bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
1 Corinthians 3
1 Corinthians 3
ibibio
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 4 →
1
Nditọeka, ñkpekanna mbo ke ndufo edoñño mbon Sịbidịd ado edoñño mbon abʌkidem, mme ata nsekayịn ke Krais.
2
Ñkinọ ndufo mmọọñeba, inọọhọ ata ndidia, sia ndufo ikibeeñeke idem adidia ata ndidia. Kpasʌk ado, ndufo isʌkkọ ibebeeñe idem.
3
Esʌk eba ke abʌkidem. Sia ufịb ye utọk e-ebaaha ke ufọọd ndufo, nte ndufo ibaaha ke abʌkidem? Nte ndufo inamma ñkpọ nte mbon ñkaña abʌkidem?
4
Ke ini awo keed abooho, “Ami ndo mbed Bọọd,” awo mfen ate, “Ami ndo mbed Apọdọs,” nte ndufo idooho mbon ñkaña abʌkidem?
5
Nso-o ke Apọdọs ado? Nso-o ñko ke Bọọd ado? Mbon ami edoñño mme isʌñutom a-atooho ke ammọ ndufo enịm Krais ke akpanikọ, kpa nte Abọọñ anọọhọ awo keed-e-keed ubọkutom amọ.
6
Ami ñketọ ñkpasi, Apọdọs akeduọk mmọọñ, ado Abasi akenam nọ akọt.
7
Ke ntak ado, anditọ ye andiduọk mmọọñ idooho ba ñkpọ keed, ado Abasi ikpọọñ, andinam ñkpọ akọt.
8
Anditọ ye andiduọk mmọọñ enie utom keed, eyaenyʌñ enọ ammọ keed-e-keed utịp a-akemme ke ubọkutom ammọ.
9
Sia ñnyịn idoñño mme nsaña utom Abasi keed; ndufo edoñño inwañ Abasi.
10
Ke mfọn a-Abasi a-nnọhọ, mmaasịn itiad idakisọñ nte ata abọp ufọk ndin awo mfen adibọp. Ado yak awo keed-e-keed atịñ anyen naña anye abọp.
11
Sia awo ndomokeed ikemeke isịn itiad idakisọñ mfen ikan se emaekesesịn, adooho Yisọs Krais.
12
Adieke awo akamake kood, me sịrifa me nsọñudua itiad, me eto, me mbid, me ndak abọp ke itiad idakisọñ ami,
13
utom amọ ayaawuọ ada, sia usieere ayaayaara ubọkutom. Eyaeyaara ke ikañ, ndin ikañ ayaadomo ubọkutom awo keed-e-keed.
14
Ñkpọ se anye abọp akpesọñ ada, andibọp ayaabọ utịp amọ.
15
Ado ikañ akpeta, ado ayaatak anye; anye ke idem amọ ayaabọkkọ, ado kpa nte awo a-abọkkọke awuọ ke edeme ikañ.
16
Ndufo idiọọñọke ke ndufo edo itie ukpono Abasi ndin ñko ke Sịbidịd Abasi mmọdo adʌñ ke idem ndufo?
17
Abasi ayaasobo awo keed adohodo a-asoboke itie ukpono Abasi; sia itie ukpono Abasi ado adisana, ndufo edoñño itie ukpono ado.
18
Ikiibiaaña idem ndufo. Awo ndufo ndomokeed akpekere ke iminie aniọñ ake ayo idahami, yak anye akappa ado akọi nọ ato do anye anie aniọñ.
19
Sia aniọñ ake eyo ami ado akọi ke iso Abasi. Nte ewette: “Anye ayaara mbon ifiọk ke ñkara ammọ”
20
Emaana ete, “Abọọñ adiọọñọ ke akikere afiọk ñkpọ awo ado ikpu-ikpu.”
21
Ke ntodo, ke awo akpọ inua aba abaña awo! Afịd-afịd ñkpọ ado ake ndufo,
22
me Bọọd, me Apọdọs, me Kefas, me ederimbod, me uwem, me ñkpa, me ayo mfịn, me ayo iso, afịd inie ndufo,
23
ndin ndufo edo ake Krais, ndin Krais ado ake Abasi.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 4 →
All chapters:
1
2
3
4
5
6
7
8
9
10
11
12
13
14
15
16