Zechariah 14

Hausa Arabic 2020 (أَتَّوْرَتْ دَ أَنَّبَاوَا)

← Chapter 13 Jump to:

1غَاشِ رَانَ تَنَ ذُوَا، رَانَرْ دَ يَهْوٜىٰهْ ذَيْ حُكُنْتَكُ؞ أَ رَانَرْ، كَايَنْ دَ عَكَ ڨُوثٜىٰ عَيَاڧِ دَغَ ثِكِنْ عُرُوشَلِيمَ ذَاعَ رَبَ أَعِدَنُونْكُ؞

2غَمَا ذَنْ تَارَ دُكَنْ ڧَبِيلُ سُذُواْ سُيَاڧِ عُرُوشَلِيمَ؞ ذَاعَ ثِ بِرْنِنْ دَ يَاڧِ عَكُمَ ڨُوثٜىٰ كَايَنْ غِدَاجٜىٰنْسُ؞ ذَاعَ تِلَسْتَ مَاتَا عَكْوَانَ دَسُو؞ ذَاعَكَيْ رَبِنْ مُتَنٜىٰنْ بِرْنِنْ بَوْتَا، عَمَّا ذَاعَ بَرْ سَوْرَنْ مُتَنٜىٰنْ عَثِكِنْ بِرْنِنْ؞

3سَعَنً يَهْوٜىٰهْ ذَيْڢِتَ يَيِ يَاڧِ دَ وَطَنَّنْ ڧَبِيلُ، كَمَرْ يَدَّ يَسَابَا يِ أَ رَانَرْ يَاڧِ؞

4أَ رَانَرْ نَنْ ڧَڢَاڢُنْسَ ذَاسُ ڟَيَ عَكَنْ تُدُنْ ظَيْتُنْ، وَنْدَ يَكٜىٰ غَبَسْ دَ بِرْنِنْ عُرُوشَلِيمَ؞ تُدُنْ ظَيْتُنْ كُوَ ذَيْ ڟَٰغٜىٰ كَشِ بِيُ دَغَ غَبَسْ ذُوَا يَمَّ، يَبَرْ بَبَّنْ ݣُورِ أَڟَكَانِنْسُ؞ كَشِ غُدَا نَتُدُنْ ذَيْ جَنْيٜىٰ ذُوَا وَجٜىٰنْ أَرٜىٰوَ؞ كَشِ طَيَنْ كُمَ ذَيْ جَنْيٜىٰ ذُوَا كُدُ؞

5ذَاكُيِ غُدُ كُبِے تَݣُورِنَّنْ دَ يَمِيڧٜىٰ ذُوَا أَظٜىٰلْ، كَمَرْ يَدَّ دَا كَاكَنِّنْكُ سُكَيِ أَ لُواْكَثِنْ دَ عَكَيِ ضَوَرْ ڧَسَا أَ زَامَانِنْ سَرْكِے عُزِّيَ نَ يَهُودَ؞ سَعَنً يَهْوٜىٰهْ اللَّهْ نَا ذَيْ سَوْكُواْ تَرٜىٰدَ مَلاَىِٕكُنْسَ؞

6أَ رَانَرْ نَنْ بَذَاعَيِ حَصْكٜىٰبَ، سَيْدَيْ سَنْيِ دَ دُوسَرْ ڧَنْڧَرَ؞

7دُكْدَهَكَ، ذَاتَ كَسَنْثٜىٰ رَانَ مَرَرْ ڧَارٜىٰوَ؞ سَعَدَّ مُتَنٜىٰ سُكٜىٰ سَا رَيْ سُغَ يَمَّ تَيِ، ذَاسُيِ تَغَنِنْ حَصْكٜىٰ؞ يَهْوٜىٰهْ كَطَيْ يَسَنْ يَدَّ وَنَّنْ رَانَرْ ذَاتَ كَسَنْثٜىٰ؞

