Philippians 4

Hausa Arabic 2020 (أَتَّوْرَتْ دَ أَنَّبَاوَا)

← Chapter 3 Jump to:

1سَبُواْدَ حَكَ، یَنْعُوَنَ، كُو دَ كُكٜىٰ أَ ذُوثِيَاتَ كُلُّمْ، حَرْ إِنَ مَرْمَرِنْ غَنِنْكُ، كُو دَ كُكٜىٰ ڢَضٍ ثِكِنَ دَ هُولَرْ لَادَنْ نَصَرَرْ دَ ذَنْ سَامُ سَبُواْدَ عَيْكِنَ، إِنَ ضُواْڧُوانْكُ كُڟَيَ دَ ڧَرْڢِے ثِكِنْ عُبَنْ‌غِجِ ، كُو وَطَنْدَ نَكٜىٰ ڧَوْنَ؞

2إِنَ جَنْ كُنّٜىٰنْ يُدِيَ دَ سِنْتِكِ، سُشِرْيَ دَ جُونَ سَبُواْدَ سُو نَ عُبَنْ‌غِجِ نٜىٰ؞

3كَيْ كُمَ أَبُواْكِنْ عَيْكِنَ مَيْ أَمِنْثِ، إِنَ ضُواْڧُوانْكَ كَتَيْمَكِ وَطَنَّنْ مَاتَا، سَبُواْدَ سُنْ شَا ڢَامَ تَرٜىٰدَنِ عَثِكِنْ عَيْكِنْ شٜىٰلَرْ لَابَرِ مَيْ دَاطِے؞ حَكَ مَا كِلٜىٰمٜىٰنْ دَ سَوْرَنْ أَبُواْكَنْ عَيْكِنَ، وَطَنْدَ سُونَيٜىٰنْسُ سُكٜىٰ أَرُبُوثٜىٰ أَ لِتَّڢِنْ رَيْ؞

4كُيِ ڢَضٍ ثِكِ ثِكِنْ عُبَنْ‌غِجِ كُلُّمْ؞ إِنَ سَاكٜىٰ غَيَ مُكُ كُيِ ڢَضٍ ثِكِ؞

5بَرِ كُكَسَنْثٜىٰ دَ حَلِنْ حَڧُرِ ثِكِنْ دَنْ‌غَنْتَكَرْمُ دَ كُواْوَ؞ كُتُنَ ڢَا، عُبَنْ‌غِجِ يَيِ كُسَنْ ذُوَا؞

6كَدَ كُدَامُ دَكُواْمٜىٰ، سَيْدَيْ عَثِكِنْ كُواْمٜىٰ كُڢَطَا وَ اللَّهْ بُڧَاتُنْكُ تَوُرِنْ أَدُّعَ دَ ضُواْڧُواْ، تَرٜىٰدَ غُواْدِيَ؞

7تَهَكَ كُوَ اللَّهْ ذَيْبَاكُ سَلَمَ إِرِ وَدَّ تَوُثٜىٰ دُكَنْ غَانٜىٰوَرْ طَنْ أَدَمْ، ذَاتَ كُمَ ڟَرٜىٰ ظُكَاتَنْكُ دَ تُنَانِنْكُ ثِكِنْ أَلْمَسِيحُ عِيسَىٰ ؞

8عَڧَرْشٜىٰ كُمَ، یَنْعُوَنَ، كُدِنْ‌غَ يِنْ تُنَانِ عَكَنْ إِيَاكَرْ أَبِنْدَ يَكٜىٰ نَغَسْكِيَ دَ إِيَاكَرْ أَبِنْدَ يَ إِسَ بَنْ‌غِرْمَ دَ إِيَاكَرْ أَبِنْدَ يَكٜىٰ دَيْدَيْ دَ إِيَاكَرْ أَبِنْدَ يَكٜىٰدَ ڟَبْتَ دَ إِيَاكَرْ أَبِنْدَ يَكٜىٰ جَٰوُاْ ڧَوْنَ دَ إِيَاكَرْ أَبِنْدَ يَكٜىٰ نَكِرْكِ، وَتُواْ عَكَنْ دُكَنْ أَبِنْدَ يَكٜىٰ مَڢِے ݣَوْ، كُواْ أَبِنْدَ يَ إِسَ يَبُواْ، عَكَنْ وَطَنَّنْ سَيْ كُيِ تُنَانِ؞

9كُعَيْكَتَ أَبُبُوَنْ دَ كُكَ كُواْيَ كُكَ كُمَ كَرْٻَ دَ كُمَ أَبُبُوَنْ دَ كُكَجِ، كُكَ غَنِ أَوُرِينَ؞ اللَّهْ مَيْ سَلَمَ كُوَ ذَيْ كَسَنْثٜىٰ تَرٜىٰدَكُو؞

