Nehemiah 7 — Ilonggo (Ang Biblia (1982))

1Karon sang napatindug ang kuta kag natakud ko na ang mga takup, kag natangdo ang mga bantay sang gawang, ang mga manug-amba, kag ang mga Levinhon,

2ginpadumala ko sa Jerusalem si Hanani nga akon utud nga lalaki kag si Hananias nga pangolo sang castilyo, kay matutum sia nga tawo kag nahadluk sa Dios labaw sa madamu.

3Kag nagsiling ako sa ila, “Dili pagbuksan ang mga gawang sang Jerusalem tubtub nga mag-init ang adlaw; kag samtang nagabantay sila takpan nila ang mga ganhaan kag pintalan nila sila. Magtangdo sing mga bantay sang mga pumuluyo sang Jerusalem, ang tagsatagsa sa iya balantayan kag ang tagsatagsa sa atubang sang iya balay.”

4Ang banwa malapad kag daku, apang diotay ang katawohan sa sulud niya kag ang mga balay wala pa mapatindug.

5Niyan ang Dios nagbutang sa akon tagiposoon sa pagtipon sing tingub sang mga dungganon kag sang mga manuggahum kag sang katawohan agud nga maisip sila sa lista sang kaliwatan. Kag nakita ko ang tolon-an sang lista sang kaliwatan sang mga nagtaklad sing una, kag nakita ko nga nasulat didto:

6Ini sila amo ang katawohan sang puud nga nagtaklad gikan sa kabihagan sadtong mga gindala ni Nabucodonosor nga hari sang Babilonia; nagbalik sila sa Jerusalem kag sa Juda, ang tagsatagsa sa iya banwa.

7Nag-abut sila upud sa ila ni Zorobabel, Jesua, Nehemias, Azarias, Raamias, Nahamani, Mardoqueo, Bilsan, Misperet, Bigvai, Nehum, Baana. Ang kadamuon sang mga lalaki sang katawohan sang Israel:

8ang mga lalaking anak ni Paros, duha ka libo kag isa ka gatus kag kapitoan kag duha.

9Ang mga lalaking anak ni Sefatias, tatlo ka gatus kag kapitoan kag duha.

10Ang mga lalaking anak ni Ara, anum ka gatus kag kalim-an kag duha.

11Ang mga lalaking anak ni Pahat-moab, gikan sa mga lalaking anak ni Jesua kag ni Joab, duha ka libo kag walo ka gatus kag napulog walo.

12Ang mga lalaking anak ni Elam, isa ka libo kag duha ka gatus kag kalim-an kag apat.

13Ang mga lalaking anak ni Zatu, walo ka gatus kag kap-atan kag lima.

14Ang mga lalaking anak ni Zacai, pito ka gatus kag kan-uman.

15Ang mga lalaking anak ni Binui, anum ka gatus kag kap-atan kag walo.

16Ang mga lalaking anak ni Bebai, anum ka gatus kag duha ka pulo kag walo.

17Ang mga lalaking anak ni Azgad, duha ka libo kag tatlo ka gatus kag duha ka pulo kag duha.

18Ang mga lalaking anak ni Adonicam, anum ka gatus kag kan-uman kag pito.

19Ang mga lalaking anak ni Bigvai, duha ka libo kag kan-uman kag pito.

20Ang mga lalaking anak ni Adin, anum ka gatus kag kalim-an kag lima.

21Ang mga lalaking anak ni Ater, gikan kay Ezequias, kasiaman kag walo.

22Ang mga lalaking anak ni Hasum, tatlo ka gatus kag duha ka pulo kag walo.

23Ang mga lalaking anak ni Besai, tatlo ka gatus kag duha ka pulo kag apat.

24Ang mga lalaking anak ni Harif, isa ka gatus kag napulog duha.

25Ang mga lalaking anak ni Gabaon, kasiaman kag lima.

26Ang mga tawo sang Bet-lehem kag Netopa, isa ka gatus kag kawaloan kag walo.

27Ang mga tawo sang Anatot, isa ka gatus kag duha ka pulo kag walo.

28Ang mga tawo sang Bet-azmavet, kap-atan kag duha.

29Ang mga tawo sang Kiryat-jearim, sang Cafira, kag sang Beerot, pito ka gatus kag kap-atan kag tatlo.

30Ang mga tawo sang Rama kag sang Geba, anum ka gatus kag duha ka pulo kag isa.

31Ang mga tawo sang Micmas, isa ka gatus kag duha ka pulo kag duha.

32Ang mga tawo sang Bet-el kag sang Ai, isa ka gatus kag duha ka pulo kag tatlo.

33Ang mga tawo sang isa pa ka Nebo, kalim-an kag duha.

34Ang mga lalaking anak sang isa pa ka Elam, isa ka libo kag duha ka gatus kag kalim-an kag apat.

35Ang mga lalaking anak ni Harim, tatlo ka gatus kag duha ka pulo.

36Ang mga lalaking anak sang Jerico, tatlo ka gatus kag kap-atan kag lima.

37Ang mga lalaking anak sang Lod, sang Hadid, kag sang Ono, pito ka gatus kag duha ka pulo kag isa.

38Ang mga lalaking anak ni Senaa, tatlo ka libo kag siam ka gatus kag katloan.

39Ang mga sacerdote: ang mga lalaking anak ni Jedaya, gikan sa panimalay ni Jesua, siam ka gatus kag kapitoan kag tatlo.

40Ang mga lalaking anak ni Imer, isa ka libo kag kalim-an kag duha.

41Ang mga lalaking anak ni Pasur, isa ka libo kag duha ka gatus kag kap-atan kag pito.

42Ang mga lalaking anak ni Harim, isa ka libo kag napulog pito.

43Ang mga Levinhon: ang mga lalaking anak ni Jesua, ni Cadmiel gikan sa mga lalaking anak ni Hodeva, kapitoan kag apat.

44Ang mga manug-amba: ang mga lalaking anak ni Asaf, isa ka gatus kag kap-atan kag walo.

45Ang mga manugbantay sang gawang: ang mga lalaking anak ni Sallum, ang mga lalaking anak ni Ater, ang mga lalaking anak ni Talmon, ang mga lalaking anak ni Acub, ang mga lalaking anak ni Hatita, ang mga lalaking anak ni Soba, isa ka gatus kag katloan kag walo.

46Ang mga Netinim: ang mga lalaking anak ni Ziha, ang mga lalaking anak ni Hasufa, ang mga lalaking anak ni Tabaot,

47ang mga lalaking anak ni Keros, ang mga lalaking anak ni Sia, ang mga lalaking anak ni Padon,

48Ang mga lalaking anak ni Lebana, ang mga lalaking anak ni Hagaba, ang mga lalaking anak ni Salmai,

49ang mga lalaking anak ni Hanan, ang mga lalaking anak ni Gidel, ang mga lalaking anak ni Gahar,

50ang mga lalaking anak ni Reaya, ang mga lalaking anak ni Rezin, ang mga lalaking anak ni Necoda,

51ang mga lalaking anak ni Gazam, ang mga lalaking anak ni Uza, ang mga lalaking anak ni Pasea,

52ang mga lalaking anak ni Besai, ang mga lalaking anak ni Meunim, ang mga lalaking anak ni Nefusesim,

53ang mga lalaking anak ni Bacbuc, ang mga lalaking anak ni Hacufa, ang mga lalaking anak ni Harhur,

54ang mga lalaking anak ni Bazlit, ang mga lalaking anak ni Mehida, ang mga lalaking anak ni Harsa,

55ang mga lalaking anak ni Barcos, ang mga lalaking anak ni Sisara, ang mga lalaking anak ni Tema,

56ang mga lalaking anak ni Nezia, ang mga lalaking anak ni Hatifa.

57Ang mga lalaking anak sang mga alagad ni Salomon: ang mga lalaking anak ni Sotai, ang mga lalaking anak ni Soferet, ang mga lalaking anak ni Perida,

58ang mga lalaking anak ni Jaala, ang mga lalaking anak ni Darcon, ang mga lalaking anak ni Gidel,

59ang mga lalaking anak ni Sefatias, ang mga lalaking anak ni Hatil, ang mga lalaking anak ni Poqueret-hazebaim, ang mga lalaking anak ni Amon.

60Ang tanan nga Netinim kag ang mga lalaking anak sang mga alagad ni Salomon tatlo ka gatus kag kasiaman kag duha.

61Ini sila amo ang nagtaklad gikan sa Tel-mela, sa Tel-harsa, sa Querub, sa Adon, kag sa Imer, apang indi sila makapahayag sang ila mga kabaranggayan ukon sang ila kaliwat, kon sila gikan sa Israel:

62ang mga lalaking anak ni Delaya, ang mga lalaking anak ni Tobias, ang mga lalaking anak ni Necoda, anum ka gatus kag kap-atan kag duha.

63Kag gikan sa mga sacerdote: ang mga lalaking anak ni Hobaya, ang mga lalaking anak ni Haccoz, ang mga lalaking anak ni Barzilai (nga nagpangasawa gikan sa babaying mga anak ni Barzilai nga Galaadnon kag gintawag sono sa ila ngalan).

64Ini sila nagpangita sang ila listahan sa tunga sang mga gin-isip sono sa kaliwatan, apang wala ini makita, busa ginkabig sila nga dinagtaan kag ginpagowa sa pagkasacerdote;

65ang pangolo-puud nagsiling sa ila, nga indi sila magkaon sang labing balaan nga mga butang, tubtub nga may magtindug nga sacerdote nga may Urim kag Tummim.

66Ang bug-os nga pagtilipon sing tingub kap-atan kag duha ka libo kag tatlo ka gatus kag kan-uman,

67luwas sang ila mga alagad nga lalaki kag ila mga alagad nga babayi nga mga pito ka libo kag tatlo ka gatus kag katloan kag pito; kag may ila sila nga duha ka gatus kag kap-atan kag lima ka manug-amba nga lalaki kag babayi.

68Ang ila mga kabayo pito ka gatus kag katloan kag anum, ang ila mga mula, duha ka gatus kag kap-atan kag lima,

69ang ila mga camelyo apat ka gatus kag katloan kag lima, kag ang ila mga asno anum ka libo kag pito ka gatus kag duha ka pulo.

70Karon ang iban nga gikan sa mga pangolo sang mga kabaranggayan naghatag sa buluhaton. Ang pangolo-puud naghatag sa bahandian sing isa ka libo ka darico nga bulawan, kalim-an ka planggana, lima ka gatus kag katloan ka panapton sang mga sacerdote.

71Kag ang iban sang mga pangolo sang mga kabaranggayan naghatag sa bahandian sang buluhaton sing duha ka pulo ka libo ka darico nga bulawan kag duha ka libo kag duha ka gatus ka mina nga pilak.

72Kag ang nahatag sang nabilin sang mga tawo duha ka pulo ka libo ka darico nga bulawan, duha ka libo ka mina nga pilak, kag kan-uman kag pito ka panapton sang mga sacerdote.

73Gani ang mga sacerdote, ang mga Levinhon, ang mga bantay sang gawang, ang mga manug-amba, ang iban sang katawohan, ang mga Netinim, kag ang bug-os nga Israel, nagpuyo sa ila mga banwa. Kag sang nag-abut ang ikapitong bulan, ang mga anak sang Israel yara sa ila mga banwa.