8أَ رَانَرْ نَنْ ضُوَ مَيْ بَادَ رَيْ ذَيْڢِتُواْ دَغَ عُرُوشَلِيمَ، رَبِنْ ضُوً ذَيْ تَڢِے تٜىٰكُنْ غَبَسْ، رَبِے كُمَ ذَيْ تَڢِے تٜىٰكُنْ يَمَّ؞ ضُوً ذَيْ يِتَغُدُ أَدَمِنَ دَ رَانِ؞

9أَ رَانَرْ نَنْ يَهْوٜىٰهْ سَرْكِنْ دُونِيَا دُكَ ذَيْ ذَمَ شِينٜىٰ يَهْوٜىٰهْ شِ كَطَيْ؞ كُواْوَ ذَيْ سَنْ سُونَنْسَ، كُمَ شِ كَطَيْ ذَاعَيِ مَسَ سُجَّدَ؞

10ڧَسَا دُكَ ذَاتَ ذَمَ ڢِيلِ دَغَ غٜىٰبَ ذُوَا رِمُّوانْ عَكُدَنْثِنْ عُرُوشَلِيمَ؞ عَمَّا عُرُوشَلِيمَ ذَاتَ ثِيغَبَدَ كَسَنْثٜىٰوَ عَكَنْ تُدُ عِنْدَ تَكٜىٰ ذَمَنْتَ؞ دَغَ ڧُواْڢَرْ بِلِيَامِنُ ذَاتَ مِيڧٜىٰ ذُوَا ڧُواْڢَرْ ݣُونَ عِنْدَ دَا أَݣَويْ ڧُواْڢَ؞ ذَاتَ كُمَ مِيڧٜىٰ دَغَ حَصُومِيَا تَ هَنَنٜىٰلْ ذُوَا وُرَارٜىٰنْ مَڟٜىٰوَرْ ضُوً إِنَبِے وَطَنْدَ سُكٜىٰ نَسَرْكِے؞

11عُرُوشَلِيمَ ذَاتَ كَسَنْثٜىٰ وُرِنْ ذَمَنْ مُتَنٜىٰ، ذَاعَ كُوَيِ ذَمَنْ لَاڢِيَ بَابُ سَوْرَنْ ڟُواْرُوانْ هَلَّكَ؞

12غَا إِرِنْ بَلَعِنْ دَ يَهْوٜىٰهْ ذَيْ عَيْكَ وَدُكَنْ ڧَبِيلُنْ دَسُكٜىٰ يَاڧِ دَ عُرُوشَلِيمَ؞ ڢَتَرْ جِكِنْسُ ذَاتَ ضُٻَ تُنْ سُنَانَنْ أَڟَيٜىٰ؞ عِدَنُونْسُ ذَاسُ ضُٻَ أَ عِنْدَ سُكٜىٰ أَ ڢُسْكَرْسُ؞ كُمَ هَرْشٜىٰنْ كُواْوَنّٜىٰنْسُ ذَيْ ضُٻَ ثِكِنْ بَاكِنْسَ؞

13أَ رَانَرْ نَنْ يَهْوٜىٰهْ ذَيْسَا ڧَبِيلُنْ سُضِكِثِے سُواْسَيْ؞ كُواْوَ ذَيْ كَامَ حَنُّنْ طَنْعُوَنْسَ، يَبُبُّغٜىٰشِ؞

14مُتَنٜىٰنْ يَهُودَ ذَاسُيِ يَاڧِ أَ عُرُوشَلِيمَ؞ ذَاعَݣُوشِ أَرْزِڧِنْ دُكَنْ ڧَبِيلُنْ دَ سُكَ كٜىٰوَيٜىٰسُ؞ عَثِكِنْ أَرْزِڧِنْ أَݣَويْ ظِينَارِيَ دَ أَظُرْڢَا دَ رِيغُنَ مَاسُيَوَ سُواْسَيْ؞

