Zechariah 1

Hausa Arabic 2020 (أَتَّوْرَتْ دَ أَنَّبَاوَا)

Jump to: Chapter 2 →

1أَوَتَ نَتَݣُوسْ عَثِكِنْ شٜىٰكَرَا تَبِيُ تَمُلْكٍ سَرْكِے دَرِيُسْ، أَنَّبِے زَكَرِيَّا طَنْ بٜىٰرٜىٰكِيَ، جِيكَنْ إِدُّواْ، يَڢَطِ مَغَنَرْ دَ يَهْوٜىٰهْ يَغَيَ مَسَ؞ غَا مَغَنَرْ،

2«نِے يَهْوٜىٰهْ نَيِ ڢُشِے سُواْسَيْ دَ كَاكَنِّنْكُ؞

3سَبُواْدَ حَكَ، كَثٜىٰ وَمُتَنٜىٰنْكَ ثٜىٰوَ إِنْجِ يَهْوٜىٰهْ مَيْ ضُنْدُنَا ، ‹كُجُويُواْ غَرٜىٰنِ، نِے كُمَ ذَنْ جُويَا غَرٜىٰكُ؞ نِے يَهْوٜىٰهْ مَيْ ضُنْدُنَا نَا ڢَطَا؞›

4كَدَ كُذَمَ كَمَرْ كَاكَنِّنْكُ وَطَنْدَ أَنَّبَاوَا نَدَا سُكَيِ مُسُ وَعَظِ سُنَ ثٜىٰوَ ‹إِنْجِ يَهْوٜىٰهْ مَيْ ضُنْدُنَا ، كُجُويُواْ كُبَرْ بِنْ مُوغَيٜىٰنْ هَنْيُواْيِنْكُ دَ مُوغَيٜىٰنْ أَيُّكَنْكُ؞› عَمَّا بَسُجِبَ، بَلّٜىٰ سُأَيْكَتَ؞

5«تُواْ، يَنْذُ إِنَا كَاكَنِّنْكُ سُكٜىٰ؟ أَنَّبَاوَنْ ڢَا، إِنَا سُكٜىٰ؟ سُنْ رَايُ حَرْ أَبَدَا نٜىٰ؟

6عَمَّا مَغَنَاتَ دَ ڧَٰعِدُواْدِنَ وَطَنْدَ نَعُمَرْثِ بَايِنَ أَنَّبَاوَا، أَيْ، سُنْثِكَ عَكَنْ كَاكَنِّنْكُ؞ سَبُواْدَ حَكَ سُكَ جُويُواْ ثِكِنْ تُوبَ سُكَثٜىٰ، ‹دَيْدَيْ كَمَرْ يَدَّ يَهْوٜىٰهْ مَيْ ضُنْدُنَا يَيِ نِيَّ يَيِ دَمُو بِسَغَ هَنْيُواْيِنْ تَڢِيَرْمُ دَ أَيُّكَنْمُ، حَكَ كُوَ يَثِكَ أَبِنْدَ يَثٜىٰ ذَيْ يِدَمُو؞› »

7أَ رَانَ تَعَشِرِنْ دَ حُطُ غَ وَتَنْ غُواْمَشَا طَيَ، وَتُواْ وَتَنْ شٜىٰبَتْ، أَ شٜىٰكَرَا تَبِيُ تَمُلْكٍ سَرْكِے دَرِيُسْ نَڧَسَرْ ڢَٰشِيَ، يَهْوٜىٰهْ يَايِ مَغَنَ دَ أَنَّبِے زَكَرِيَّا طَنْ بٜىٰرٜىٰكِيَ جِيكَنْ إِدُّواْ؞ غَا مَغَنَرْ دَ زَكَرِيَّا يَڢَطَا؞

8دَ دَرٜىٰ نَغَ وَنِ مُتُمْ يَنَ كَنْ جَنْ دُواْكِ، يَنَ ڟَيٜىٰ عَثِكِنْ عِتَتُوَنْ مُرْتِلْ عَڧَرَمِنْ ݣُورِ؞ عَبَايَنْسَ كُوَ أَݣَويْ دَوَكِ مَاسُ كَلَرْ جَا دَ تَضُوً ڧَسَا دَ ڢَرِ، كُواْوَنّٜىٰ دُواْكِ دَ مَيْ هَوَنْسَ؞

9سَيْ نَثٜىٰ «رَنْكَيَدَطٜىٰ! مٜىٰنٜىٰنٜىٰ مَعَنَرْ وَطَنَّنْ؟» مَلاَىِٕكَنْ دَ يَيِ مَغَنَ دَنِے يَثٜىٰمِنِ «ذَنْ نُونَ مَكَ مَعَنَرْسُ؞»

10سَيْ مُتُمِنْ دَيَكٜىٰ ڟَيٜىٰ عَثِكِنْ عِتَتُوَنْ مُرْتِلْ يَأَمْسَ يَثٜىٰ «وَطَنَّنْ سُونٜىٰ يَهْوٜىٰهْ يَعَيْكَ سُيِ تَكَيْوَ دَ كَٰوُاْوَ سُنَيِنْ سِنْتِرِ عَكُواْعِنَ ثِكِنْ دُونِيَا؞»

