْ وَنْدَ يَكٜىٰ ڟَمَّنِ يَنَدَ دَلِيلِنْ دُواْغَضَ دَ أَيُّكَنْ أَلْعَادَرْ مُتُمْ، تُواْ، نِے نَا ڢِيشِ؞

5غَاشِ، أَنْيِ مِنِ كَاثِيَ أَ رَانَ تَتَݣُوسْ، أَصَلِنَ، نِے طَنْ إِسْرَٰٓءِيلَ نٜىٰ، نَظُرِيَرْ بِلِيَامِنُ، ثِكَكّٜىٰنْ طَنْ إِبْرَانِيَاوَا كُوَ؞ غَمٜىٰ دَ بِنْ كُواْيَرْوَرْ مُوسَٰى كُوَ، نِے بَڢَرِسِيٜىٰ نٜىٰ؞

6غَمٜىٰ دَ ڨُوظُوانْ بِنْ أَدِّينِ كُمَ إِنَ ڟَنَنْتَاوَ جَمَعَرْ مَاسُبِنْ عِيسَىٰ ؞ غَمٜىٰ دَ أَدَلْثِے تَوُرِنْ كِيَايٜىٰ دُواْكُواْكِنْ كُواْيَرْوَرْ مُوسَٰى كُمَ، بَانِ دَ لَيْڢِے؞

7عَمَّا أَبِنْدَ دَا يَذَمَ مِنِ رِيبَ، يَنْذُ نَا لِسَّڢْتَاسُ هَسَرَثٜىٰ سَبُواْدَ أَلْمَسِيحُ ؞

8أَيْ، نَا مَيْدَ دُكَنْ أَبُبُوَ هَسَرَ، سَبُواْدَ دَرَجَرْ سَنِنْ أَلْمَسِيحُ عِيسَىٰ عُبَنْ‌غِجِنَ دَرَجَرْ دَ تَڢِے ݣُوتَنْثِ؞ سَبُواْدَ أَلْمَسِيحُ نَا ذَاٻِ يِنْ هَسَرَرْ دُكَنْ أَبُبُوَ؞ نَا مَيْدَسُو أَبِنْ بَنْظَ، دُواْمِنْ إِنْسَامِ رِيبَ تَظُمُنْثِ دَ أَلْمَسِيحُ ،

9إِنْكُمَ ذَمَ عَثِكِنْسَ؞ وَنَّنْ كُوَ بَسَبُواْدَ أَدَلْثِنَ تَوُرِنْ كِيَايٜىٰ كُواْيَرْوَرْ مُوسَٰى بَ، سَيْدَيْ تَوُرِنْ أَدَلْثِنَّنْ وَنْدَ يَكٜىٰ ڢِتُواْوَ دَغَ بَنْ‌غَسْكِيَ ثِكِنْ أَلْمَسِيحُ ، وَتُواْ أَدَلْثِنَّنْ دَ عَكٜىٰ سَامُ دَغَ اللَّهْ تَوُرِنْ بَنْ‌غَسْكِيَ؞

10إِنَ سُواْ إِنْسَنْ أَلْمَسِيحُ دَ إِيكُوانْ تَاشِنْسَ دَغَ مَتَتُّو دَ كُمَ تَرَيَّ ثِكِنْ شَنْ وُيَرْسَ، إِنْذَمَ كَمَرْسَ ثِكِنْ مُتُوَرْسَ؞

11دُواْمِنْ كُواْ تَيَيَا إِنْكَيْ غَ تَاشِنَّنْ دَغَ مَتَتُّو؞

12بَوَيْ نَارِغَا نَا ذَمَ يَدَّ يَا كَمَاتَ إِنْذَمَبَ، كُواْ كُمَ نَارِغَا نَاذَمَ ثِكَكّٜىٰبَ، أَعَ، سَيْدَيْ إِنَ تَڢَامَ إِنْيِ نَصَرَا، دُواْمِنْ أَلْمَسِيحُ عِيسَىٰ يَارِغَا يَمَيْدَنِ نَاسَ؞

13تُواْ، یَنْعُوَ، بَنْثٜىٰ نَارِغَا نَاكَيْ غَ نَصَرَرْ نَنْبَ، عَمَّا أَبُ طَيَ نَكٜىٰيِ، إِنَ مَنْتَاوَا دَ أَبِنْدَ يَارِغَا يَوُثٜىٰ، إِنَ ڧُواْڧَرِنْ يِنْ أَبِنْدَ يَكٜىٰ غَبَ؞

14إِنَ نَاثٜىٰوَ غَبَ غَبَ إِنْ سَامِ لَادَنْ نَصَرَا، وَنْدَ شِينٜىٰ دَلِيلِنْ كِرَنَّنْ ذُوَا سَمَ، وَنْدَ اللَّهْ يَيِ مِنِ تَوُرِنْ أَلْمَسِيحُ عِيسَىٰ ؞

15سَبُواْدَ حَكَ دُكَنْمُ دَ مُكَيِ غِرْمَ ثِكِنْ رُوحَنِيَ، سَيْ مُطَوْكِ وَنَّنْ تُنَانِ؞ عَمَّا عِدَنْ وَطَنْسُنْكُ سُنَدَ وَنِ رَعَيِ دَبَمْ، تُواْ، اللَّهْ ذَيْ بَيَّنَ مُكُ وَنَّنْ كُمَ؞

16بَبَّنْ أَبِنْ شِينٜىٰ دُكْ عِنْدَ مُكَ كَيْ، مُثِيغَبَ دَغَ نَنْ؞

17یَنْعُوَنَ، إِنَ سُواْ كُبِے غُرْبِنَ، كُكُمَ دُوبِے وَطَنْدَ تَڢِيَرْسُ تَثَنْثَنْتَ دَ يَدَّ مُكَ نُونَ مُكُ؞

18أَݣَويْ وَطَنْسُ مُتَنٜىٰنْ دَ نَشَا يِمُكُ غَرْغَطِے عَكَنْسُ؞ إِنَ كُمَ سَاكٜىٰ غَيَ مُكُ يَنْذُ، حَرْ دَ هَوَيٜىٰ ثٜىٰوَ تَڢِيَرْسُ تَمَيْدَسُ مَاسُ غَابَادَ مُتُوَرْ أَلْمَسِيحُ عَكَنْ غِثِّيٜىٰ؞

19ڧَرْشٜىٰنْسُ هَلَّكَ نٜىٰ؞ اللَّهْ نْسُ ثِكِنْسُ نٜىٰ؞ رَشِنْ كُنْيَرْسُ شِينٜىٰ أَبِنْ تَاڧَمَرْسُ؞ سُنْ كَڢَ رَنْسُ عَكَنْ أَلْعَمُرَنْ دُونِيَا؞

20مُو دَيْ یَنْ مُلْكٍ سَمَ نٜىٰ؞ أَيْ، مُنَ جِضَانْ ذُوَانْ مَيْ ثٜىٰتُواْ، عُبَنْ‌غِجِ عِيسَىٰ أَلْمَسِيحُ ، وَنْدَ ذَيْذُواْ دَغَ ثَنْ؞

21شِينٜىٰ مَيْ إِيكُوانْ كَٰوُاْ دُكَنْ أَبُبُوَ ڧَرْڧَشِنْ مُلْكِنْسَ؞ تَوُرِنْ إِيكُواْنَّنْ نَاسَ ذَيْ ثَنْجَ جِكِنَّنْ نَامُ نَڧَسْڧَنْثِ، يَمَيْدَشِ كَمَرْ جِكِنَّنْ نَاسَ نَطَوْكَكَ؞

← Chapter 2 Jump to: Chapter 4 →