15بَلَعِ إِرِنْ وَنَّنْ ذَيْ ڢَاطُواْ وَ دَوَكِ دَ جَاكُنَنْ دُواْكِ دَ رَاڧُمَ دَ دُكَنْ دَبُّواْبِنْ دَسُكٜىٰ أَ سَنْسَنِنْ يَاڧِنْ ڧَبِيلُنْ؞

16سَعَنً دُكْ وَطَنْدَ سُكَ رَغُ دَغَ ثِكِنْ ڧَبِيلُنْ دَ سُكَذُواْ يَاڧِ دَ عُرُوشَلِيمَ، كُواْوَثٜىٰ شٜىٰكَرَا ذَاسُدِنْ‌غَ هَوْرَ ذُوَا عُرُوشَلِيمَ دُواْمِنْ سُجَّدَ؞ ذَاسُيِ وَ سَرْكِے سُجَّدَ، وَتُواْ يَهْوٜىٰهْ مَيْ ضُنْدُنَا ، سُكُمَيِ بِكٍ بُكُّواْكِ أَوُرِنْ؞

17ذَيْ كُوَ كَسَنْثٜىٰ عِدَنْ وَتَ ڧَبِيلَرْ دُونِيَا بَتَتَڢِے عُرُوشَلِيمَ تَيِ سُجَّدَ غَ سَرْكِے بَ، وَتُواْ يَهْوٜىٰهْ مَيْ ضُنْدُنَا ، ذَاتَ رَسَ ضُوً سَمَ؞

18عِدَنْ مَصَرَاوَا بَسُ هَوْرَ ذُوَا عُرُوشَلِيمَ دُواْمِنْ بِكٍ بُكُّواْكِ بَ، بَذَاعَيِ مَتَ ضُوً سَمَبَ؞ يَهْوٜىٰهْ كُمَ ذَيْ كَٰوُاْ مَتَ إِرِنْ بَلَعِنْدَ يَكَٰوُاْوَ ڧَبِيلُنْ دَ سُكَڧِ ذُوَا بِكٍ بُكُّواْكِنْ؞

19وَنَّنْ نٜىٰ ذَيْ كَسَنْثٜىٰ حُكُنْثِ عَكَنْ مَصَرْ دَ حُكُنْثِ عَكَنْ سَوْرَنْ ڧَبِيلُنْ دَ بَسُ ذُواْ سُنْيِ بِكٍ بُكُّواْكِ نَكُواْوَثٜىٰ شٜىٰكَرَبَ؞

20أَ رَانَرْ نَنْ ذَاعَ رُبُوتَ وَطَنَّنْ كَلْمُواْمِ حَرْ عَكَنْ ڧَرَرَّوَرْ دَوَكِنْ، «أَنْ كٜىٰٻٜىٰ دَ ڟَرْكِے غَ يَهْوٜىٰهْ»؞ تُݣُونٜىٰنْ دَسُكٜىٰ أَ غِدَنْ يَهْوٜىٰهْ ذَاعَ كٜىٰٻٜىٰسُ كَمَرْ ݣُونُواْنِنْ دَسُكٜىٰ أَغَبَنْ بَغَدٜىٰ؞

21ذَيْ كُمَ كَسَنْثٜىٰ ثٜىٰوَ كُواْوَثٜىٰ تُكُنْيَرْ دَتَكٜىٰ أَ عُرُوشَلِيمَ دَ يَهُودَ ذَاعَ كٜىٰٻٜىٰسُ دَ ڟَرْكِے غَ يَهْوٜىٰهْ مَيْ ضُنْدُنَا ؞ دُكَنْ مَاسُ مِيڧَ هَدَايَ سُطَوْكَ سُدَڢَ نَامَنْ هَدَايَ عَثِكِنْسُ؞ أَ رَانَرْ نَنْ بَذَاعَ ڧَارَ سَامُنْ مُتَنٜىٰنْ كَنْعَنَ كُواْ مَاسُ سَيَ دَ سَيَرْوَ أَ غِدَنْ يَهْوٜىٰهْ بَ؞

← Chapter 13 Jump to: