Zechariah 8

Hausa Arabic 2020 (أَتَّوْرَتْ دَ أَنَّبَاوَا)

← Chapter 7 Jump to: Chapter 9 →

1يَهْوٜىٰهْ مَيْ ضُنْدُنَا يَسَاكٜىٰيِنْ مَغَنَ دَنِے ثٜىٰوَ

2«إِنْجِ يَهْوٜىٰهْ مَيْ ضُنْدُنَا ، ‹إِنَدَ ثِكَكِّيَرْ ڧَوْنَ عَكَنْ تُدُنْ سِهِيُواْنَ، حَرْ إِنَدَ ذَاڢِنْ ڢُشِے عَكَنْ أَبُواْكَنْ غَابَنْتَ؞›

3«إِنْجِ يَهْوٜىٰهْ ، ‹ذَنْ كُواْمَ تُدُنْ سِهِيُواْنَ، إِنْيِ ذَمَ أَڟَكِيَرْ بِرْنِنْ عُرُوشَلِيمَ؞ ذَاعَ ثٜىٰ دَ عُرُوشَلِيمَ بِرْنِ مَيْ أَمِنْثِ، بَبَّنْ تُدُنْ يَهْوٜىٰهْ مَيْ ضُنْدُنَا ذَاعَ ثٜىٰ دَشِ بَبَّنْ تُدُ مَيْ ڟَرْكِے؞›

4«إِنْجِ يَهْوٜىٰهْ مَيْ ضُنْدُنَا ، ‹ڟُواْڢَڢِّ، مَظَا دَ مَاتَا، ذَاسُ سَاكٜىٰ ظَوْنَاوَا عَتِيتُنَنْ عُرُوشَلِيمَ، كُواْوَ دَ سَنْدَنْ تَڢِيَرْسَ أَ حَنُّ سَبُواْدَ يَوَنْ ڟُوڢَ؞

5تِتُنَنْ بِرْنِنْ ذَاسُثِكَ دَ يَارَا، ڧأَنَانً يَارَا مَظَا دَ مَاتَا سُنَ وَسَ؞›

6«إِنْجِ يَهْوٜىٰهْ مَيْ ضُنْدُنَا ، ‹عِدَنْ وَنَّنْ أَبُ مَيْ وُيَ نٜىٰ أَغَرٜىٰكُ، كُو دَ كُكٜىٰ ضَغُواْوَرْ جَمَعَتَ عَثِكِنْ وَطَنَّنْ ݣُونَكِے، أَغَرٜىٰنِ بَ أَبُ مَيْ وُيَ بَنٜىٰ! نِے يَهْوٜىٰهْ مَيْ ضُنْدُنَا نَا ڢَطَا؞›

7«إِنْجِ يَهْوٜىٰهْ مَيْ ضُنْدُنَا ، ‹ذَنْ ثٜىٰثِ مُتَنٜىٰنَ دَغَ ڧَسَاشٜىٰنْ بَوْتَا، دَغَ ڧَسَاشٜىٰنْ غَبَسْ دَ نَيَمَّ

8ذَنْ دَاوُاْ دَسُو سُذَوْنَ أَ عُرُوشَلِيمَ؞ ذَاسُ ذَمَ جَمَعَتَ، ذَاسُ ذَمَ مُتَنٜىٰنَ، نِے ذَنْ ذَمَ اللَّهْ نْسُ مَيْ أَدَلْثِے، اللَّهْ نْسُ مَيْ أَمِنْثِ؞› »

9«إِنْجِ يَهْوٜىٰهْ مَيْ ضُنْدُنَا ، ‹كُيِ ڧَرْڢِنْ حَلِ دَ ڨُوذُواْ، كُو دَ كُكٜىٰ جِنْ مَغَنَرْ نَنْ يَوْ؞ أَنَّبَاوَنَ سُنْيِ مَغَنَرْ نَنْ أَ لُواْكَثِنْ دَ عَكَ كَڢَ تُوشٜىٰنْ سَاكٜىٰ غِنَا غِدَانَ، وَتُواْ هَيْكَلِنَ؞

10كَاڢِنْ ݣُونَكِنْ ثَنْ نَغِنِ، بَابُ أَلْبَشِ غَ مُتُمْ، بَابُ لَادَنْ عَيْكِ غَ دَبَّ؞ بَابُ سَلَمَ غَ مَيْ ڢِتَ دَ شِغَ عَڧَسَرْ سَبُواْدَ أَبُواْكَنْ غَابَا؞ غَمَا نَا سَا دُكَنْسُ سُنَ غَابَادَ جُونَ؞

11عَمَّا يَنْذُ بَذَنْيِ دَ ضَغُواْوَرْ جَمَعَتَ كَمَرْ يَدَّ نَيِ عَݣُونَكِنْ دَا بَ، نِے يَهْوٜىٰهْ مَيْ ضُنْدُنَا نَا ڢَطَا؞

12غَمَا ذَاعَيِ شُوكَ ثِكِنْ ݣُونْثِيَرْ رَيْ؞ عِتَتُوَنْ إِنَبِے ذَاسُ بَادَ یَیَ، ڧَسَا كُمَ تَبَادَ أَمْڢَانِنْتَ، سَمَ كُمَ يَبَادَ رَٻَ؞ ذَنْ كُوَ سَا ضَغُواْوَرْ جَمَعَتَ سُمَلَّكِ وَطَنَّنْ أَلْبَرْكُ؞