10نَيِ ڢَضٍ ثِكِ سُواْسَيْ غَ عُبَنْ‌غِجِ سَبُواْدَ يَنْذُ كُنْ سَاكٜىٰ نُونَ كُنَ كُلَ دَنِے؞ كُواْدَيَكٜىٰ دَا مَا كُنْ كُلَ دَنِے، عَمَّا بَكُ سَامِ دَامَ كُنُونَ مِنِبَ؞

11بَا وَيْ إِنَكُوكَنْ رَشِنْ وَنِ أَبُ بَنٜىٰ؞ أَيْ، نَا كُواْيِ يَدَّ ذَنْ ذَوْنَ دَ ݣُونْثِيَرْ رَيْ عَكُواْوَنٜىٰ حَلِنْ دَ نَكٜىٰ ثِكِ؞

12نَسَنْ يَدَّ ذَنْ ذَوْنَ كُواْ ثِكِنْ تَلَوْثِ كُواْ ثِكِنْ يَلْوَتَ؞ ذَنْ عِيَ ذَمَ عَكُواْوَنٜىٰ إِرِنْ حَلِ، كُواْ ثِكِنْ يُنْوَ كُواْ ثِكِنْ ڧُواْشِ، كُواْ ثِكِنْ رَشِ كُواْ ثِكِنْ سَامُ؞

13ذَنْ عِيَيِنْ كُواْمٜىٰ تَوُرِنْ أَلْمَسِيحُ وَنْدَ يَكٜىٰ ڧَرْڢَڢَانِ؞

14دُكْدَهَكَ، كُنْ ݣَوْتَادَ كُكَ تَيْمَكٜىٰنِ أَ لُواْكَثِنْ دَ نَكٜىٰ ثِكِنْ وَهَلَ؞

15كُو ڢِلِبِيَاوَا كُنْسَنِ، أَ لُواْكَثِنْدَ نَڢَارَ عَيْكِنْ وَعَظِنْ لَابَرِ مَيْ دَاطِے دَ نَبَرْ ڧَسَرْ مَكِدُواْنِيَ بَا وَتَ جَمَعَرْ مَاسُبِنْ عِيسَىٰ وَدَّ تَهَطَكَيْ دَنِے تَوُرِنْ بَايَرْوَ دَ كَرْٻَ، سَيْ كُو كَطَيْ؞

16دُواْمِنْ كُواْ أَ لُواْكَثِنْ دَ نَكٜىٰ تَسَلُواْنِكَ، كُنْ عَيْكُواْ مِنِ دَ تَيْمَكُوانْ أَبُبُوَنْ دَ نَكٜىٰ بُڧَاتَ بَا مَا سَوْ طَيَبَ؞

17كَدَ كُيِ ڟَمَّنِ إِنَ نٜىٰمَنْ ݣَوْتَا أَوُرِنْكُنٜىٰ، أَعَ، سَيْدَيْ إِنَ نٜىٰمَنْ أَبِنْدَ ذَاعَڧَارَ لِسَّڢْتَا عَكَنْ رِيبَرْكُ؞

18أَنْ بِيَانِ دُكَ، بِيَنْدَ يَوُثٜىٰ مِصَالِ؞ بُڧَاتَتَ تَبِيَ دَيَكٜىٰ نَكَرْٻِ ݣَوْتَرْكُ دَ كُكَ عَيْكُواْ تَهَنُّنْ أَبَڢُواْرِدِتُسْ؞ وَنَّنْ بَايَرْوَثٜىٰ مَيْڧَنْشِ، هَدَايَثٜىٰ كُمَ وَدَّ اللَّهْ ذَيْ كَرْٻَ يَكُمَجِ دَاطِنْسَ؞

19اللَّهْ نَا كُمَ ذَيْبِيَ مُكُ كُواْوَثٜىٰ بُڧَاتَرْكُ بِسَغَ طَوْكَكَرْ أَلْبَرْكُنْسَ عَيَلْوَثٜىٰ تَوُرِنْ أَلْمَسِيحُ عِيسَىٰ ؞

20طَوْكَكَ تَتَبَّتَا غَ اللَّهْ نْمُ دَ عُبَنْمُ، حَرْ أَبَدَا؞ أَمِينْ؞

21كُغَيْ دَ دُكَنْ ڟَرْكَكَا ثِكِنْ أَلْمَسِيحُ عِيسَىٰ ؞ یَنْعُوَنْ دَسُكٜىٰ تَرٜىٰدَنِ سُنَ غَيْشٜىٰكُ؞

22ڟَرْكَكَا دُكَ سُنَ غَيْشٜىٰكُ، مُسَمَّنْ وَطَنْدَ سُكٜىٰ أَ ڢَادَرْ كَيْسَرْ؞

23أَلْحٜىٰرِنْ عُبَنْ‌غِجِ عِيسَىٰ أَلْمَسِيحُ يَكَسَنْثٜىٰ تَرٜىٰدَ رُوحُنْكُ؞ أَمِينْ؞

← Chapter 3 Jump to: