Psalms 136

Ilonggo (Ang Biblia (1982))

← Chapter 135 Jump to: Chapter 137 →

1O magpasalamat sa Ginoo, kay maayo sia, kay ang iya malig-on nga paghigugma nagapadayon sa gihapon.

2O magpasalamat sa Dios sang mga dios, kay ang iya malig-on nga paghigugma nagapadayon sa gihapon.

3O magpasalamat sa Ginoo sang mga ginoo, kay ang iya malig-on nga paghigugma nagapadayon sa gihapon;

4sa iya nga amo lamang ang nagahimo sing dalagku nga mga katingalahan, kay ang iya malig-on nga paghigugma nagapadayon sa gihapon;

5sa iya nga paagi sa paghangup naghimo sang mga langit, kay ang iya malig-on nga paghigugma nagapadayon sa gihapon;

6sa iya nga nagahumlad sang duta sa ibabaw sang mga tubig, kay ang iya malig-on nga paghigugma nagapadayon sa gihapon;

7sa iya nga naghimo sang dalagku nga mga sulu, kay ang iya malig-on nga paghigugma nagapadayon sa gihapon;

8sang adlaw sa paggahum sa adlawon, kay ang iya malig-on nga paghigugma nagapadayon sa gihapon;

9sang bulan kag sang mga bitoon sa paggahum sa kagab-ihon, kay ang iya malig-on nga paghigugma nagapadayon sa gihapon;

10sa iya nga nagpatay sang Egipto sa iya mga panganay, kay ang iya malig-on nga paghigugma nagapadayon sa gihapon;

11kag nagpagowa sang Israel gikan sa tunga nila, kay ang iya malig-on nga paghigugma nagapadayon sa gihapon;

12sa makusug nga kamut kag sa inuntay nga butkon, kay ang iya malig-on nga paghigugma nagapadayon sa gihapon;

13sa iya nga nagpahawa sang Dagat nga Mapula, kay ang iya malig-on nga paghigugma nagapadayon sa gihapon;

14kag ginpatabok niya ang Israel sa tunga sini, kay ang iya malig-on nga paghigugma nagapadayon sa gihapon;

15apang gintaktak si Faraon kag ang iya kasoldadosan sa Dagat nga Mapula, kay ang iya malig-on nga paghigugma nagapadayon sa gihapon;

16sa iya nga nagtuytuy sang iya katawohan sa kamingawan, kay ang iya malig-on nga paghigugma nagapadayon sa gihapon;

17sa iya nga naglaglag sang dalagkung mga hari, kay ang iya malig-on nga paghigugma nagapadayon sa gihapon;

18kag nagpatay sang bantug nga mga hari, kay ang iya malig-on nga paghigugma nagapadayon sa gihapon;

19kay Sihon, nga hari sang mga Amornon, kay ang iya malig-on nga paghigugma nagapadayon sa gihapon;

20kag kay Og, nga hari sang Basan, kay ang iya malig-on nga paghigugma nagapadayon sa gihapon;

21kag naghatag sang ila duta nga panublion, kay ang iya malig-on nga paghigugma nagapadayon sa gihapon;

22ang panublion sang Israel nga iya alagad, kay ang iya malig-on nga paghigugma nagapadayon sa gihapon.

23Sia amo ang nagdumdum sa aton kubus nga kahimtangan, kay ang iya malig-on nga paghigugma nagapadayon sa gihapon;

24kag nagluwas sa aton sa aton mga kasumpung, kay ang iya malig-on nga paghigugma nagapadayon sa gihapon;

25nga nagahatag sing kalan-on sa tanan nga unud, kay ang iya malig-on nga paghigugma nagapadayon sa gihapon.

26O pasalamat sa Dios sang langit, kay ang iya malig-on nga paghigugma nagapadayon sa gihapon.

← Chapter 135 Jump to: Chapter 137 →