13يَا كُو غِدَنْ يَهُودَ دَ نَ إِسْرَٰٓءِيلَ! كَمَرْ يَدَّ كُكَ ذَمَ لَعَنَ عَثِكِنْ سَوْرَنْ ڧَبِيلُ، حَكَمَا ذَنْثٜىٰثٜىٰكُ، ذَاكُ كُوَ ذَمَ أَلْبَرْكَ أَغَرٜىٰسُ؞ كَدَ كُجِڟُواْرُواْ، عَمَّا كُيِ ڧَرْڢِنْ حَلِ دَ ڨُوذُواْ؞›

14«إِنْجِ يَهْوٜىٰهْ مَيْ ضُنْدُنَا ، ‹كَمَرْ يَدَّ نَيِ نُڢِ إِنْ حُكُنْتَكُ لُواْكَثِنْ دَ كَاكَنِّنْكُ سُكَتَادَ ڢُشِنَ، بَنْ كُوَ دَيْنَبَ،

15حَكَنَنْ مَا نَيِ نُڢِ إِنْ عَيْكَ دَ أَلْحٜىٰرِ غَ عُرُوشَلِيمَ دَ غِدَنْ يَهُودَ عَݣُونَكِنْنَنْ؞ سَبُواْدَ حَكَ كَدَ كُجِڟُواْرُواْ؞

16غَا أَبُبُوَنْ دَ ذَاكُيِ؞ كُواْوَنّٜىٰنْكُ يَدِنْ‌غَ ڢَطَرْ وَمَڨُوبْثِنْسَ غَسْكِيَ؞ أَوُرَارٜىٰنْ شَرِيعَرْكُ كُدِنْ‌غَ يِنْ غَسْكِيَ دَ أَدَلْثِے، وَنْدَ ذَيْ كَٰوُاْ ذَمَنْ سَلَمَ؞

17كَدَ وَنِنْكُ يَيِ تُنَانِنْ مُغُنْتَا أَ ذُوثِيَارْسَ غَمٜىٰدَ مَڨُوبْثِنْسَ؞ كَدَ كُمَ كُيِ ضَنْڟُوَارْ ڧَضْيَا؞ غَمَا نِے إِنَڧِنْ دُكَنْ إِرِنْ أَبُبُوَنَّنْ، نِے يَهْوٜىٰهْ نَا ڢَطَا؞› »

18أَنَانً كُمَ سَيْ يَهْوٜىٰهْ مَيْ ضُنْدُنَا يَيِ مَغَنَ دَنِے ثٜىٰوَ

19«إِنْجِ يَهْوٜىٰهْ مَيْ ضُنْدُنَا ، ‹أَظُمِ نَوَتَنْ حُطُ دَ نَوَتَنْ بِيَرْ دَ نَوَتَنْ بَݣَويْ دَ نَوَتَنْ غُواْمَ، يَنْذُ ذَاسُ ذَمَ لُواْكَتَنْ مُرْنَ دَ ڢَضٍ ثِكِ؞ ذَاسُ ذَمَ بِكٍ ڢَضٍ ثِكِ غَ دُكَنْ غِدَنْ يَهُودَ؞ سَبُواْدَ حَكَ، سَيْ كُڧَوْنَثِ غَسْكِيَ دَ ذَمَنْ سَلَمَ؞› »

20«إِنْجِ يَهْوٜىٰهْ مَيْ ضُنْدُنَا ، ‹ڧَبِيلُنْ دُونِيَا دَ مَذَوْنَنْ بِرَنٜىٰ مَاسُيَوَ ذَاسُذُواْ عُرُوشَلِيمَ؞

21مَذَوْنَنْ وَنِ بِرْنِ ذَاسُ تَڢِے وُرِنْ مَذَوْنَنْ وَنِ بِرْنِ، سُثٜىٰمُسُ «ذُواْ مُتَڢِے يَنْذُنَّنْ، مُنٜىٰمِ ڢُسْكَرْ يَهْوٜىٰهْ مُكُمَ ضُواْڧِ أَلْحٜىٰرِ دَغَ يَهْوٜىٰهْ مَيْ ضُنْدُنَا ؞ مُو دَكَنْمُ ذَامُ تَڢِے؞»

22ڧَبِيلُ مَاسُيَوَ دَ مُتَنٜىٰنْ مَنْيَنْ ڧَسَاشٜىٰ ذَاسُذُواْ نٜىٰمَنْ ڢُسْكَرْ يَهْوٜىٰهْ مَيْ ضُنْدُنَا عَثِكِنْ عُرُوشَلِيمَ، ذَاسُ كُمَ ضُواْڧِ أَلْحٜىٰرِ دَغَ غَرٜىٰشِ؞›

23«إِنْجِ يَهْوٜىٰهْ مَيْ ضُنْدُنَا ، ‹أَوَطَنَّنْ ݣُونَكِے مُتُمْ غُواْمَ ذَاسُ كَامَ حَنُّنْ رِغَرْ مُتُمِنْ يَهُودَ؞ مُتَنٜىٰنَّنْ ذَاسُذُواْ دَغَ كُواْوَنٜىٰ يَرٜىٰ نَكُواْوَثٜىٰ أَلْعُمَّ سُنَ ثٜىٰوَ «كَبَرْمُ مُبِيكَ غَمَا مُنْجِ ثٜىٰوَ اللَّهْ يَنَ تَرٜىٰدَكُو؞» › »

← Chapter 7 Jump to: Chapter 9 →