bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilonggo
/
Ilonggo (Maayong Balita nga Biblia (2012))
/
Amos 7
Amos 7
Ilonggo (Maayong Balita nga Biblia (2012))
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 8 →
1
Ang Ginoo nga Gamhanan nagpakita sa akon sini nga palanan-awon: Nakita ko sia nga nagtuga sang nagadulom lang nga mga apan sa tapos magalab ang kumpay nga amo ang bahin sang hari, kag ang hilamon nagasugod pa lang sa pagtubo liwat.
2
Sa akon palanan-awon nakita ko ang mga apan nga nag-ubos kaon sang tagsa ka berde nga butang sa duta, kag dayon nagsiling ako, “O Ginoo nga Gamhanan, patawara ang imo mga tawo! Ano ang pagkabuhi nila? Diutay lang sila kag maluya!”
3
Gani ang Ginoo nagbaylo sang iya panghunahuna kag nagsiling, “Ang imo nakita indi matabo.”
4
Ang Ginoo nga Gamhanan nagpakita sa akon sining isa pa ka palanan-awon: Nakita ko sia nga nagahanda sa pagsilot sang iya mga tawo paagi sa kalayo. Ang kalayo nagsunog sang malapad nga lawod sa idalom sang duta, kag nagasugod ini sa pagsunog sang duta.
5
Dayon nagsiling ako, “O Ginoo nga Gamhanan kon mahimo untata ini! Ano ang pagkabuhi sang imo mga tawo? Diutay lang sila kag maluya!”
6
Gani ang Ginoo nagbaylo sang iya panghunahuna liwat kag nagsiling, “Indi man ini matabo.”
7
Ang Ginoo nagpakita sa akon sining isa pa ka palanan-awon: Nakita ko sia nga nagatindog sa tupad sang isa ka pader nga gingamitan sing tunton sang pagpatindog sini, kag ang may tunton sa iya kamot.
8
Ginpamangkot niya ako, “Amos, ano bala ang makita mo?” Nagsabat ako, “Isa ka tunton.” Dayon nagsiling sia, “Tan-awa, ginagamit ko ini sa pagpakita nga ang akon mga tawo kaangay sang isa ka pader nga wala magsanto sa tunton. Indi ko gid sila pagpatawaron.
9
Ang mga lugar nga ginasimbahan sang mga kaliwat ni Isaac pagagub-on. Ang balaan nga mga lugar sang Israel pagalaglagon. Magapakig-away ako batok sa panimalay ni Haring Jeroboam.”
10
Si Amasias nga pari sang Betel nagpanugid kay Haring Jeroboam sang Israel sini nga butang: “Si Amos nagplano batok sa imo sa tunga sang mga Israelinhon. Ang iya mga pamulongpulong magaguba sang pungsod.
11
Amo ini ang iya ginasiling: ‘Si Jeroboam mapatay sa inaway, kag ang mga Israelinhon pagakuhaon sa ila duta kag pagabihagon.’”
12
Kag si Amasias nagsiling kay Amos, “O propeta, bayai ini nga lugar! Magbalik ka sa duta sang Juda kag didto ka magpangita sang imo pangabuhian kag didto ka magwali.
13
Indi ka na magwali diri sa Betel. Ini ang lugar sa diin ang hari nagasimba. Amo ini ang templo sang bug-os nga pungsod.”
14
Si Amos nagsabat, “Indi ako propeta. Indi amo ini ang akon palangitan-an. Manugbantay ako sang mga karnero, kag manug-atipan man sang mga kahoy nga higera.
15
Pero ang Ginoo nagkuha sa akon sa pagkamanugbantay sang karnero kag ang Ginoo nagmando sa akon sa paglakat kag sa pagwali sa iya mga tawo nga Israelinhon para sa iya.
16
Gani karon, magpamati ka sa ginasiling sang Ginoo. Ginasingganan mo ako sa pag-untat sa paghambal batok sa mga pumoluyo sang Israel, kag indi na magwali batok sa mga kaliwat ni Isaac.
17
Gani Amasias, tungod kay nagasiling ikaw sina, ang Ginoo nagasiling sa imo, ‘Ang imo asawa mangin-isa ka babayi nga nagabaligya sang iya dungog sa siudad, kag ang imo mga kabataan magakalamatay sa inaway. Ang imo duta pagabahinbahinon kag pagaihatag sa iban, kag ikaw mismo mapatay sa duta sang mga dumoluong. Ang mga pumoluyo sang Israel pat-od nga pagakuhaon sa ila duta kag pagabihagon.’”
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 8 →
All chapters:
1
2
3
4
5
6
7
8
9
Recommended Reading
Commentary
Amos Commentaries
→
Devotional
Amos Devotional Guide
→
Get This Bible
2012 Study Bible
→