bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
1 Corinthians 12
1 Corinthians 12
ibibio
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 13 →
1
Ndin nditọete, ñyemme ndufo enana ifiọk ebaña mme enọ Sịbidịd.
2
Ndufo emediọọñọ ke idaha ndufo ekedoññoke mme akpono ndem, ke nsio-nsio usʌñ, ndufo ekenam ñkpọ ekeene ndadusʌñ mme imuum ndem.
3
Ke ntak ado, ami ibo ndufo nte ke ibaaha awo a-atañña ikọ ke ndadusʌñ Sịbidịd Abasi a-akemeke edibo ate, “Adọdiọọk anọ Yisọs,” awo ndomokeed inyʌññọ ikeme ibo, “Yisọs ado Abọọñ,” ke mmibọhọke ke Adisana Sịbidịd.
4
Mme nsio-nsio enọ ebañña, ado Sịbidịd ado keed.
5
Nsio-nsio utom ebañña, ado Abọọñ ado keed.
6
Nsio-nsio adinam ebañña ado kpa Abasi keed anam afịd utom ke idem afịd awo.
7
Enọ awo keed-e-keed adiyaara Sịbidịd nọ ato do anam ufọn anọ afịd awo.
8
Ato ke Sịbidịd enọ awo keed etop aniọñ, enọ awo mfen etop ifiọk kpasʌk ke Sịbidịd keed ado,
9
enọ awo mfen mbuọdidem kpa ke Sịbidịd keed ado, enọ awo mfen enọ adikọk mme udọñọ kpa ke Sịbidịd keed ado,
10
awo mfen enọ utịbe adudu, awo mfen enọ utañ brọfesi, awo mfen enọ adiduuñọ mme sịbidịd, awo mfen enọ enọ aditañ ikọ ke nsio-nsio usem, awo mfen esʌk enọ enọ adikappa mme nsio-nsio usem.
11
Afịd-afịd ami ado mme utom Sịbidịd keed ami, anye anyʌñ anọ awo keed-e-keed akeene naña anye ama.
12
Idem ado keed ado anie uwak ndido; akpesʌk ado ndido idem awakka, afịd ado anam idem keed. Ukem ami ke ado ke Krais.
13
Sia ekeduọk afịd ñnyịn mmọọñ ke Sịbidịd keed esịn ke idem keed me ido mme Yuu me mme Yentaid, afʌn me amanaisọñ, ekenyʌñ inọ afịd ñnyịn Sịbidịd keed ami inwọñ.
14
Ndin idem inieeghe ndido keed, anie uwak ndido.
15
Adieke ukod akpebooho ate, “Sia ami mmendooho ubọk, ami ndooho ubaak idem,” ibooho ito ke ntak ado anye atre adido ndido idem.
16
Adieke utọñ akpebooho ate, “Sia ami mmendooho anyen, ami ndooho ubaak idem,” ibooho ito ke ntak ado anye atre adido ndido idem.
17
Adieke afịd idem akpedooho anyen, ekpenam die ekop ñkpọ? Adieke afịd idem akpedooho utọñ, ekpenam die enuuno ñkpọ?
18
Ado Abasi a-aneeñe ndido abono ke idem, keed-e-keed, kpa naña anye akeyem nọ ammọ eba.
19
Adieke afịd-afịd ndido akpedooho ndido keed kpọd, idem ndin akpeba ke mmọ?
20
Naña aba ado, ndido ewak, ado idem ado keed.
21
Anyen ikemeke ibo ubọk “Ami uyemme fiin!” Iwuod ñko ikanna ibo ukod, “Ami uyemme fiin!”
22
Utu ke ado, ndido idem ekappa eba nte ammọ isọọñọke idem, ammọ ekappa edooño atịp atua,
23
ndin mme ndido a-ñnyịn ikereke ke inieeghe ukpono ke ñnyịn ikappa inọ asaña-asaña ukpono. Mme ndido awo miibenne isio inyan ke ekap ededịp,
24
ke ini adooho ndido idem se ekịt inieeghe utọ asaña-asaña ukpono ado. Ado Abasi a-awuaak mme nsio-nsio ndido idem awo akappa aben akaakan ukpono anọ mme itie a-mmiikinieeghe,
25
mbaak ubakka ndomokeed adiba ke afịd idem, ado nọ mme ndido ekere ñkpọ ebaña keed eken.
26
Adieke ndido keed anieeghe mfịna, afịd ndido enie mfịna ado ye anye; adieke ndido keed abọọhọ ukpono, afịd ndido edaara ye anye.
27
Ndin ndufo edo idem Krais, ndufo keed-e-keed edo ndido idem ado.
28
Ndin ke ufọkabasi, Abasi amek ke akpa itie mme abọsịd, udiana mme brọfed, ayọhọ ita mme andikpeeb, ndin mme anam utịbe ñkpọ, ndin mbon se inie enọ ukọk udọñọ, mbon e-ekemeke inwam mbon mfen, mbon enieeghe enọ ndadusʌñ, ye mbon e-esemme nsio-nsio usem.
29
Nte afịd awo edo mme abọsịd? Afịd edoñño mme brọfed? Me afịd awo enam utịbe ñkpọ?
30
Me afịd enie enọ ukọk udọñọ? Nte afịd esem nsio-nsio usem? Nte afịd ekan ekappa mme usem?
31
Mbo yak enekke eyem mme enọ se ifọn ikan afịd mme enọ mfen. Ndin ami ñyaiwọt ndufo ata eti usʌñ afọnnọ akan.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 13 →
All chapters:
1
2
3
4
5
6
7
8
9
10
11
12
13
14
15
16