Nehemiah 12

Ilonggo (Ang Biblia (1982))

← Chapter 11 Jump to: Chapter 13 →

1Amo ini sila ang mga sacerdote kag ang mga Levinhon nga nagtaklad upud kay Zorobabel nga lalaking anak ni Sealtiel, kag kay Jesua: sila ni Seraya, Jeremias, Esdras,

2Amarias, Maluc, Hatus,

3Secanias, Rehum, Meremot,

4Iddo, Ginetoi, Abias,

5Miamin, Maadias, Bilga,

6Semaya, Joiarib, Jedaya,

7Sallu, Amoc, Helcias, Jedaya. Ini sila amo ang mga puno sang mga sacerdote kag sang ila mga utud sa mga adlaw ni Jesua.

8Kag ang mga Levinhon: sila ni Jesua, Benui, Cadmiel, Serebias, Juda, kag Matanias, nga nagdumala sang mga ambahanon sang pagpasalamat upud ang iya mga utud.

9Kag si Bacbucias kag si Uno nga ila mga utud yara sa atubangan nila sono sa ila mga palangakoan.

10Kag si Jesua amay ni Joiaquim, si Joiaquim amay ni Eliasib, si Eliasib amay ni Joiada,

11si Joiada amay ni Jonatan, kag si Jonatan amay ni Jadua.

12Kag sa mga adlaw ni Joiaquim may mga sacerdote, nga mga pangolo sang mga kabaranggayan: gikan kay Seraya, si Meraya; kay Jeremias, si Hananias;

13gikan kay Esdras, si Mesullam; gikan kay Amarias, si Johanan,

14gikan kay Melicu, si Jonatan; gikan kay Sebanias, si Jose;

15gikan kay Harim, si Adna; gikan kay Merayot, si Helcai;

16gikan kay Iddo, si Zacarias; gikan kay Gineton, si Mesullam;

17gikan kay Abias, si Sicri; gikan kay Miniamin, gikan kay Moadias, si Piltai;

18gikan kay Bilga, si Samua; gikan kay Semaya, si Jonatan;

19gikan kay Joiarib, si Matinai; gikan kay Jedaya, si Uzi;

20gikan kay Sallai, si Callai; gikan kay Amoc, si Eber,

21gikan kay Helcias, si Hasabias; gikan kay Jedaya, si Natanael.

22Nahanungud sa mga Levinhon, sa mga adlaw ni Eliasib, ni Joiada, ni Johanan, kag ni Jadua, ginsulat ang mga pangolo sang mga kabaranggayan; ang mga sacerdote man, tubtub sa paghari ni Dario nga Persiahanon.

23Ang mga lalaking anak ni Levi, nga mga pangolo sang mga kabaranggayan, nasulat sa Tolon-an sang mga Maragtas tubtub sa mga adlaw ni Johanan nga lalaking anak ni Eliasib.

24Kag ang mga puno sang mga Levinhon: si Hasabias, si Serebias, kag si Jesua nga lalaking anak ni Cadmiel, pati ang ila mga utud sa atubang nila, sa pagdayaw kag pagpasalamat, sono sa sogo ni David nga tawo sang Dios, isa ka bantay nagatal-us sa isa.

25Sila ni Matanias, Bacbucias, Abdias, Mesullam, Talmon, kag Acub mga manugbantay nga nagabantay sang mga damisagan sang mga gawang.

26Amo ini sila sa mga adlaw ni Joaquim nga lalaking anak ni Jesua, lalaking anak ni Josadac, kag sa mga adlaw ni Nehemias nga pangolo-puud, kag ni Esdras nga sacerdote nga escriba.

27Kag sa paghalad sang kuta sa Jerusalem ginpangita nila ang mga Levinhon gikan sa tanan nilang mga duug, sa pagdala sa ila sa Jerusalem sa paghiwat sang paghalad nga may kasadya, nga may mga pagpasalamat kag may inamba, nga may apiping, mga salterio, kag mga arpa.

28Kag ang mga lalaking anak sang mga manug-amba nagtipon sila sing tingub gikan sa kapatagan sa palibut sang Jerusalem kag gikan sa mga minoro sang mga Netopanhon;

29gikan sa Bet-gilgal man kag gikan sa mga latagon sang Geba kag Asmavet; kay ang mga manug-amba nagpatindug sila sing mga minoro sa palibut sang Jerusalem.

