Nehemiah 11

Ilonggo (Ang Biblia (1982))

← Chapter 10 Jump to: Chapter 12 →

1Karon ang mga principe sang katawohan nagpuyo sa Jerusalem; kag ang nabilin sang katawohan nagpapalad sa pagpapuyo sang isa sang napulo sa Jerusalem nga banwa nga balaan, samtang ang siam ka bahin sa iban nga mga banwa.

2Kag ang katawohan nagpakamaayo sang tanan nga tawo nga nagtanyag sing kinabubut-on sang ila kaugalingon sa pagpuyo sa Jerusalem.

3Amo ini sila ang mga puno sang puud nga nagpuyo sa Jerusalem; apang sa mga banwa sang Juda nagpuyo ang tagsatagsa sa iya kaugalingon sa ila mga banwa: ang Israel, ang mga sacerdote, ang mga Levinhon, ang mga Netinim, kag ang mga anak sang mga alagad ni Salomon.

4Kag sa Jerusalem nagpuyo ang pila sang mga lalaking anak sang Juda kag sang mga lalaking anak sang Benjamin. Gikan sa mga lalaking anak sang Juda: si Ataya nga lalaking anak ni Uzias, lalaking anak ni Zacarias, lalaking anak ni Amarias, lalaking anak ni Sefatias, lalaking anak ni Mahalalel, gikan sa mga lalaking anak ni Perez;

5kag si Maasias nga lalaking anak ni Baruc, lalaking anak ni Col-hose, lalaking anak ni Hasaya, lalaking anak ni Adaya, lalaking anak ni Joiarib, lalaking anak ni Zacarias, lalaking anak ni Silonhon.

6Ang tanan nga lalaking anak ni Perez nga nagpuyo sa Jerusalem apat ka gatus kag kan-uman kag walo ka tawo nga isganan.

7Kag amo ini sila ang mga lalaking anak sang Benjamin: si Sallu nga lalaking anak ni Mesullam, lalaking anak ni Joed, lalaking anak ni Pedaya, lalaking anak ni Colaya, lalaking anak ni Maasias, lalaking anak ni Itiel, lalaking anak ni Jesaias.

8Kag madason sa iya si Gabai, si Sallai, siam ka gatus kag duha ka pulo kag walo.

9Si Joel nga lalaking anak ni Sicri amo ang ila manugtatap; kag si Juda nga lalaking anak ni Senua ikaduhang manugtatap sang banwa.

10Gikan sa mga sacerdote: si Jedaya nga lalaking anak ni Joiarib, si Jaquin,

11si Seraya nga lalaking anak ni Helcias, lalaking anak ni Mesullam, lalaking anak ni Sadoc, lalaking anak ni Merayot, lalaking anak ni Ahitub, ang manugdumala sa balay sang Dios,

12kag ang ila mga utud nga naghimo sang buluhaton sang balay, walo ka gatus kag duha ka pulo kag duha; kag si Adaya nga lalaking anak ni Jeroham, lalaking anak ni Pelalias, lalaking anak ni Amzi, lalaking anak ni Zacarias, lalaking anak ni Pasur, lalaking anak ni Malquias,

13kag ang iya mga utud, mga puno sang mga kabaranggayan, duha ka gatus kag kap-atan kag duha; kag si Amasai nga lalaking anak ni Azarel, lalaking anak ni Azai, lalaking anak ni Mesillemot, lalaking anak ni Imer,

14kag ang ila mga utud, gamhanan nga mga tawo nga isganan, isa ka gatus kag duha ka pulo kag walo; ang ila manugtatap amo si Sabdiel, lalaking anak ni Hagedolim.

15Kag gikan sa mga Levinhon: si Semaya nga lalaking anak ni Hasub, lalaking anak ni Azricam, lalaking anak ni Hasabaya, lalaking anak ni Buni;

16kag si Sabetai kag si Jozabad, gikan sa mga puno sang mga Levinhon, nga nagtatap sang nagowa nga hilikuton sang balay sang Dios;

17kag si Matanias nga lalaking anak ni Mica, lalaking anak ni Zabdi, lalaking anak ni Asaf, nga amo ang puno sa pagsugud sang pagpasalamat sa pangamuyo, kag si Bacbucias, ikaduha sa tunga sang iya mga utud; kag si Abda nga lalaking anak ni Samua, lalaking anak ni Galal, lalaking anak ni Jedutun.

18Ang tanan nga mga Levinhon sa balaan nga banwa duha ka gatus kag kawaloan kag apat.

19Ang mga manugbantay sang gawang, si Acub, si Talmon kag ang ila mga utud, nga nagbantay sa mga gawang, isa ka gatus ka kapitoan kag duha.

20Kag ang nabilin sang Israel, gikan sa mga sacerdote kag ang mga Levinhon, yara sa tanan nga banwa sang Juda, ang tagsatagsa sa iya panublion.

21Apang ang mga Netinim nagpuyo sa Ofel; kag si Ziha kag si Gispa naggahum sa mga Netinim.

22Ang manugtatap sang mga Levinhon sa Jerusalem amo si Uzi nga lalaking anak ni Bani, lalaking anak ni Hasabias, lalaking anak ni Matanias, lalaking anak ni Mica, gikan sa mga lalaking anak ni Asaf, ang mga manug-amba, manugtatap sang hilikuton sang balay sang Dios.

23Kay may sogo sang hari nahanungud sa ila, kag may napat-ud nga sakdag nga sa mga manug-amba, sono sa kinahanglan sa tagsa ka adlaw.

24Kag si Petahias nga lalaking anak ni Mesezabel, gikan sa mga lalaking anak ni Zara nga lalaking anak ni Juda, yara sa kamut sang hari sa tanan nga butang nahanungud sa katawohan.

25Kag nahanungud sa mga minoro, pati ang ila mga latagon, ang iban sang katawohan sang Juda nagpuyo sa Kiryat-arba kag sa iya mga ginsakpan, kag sa Dibon kag sa iya mga ginsakpan, kag sa Jecabseel kag sa iya mga ginsakpan,

26kag sa Jesua kag sa Molada kag sa Bet-pelet,

27sa Hazar-sual, sa Beer-seba kag sa iya mga ginsakpan,

28sa Ziclag, sa Mecona kag sa iya mga ginsakpan,

29sa En-rimon, sa Zora, sa Jarmut,

30sa Zanoa, sa Adullam, kag sa ila mga minoro, sa Laquis kag sa iya latagon, sa Azeca kag sa iya mga ginsakpan. Gani nagpahamtang sila sing dologan kutub sa Beer-seba tubtub sa nalupyakan sang Hinom.

31Ang katawohan sang Benjamin man nagpuyo kutub sa Geba paunhan, sa Micmas, sa Aya, sa Bet-el kag sa iya mga ginsakpan,

32sa Anatot, sa Nob, sa Ananias,

33sa Hazor, sa Rama, sa Gitaim,

34sa Hadid, sa Zeboim, sa Neballat,

35sa Lod, kag sa Ono, ang nalupyakan sang mga panday.

36Kag gikan sa mga Levinhon ang pila ka mga kinabon sa Juda nag-impon sa Benjamin.

← Chapter 10 Jump to: Chapter 12 →