Zechariah 11

Hausa Arabic 2020 (أَتَّوْرَتْ دَ أَنَّبَاوَا)

← Chapter 10 Jump to: Chapter 12 →

1يَا ڧَسَرْ لٜىٰبَنُوانْ، كِبُوطٜىٰ ڧُواْڢُواْڢِنْكِ، دُواْمِنْ وُتَا تَثِنْيٜىٰ عِتَتُوَنْ سٜىٰدَ نَاكِ!

2يَا إِتَاثٜىٰنْ ڢِرْ، يِكُوكَا غَمَا إِتَاثٜىٰنْ سٜىٰدَ يَڢَاطِ، غَمَا أَنْهَلَّكَ عِتَتُوَ مَاسُ دَرَجَ! يَا كُو عِتَتُوَنْ بَشَنْ مَاسُ ڧَرْڢِے، يِكُوكَا غَمَا بَبَّنْ كُرْمِ يَڢَاطِ!

3جِ مُرْيَرْ كُوكَنْ مَكِيَايَ، غَمَا أَنْٻَاتَ مُسُ دَرَجَرْسُ! جِ مُرْيَرْ كُوكَنْ ذَاكُواْكِ، غَمَا أَنْهَلَّكَ دَاجِنْ يُواْدَنْ!

4إِنْجِ يَهْوٜىٰهْ اللَّهْ نَا «يِكِيوُانْ غَرْكٜىٰنْ تُمَكِنْ دَ عَكَ ڧَدَّرَ ذَاعَ يَنْكَ؞

5مَاسُ سَيٜىٰنْ تُمَكِنْ سُكَنْ كَشٜىٰ تُمَكِ بَاتَرٜىٰدَ أَنْحُكُنْتَسُبَ؞ مَاسُ سَيَرْوَ كُمَ سُكَنْثٜىٰ، ‹أَلْبَرْكَ تَا تَبَّتَا غَ يَهْوٜىٰهْ ، نَيِ أَرْزِڧِ!› كُواْ مَكِيَايَنْسُ بَسُجِ تَوْسَيِنْسُبَ؞»

6إِنْجِ يَهْوٜىٰهْ «بَذَنْ ڧَارَ جِنْ تَوْسَيِنْ مَذَوْنَنْ ڧَسَرْ نَنْبَ؞ غَاشِ، ذَنْ بَاشٜىٰ كُواْوَ غَ مَڨُوبْثِنْسَ دَ سَرْكِنْسَ؞ شُوغَبَنِّنْسُ ذَاسُ هَلَّكَ ڧَسَرْ، بَذَنْ كُوَ كُٻُتَرْدَ كُواْوَ دَغَ حَنُّنْسُبَ؞»

7سَيْ نَذَمَ مَكِيَايِنْ غَرْكٜىٰنْ تُمَكِنْ دَ عَكَ ڧَدَّرَ ذَاعَ يَنْكَ، غَرْكٜىٰنْ مَاسُ كَاسُوَنْثِنْ تُمَكِ؞ نَ كُمَ طَوْكِ سَنْدُنَنْ كِيوُاْ بِيُ؞ نَسَا وَطَيَنْ سُونَ «أَلْحٜىٰرِ»، طَيَنْ كُمَ نَسَا مَسَ سُونَ «حَطِنْ كَيْ؞» نَكُمَيِ كِيوُانْ غَرْكٜىٰنْ تُمَكِنْ؞

8نَكَاسَ حَڧُرِ دَ مَكِيَايَ عُكُ وَطَنْدَ بَاسَ سُواْنَ، نَكُمَ كُواْرٜىٰسُ كَاڢِنْ وَتَ غُدَا؞

9سَعَنً نَثٜىٰ «بَذَنْ ذَمَ مَكِيَايِنْكُبَ؞ بَرِ أَبِنْدَ ذَيْ مُتُ يَمُتُ؞ أَبِنْ دَ كُمَ ذَيْ هَلَّكَ، بَرِ يَهَلَّكَ؞ وَطَنْدَ كُمَ سُنْ رَغُ بَرِ سُثِ نَامَنْ جُونَنْسُ!»