30Kag ang mga sacerdote kag ang mga Levinhon nagpaninlo sang ila kaugalingon; kag gintinloan nila ang katawohan kag ang mga gawang kag ang kuta.

31Niyan ginpasaka ko ang mga principe sang Juda sa ibabaw sang kuta, kag gintangdo ang duha ka dalagku nga guban nga nagpasalamat kag nagkatay. Ang isa nag-agi sa too sa ibabaw sang kuta nayon sa Gawang sang Ipot;

32kag nagsonod sa ila si Hosaya kag ang katunga sang mga principe sang Juda,

33kag sila ni Azarias, Esdras, Mesullam,

34Juda, Benjamin, Semaya, kag Jeremias,

35kag ang pila sang mga lalaking anak sang mga sacerdote nga may mga budyong: si Zacarias nga lalaking anak ni Jonatan, lalaking anak ni Semaya, lalaking anak ni Matanias, lalaking anak ni Micaya, lalaking anak ni Zacur, lalaking anak ni Asaf;

36kag ang iya mga himata, sila ni Semaya, Azarel, Milalai, Gilalai, Maai, Natanael, Juda, kag Hanani, nga may mga tulunggon ni David nga tawo sang Dios; kag si Esdras nga escriba nahauna sa ila.

37Sa luyo sang Gawang sang Tuburan tadlong sa atubang nila nagsaka sila sa hagdanan sang banwa ni David, sa taklaran sang kuta, sa ibabaw sang balay ni David, tubtub sa Gawang sang Tubig nayon sa sidlangan.

38Ang isa pa ka guban nga nagpasalamat nagsugata sa ila, kag ako sa olihi nila upud sang katunga sang katawohan, sa ibabaw sang kuta, sa ibabaw sang Torre sang mga Horno, tubtub sa Masangkad nga Kuta,

39kag sa ibabaw sang Gawang ni Efraim, kag sa Daan nga Gawang, kag sa Gawang sang Isda kag sa Torre ni Hananel kag sa Torre nga Hamea, tubtub sa Gawang sang Carnero; kag nagdolog sila sa Gawang sang Bantay.

40Gani nagdolog ang duha ka guban sa ila nga nagpasalamat sa balay sang Dios, kag ako kag ang katunga sang mga manugdumala upud sa akon;

41kag ang mga sacerdote, sila ni Eliaquim, Maaseya, Miniamin, Micaya, Elioenai, Zacarias, Hananias, nga may mga budyong;

42kag sila ni Maaseya, Semaya, Eleazar, Uzi, Johanan, Malquias, Elam, kag Ezer. Kag ang mga manug-amba nag-amba sing mabaskug upud kay Jezrahias nga ila manugtatap.

43Kag nagdolot sila sing dalagkung mga halad sadtong adlaw kag nagkasadya, kay ang Dios nagpasadya sa ila sa dakung kasadya; nagkasadya man ang mga babayi kag ang kabataan. Kag ang kinasadya sang Jerusalem nabatian sa malayo.

44Sa sadtong adlaw gintangdo ang mga tawo sa ibabaw sang mga hulut sang mga bahandi, tungud sa mga halad-nga-binayaw, sa nahaunang mga bunga kag sa mga ikapulo, sa pagtipon sa ila sono sa mga uma sang mga banwa, ang mga bahin nga gintangdo sang kasogoan sa mga sacerdote kag sa mga Levinhon; kay nagkalipay ang Juda tungud sa mga sacerdote kag sa mga Levinhon nga nag-alagad.

45Kag ginbantayan nila ang tinulin sang ila Dios kag ang tinulin sang pagpaninlo, kag amo man ang ginhimo sang mga manug-amba kag mga manugbantay sang gawang, sono sa sogo ni David kag ni Salomon nga iya anak.

46Kay sadto anay sa mga adlaw ni David kag ni Asaf may puno sang mga manug-amba, kag mga ambahanon sang pagdayaw kag pagpasalamat sa Dios.

47Kag ang bug-os nga Israel sa mga adlaw ni Zorobabel kag sa mga adlaw ni Nehemias naghatag sang mga bahin sang mga manug-amba kag sang mga manugbantay sang gawang sono sa kinahanglan sang tagsa ka adlaw; kag ginpain nila ang sa mga Levinhon; kag ang mga Levinhon nagpain sang sa mga lalaking anak ni Aaron.

← Chapter 11 Jump to: Chapter 13 →