11سَيْ سُكَ أَمْسَ وَمَلاَىِٕكَنْ يَهْوٜىٰهْ وَنْدَ يَكٜىٰ ڟَيٜىٰ ڟَكَانِنْ عِتَتُوَنْ مُرْتِلْ، سُكَثٜىٰ «مُنْيِ تَكَيْوَ دَ كَٰوُاْوَ مُنَ يِنْ سِنْتِرِ كُواْعِنَ عَثِكِنْ دُونِيَا، مُنْ كُوَ تَرَرْ دَ دُونِيَا تَنَ ݣُونْثِيَ شِضُ؞»

12سَعَنً مَلاَىِٕكَنْ يَهْوٜىٰهْ يَثٜىٰ «يَا يَهْوٜىٰهْ مَيْ ضُنْدُنَا ، حَرْ يَوْشٜىٰ ذَاكَ دَيْنَ نُونَ جِنْڧَيْ غَ عُرُوشَلِيمَ دَ غَرُضُوً يَهُودَ؟ كَيِ تَجِنْ ڢُشِے دَسُو حَرْ شٜىٰكَرَا سَبَعِنْ! يَوْشٜىٰ ذَاكَ دَيْنَ؟»

13يَهْوٜىٰهْ كُوَ يَيِ وَمَلاَىِٕكَنْ دَيَكٜىٰ مَغَنَ دَنِے كَلْمُواْمِنْ أَلْحٜىٰرِ دَ نَتَعَظِيَّ؞

14سَيْ مَلاَىِٕكَنْ دَ يَيِ مَغَنَ دَنِے يَثٜىٰ مِنِ «كَيِ شٜىٰلَ ثٜىٰوَ ‹إِنْجِ يَهْوٜىٰهْ مَيْ ضُنْدُنَا ، إِنَدَ ثِكَكِّيَرْ ڧَوْنَ عَكَنْ عُرُوشَلِيمَ دَ سِهِيُواْنَ؞

15إِنَ كُمَ ڢُشِے سُواْسَيْ دَ سَوْرَنْ أَلْعُمَّنْ دَسُكٜىٰ ذَمَنْ لَاڢِيَ؞ غَمَا سَعَدَّ نَيِ طَنْ ڢُشِے دَ جَمَعَتَ، سَيْ أَلْعُمَّنْدَ نَيِ أَمْڢَانِ دَسُو سُكَڧَارَ وَمُتَنٜىٰنَ وَهَلَ ڢِيٜىٰدَ يَدَّ نَسُواْ؞

16« ‹سَبُواْدَ حَكَ، إِنْجِ يَهْوٜىٰهْ ، نَكُواْمَوَ عُرُوشَلِيمَ إِنْ نُونَ مَتَ جِنْڧَيْ؞ ذَاعَ سَاكٜىٰ غِنَا غِدَانَ عَثِكِنْتَ؞ مَاسُ غِنِ كُوَ ذَاسُيِ عَوْنٜىٰ عَوْنٜىٰ نَسَاكٜىٰ غِنَا عُرُوشَلِيمَ؞›

17كَكُمَيِ شٜىٰلَ كَثٜىٰ، ‹إِنْجِ يَهْوٜىٰهْ مَيْ ضُنْدُنَا ، بِرَنٜىٰنَ ذَاسُ سَاكٜىٰ يَطُوَ ثِكِنْ أَرْزِڧِ؞ نِے يَهْوٜىٰهْ كُوَ ذَنْ سَاكٜىٰ تَعَظَنْتَرْدَ سِهِيُواْنَ، إِنْكُمَ سَاكٜىٰ ذَاٻٜىٰنْ عُرُوشَلِيمَ تَذَمَ بِرْنِنَ؞› »

18دَ نَطَغَ عِدَنُونَ نَدُوبَ، سَيْنَاغَ ڧَهُواْنِ حُطُ؞

19سَيْ نَثٜىٰ وَمَلاَىِٕكَنْ دَ يَيِ مَغَنَ دَنِے «مٜىٰنٜىٰنٜىٰ مَعَنَرْ وَطَنَّنْ؟» سَيْيَأَمْسَ يَثٜىٰ «وَطَنَّنْ ڧَهُواْنِ سُونٜىٰ عَلَمَرْ إِيكُواْكِنْ أَلْعُمَّنْ دَ سُكَ وَرْوَاڟَرْدَ يَهُودَ دَ إِسْرَٰٓءِيلَ دَ عُرُوشَلِيمَ؞»

20سَعَنً يَهْوٜىٰهْ يَنُونَ مِنِ مَڧٜىٰرَ حُطُ؞

21سَيْ نَثٜىٰ «مٜىٰنٜىٰنٜىٰ مُتَنٜىٰ حُطُنَّنْ سُكٜىٰ ذُوَايِ؟» سَيْ يَهْوٜىٰهْ يَثٜىٰ «وَطَنَّنْ ڧَهُواْنِ سُونٜىٰ أَلْعُمَّنْ دَ سُكَ وَرْوَاڟَرْدَ يَهُودَ حَرْ مُتُمْ بَايَ عِيَ طَغَ كَنْسَ؞ عَمَّا وَطَنَّنْ مَڧٜىٰرَ حُطُ سُنْ ذُواْ دُواْمِنْ سُڟُواْرَتَرْ دَ أَلْعُمَّنْ، سُكَرْيَ ڧَهُواْنِنْ أَلْعُمَّنْ دُونِيَا وَطَنْدَ سُكَ طَغَ ڧَهُواْنِنْسُ سُنَ غَابَادَ ڧَسَرْ يَهُودَ؞»

Jump to: Chapter 2 →