10سَيْ نَطَوْكِ سَنْدَنَ دَ نَكٜىٰ كِرَا «أَلْحٜىٰرِ» نَكَرْيَشِ كَشِ بِيُ، دُواْمِنْ إِنْ نُونَ ثٜىٰوَ نَكَرْيَ يَرْجٜىٰجٜىٰنِيَتَ وَدَّ نَيِ دَ دُكَنْ ذُرِيَرْ إِسْرَٰٓءِيلَ؞

11عَكَ كُوَ كَرْيَ يَرْجٜىٰجٜىٰنِيَرْ أَ رَانَرْ نَنْ؞ تَهَكَ مَاسُ كَاسُوَنْثِنْ تُمَكِ، وَطَنْدَ سُكٜىٰ كَلُّواْنَ، سُكَ غَانٜىٰ ثٜىٰوَ نَيِ وَنَّنْ بِسَغَ مَغَنَرْ يَهْوٜىٰهْ نٜىٰ؞

12سَيْ نَثٜىٰمُسُ «عِدَنْ كُنْ غَا دَيْدَيْنٜىٰ، سَيْ كُبِيَانِ لَادَنَ؞ عِدَنْ كُمَ بَهَكَ بَنٜىٰ، تُواْ، كُرِڧٜىٰ أَبِنْكُ؞» سَيْ سُكَبِيَانِ كُطِنْ أَظُرْڢَا تَلَاتِنْ، لَادَنَ كٜىٰنَنْ؞

13سَيْ يَهْوٜىٰهْ يَثٜىٰ مِنِ «كَجٜىٰڢَ أَظُرْڢَا أَمَعَجِ؞» أَغَنِنْسُ، إِيَاكَرْ دَرَجَرْ دَسُكَغَ يَثَنْثَنْتَ دَنِے كٜىٰنَنْ؞ سَعَنً نَطَوْكِ كُطِنْ أَظُرْڢَرْ نَنْ تَلَاتِنْ نَجٜىٰڢَرْ دَسُو أَ مَعَجِنْ غِدَنْ يَهْوٜىٰهْ ؞

14سَعَنً نَكَرْيَ سَنْدَنَ نَبِيُ مَيْ سُونَ «حَطِنْ كَيْ»؞ نَيِ حَكَ دُواْمِنْ إِنْ نُونَ ثٜىٰوَ نَكَرْيَ زُمُنْثِنْ دَيَكٜىٰ ڟَكَانِنْ يَهُودَ دَ إِسْرَٰٓءِيلَ؞

15سَيْ يَهْوٜىٰهْ يَثٜىٰ مِنِ «كَسَاكٜىٰ طَوْكَرْ كَايَنْ عَيْكِ نَمَكِيَايِنْ بَنْظَ؞

16غَمَا إِنَ شِرِنْ تَادَ وَنِ مَكِيَايِ عَڧَسَرْ وَنْدَ بَذَيْ دَامُ دَ تُمَكِنْ دَسُكٜىٰ ڢُسْكَنْتَرْ مُتُوَبَ؞ بَذَيْ كُمَ نٜىٰمِ ڧأَنَانً تُمَكِ بَ، كُواْ يَوَرْكَرْدَ وَطَنْدَ سُكَ كَرْيٜىٰبَ، كُواْ يَثِيَرْدَ مَاسُ لَاڢِيَبَ؞ عَمَّا ذَيْثِ نَامَنْ مَاسُ ڧِبَ، يَڢَرْڢَشٜىٰ تَڢِنْ ڧَڢَاڢُنْسُ؞

17«كَيْتُوانْكَ مَكِيَايِنْ بَنْظَ، مَيْ بَرِنْ غَرْكٜىٰنْ تُمَكِ! بَرِ تَكُواْبِے يَسَارٜىٰ حَنُّنْكَ يَثِرٜىٰ عِدُوانْ دَامَنْكَ! بَرِ حَنُّنْكَ يَشَنْيٜىٰ كَكَڢْ، عِدُوانْ دَامَنْكَ يَمَكَنْتَ كَڢْ!»

← Chapter 10 Jump to: Chapter 12 →