bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
1 Timothy 5
1 Timothy 5
ibibio
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 6 →
1
Kuunọ ekamba awo item ke nduaiya, ado nọ anye item nte ete mfo. Dat ñkparawa nte nditọete,
2
dat ñkaan ibaan nte mme eka, ndin ubọikpa nte nditọeka ibaan ke ata edisana usʌñ.
3
Nọ mme ebekpa ukpono a-adotto, akpan-akpan mme ebekpa eyemme unwam ke akpanikọ.
4
Ado ebekpa akpenie nditọ mme nditọ-nditọ, yak nditọ ado ebem iso ewọt ukpeeb ikọ Abasi ammọ ke edinwam ke esịd ufọk ammọ ke editoiyo mbọọk mme eka ye ete ekebọọhọ ammọ, sia ami a-anem Abasi esịd eti-eti.
5
Ata ebekpa a-ayemme unwam anyʌñ ado ikpọọñ anie idodanyen ke Abasi, anyʌñ ayịre ke akam ye ñkpeubọk ke uweemeayo ye akoneyo abeeñe unwam ato Abasi.
6
Amaado ebekpa adiaaha uwem a-akpakpa, akpekọm a-anye asʌkkọ aba ke uwem.
7
Yak ufọkabasi enọ mme awo item ñko, mbaak ammọ edinie ubiom ikpe.
8
Awo ake adodo a-mmiitʌmmọ ñkpọ inọ ubon amọ, akpan-akpan mbon ufọk amọ, a-akañ mbuọdidem amọ, anyʌñ adiọọk akan awo a-ammiinịmme Abasi ke akpanikọ.
9
Kuusịn anyịñ ebekpa ndomokeed ke ñwed nte ebekpa ke anye miiyọhọke isua ata, anyʌñ anam akpanikọ anọ ebe amọ,
10
ñko, enekke ediọọñọ anye eto nti ubọkutom amọ nte awo a-aketʌmmọ abọọk nditọ, a-aketʌmmọ akama isenawo, ase ñkpọ abaña mbon utom Abasi, ase ñkpọ abaña mbon unana ke atu anyʌñ anwam mbon ukuud, anyʌñ akaiso ke adinam nti utom.
11
Kuusịn anyịñ mme ebeakpa edoññoke ukpoom, sia, udọñ itọñ abʌkidem amaadi, ammọ eyaekpọñ enwọñọ ammọ ke Krais, ekedọ ndọ.
12
Mme adinam ntom aben ubiomikpe anọ ammọ, sia ebiad akpa edioomo ammọ ye Abasi.
13
Ñko ammọ eforo ifu, ewuọọñọ esaaña ke ufọk ke ufọk sia mmiinieeghe se enam. Esaaña ndin ekeñ inua, esịn idem ke ndubeghe awo ñnwen; etaañ mme ikọ e-mmiikpitañña.
14
Item mmi ado, yak mme ebekpa e-mmiisọññọ edọ ndọ, eman nditọ, enyʌñ ese ufọk ammọ, ndin mme asua ñnyịn idiikanna inie idiọọk se etañ edian ammọ.
15
Sia usʌk mme ebekpa emaenyọnyọñ ekpọñ usʌñ, ekeene Setan.
16
Adieke awonwaan a-adooho andinịm ke akpanikọ anieeghe mme ebekpa ke ubon amọ, yak anye anwam mme ebekpa ado, ke ayak mbiomo afiik ufọkabasi, ma ufọkabasi akan anwam ata mme ebekpa e-eyemme unwam.
17
Mme ikpọawo ufọkabasi e-ekamake utom ufọkabasi afọn edot eti ukpono, akpan-akpan mbon e-esịnne ifịk ke adikwọrọ ikọ ye edikpekpeep.
18
Sia ikọ Abasi abo ate, “Kuubọp enañ inua ke ini anye akịmme isọñ utọ akpakpa,” amaana adian do, “Anam utom a-adot utịp utom amọ.”
19
Kuukop ikọ edem e-etañña edian akwọrọ ikọ Abasi, ibọhọke afo akop ato inua ntiense iba mme ita.
20
Nyʌñ sua nọ mbon e-enamma idiọọkñkpọ anwa-anwa, ma mbon efen ekop ndịk, enyʌñ etre adinam idiọọk.
21
Mmesọọñọ uwuuk fiin ke iso Abasi ye Abọọñ ñnyịn Krais Yisọs, ye ndimek mme enyere, nte afo akpeme anyʌñ anam uyo ami, usiooho awo eto, kuunyʌñ unam ndomo ñkpọ keed ke adusad.
22
Kuusọp adidot awo ubọk, kuunyʌñ unie ewana ke idiọọkñkpọ awo ñnwen. Nịm idem mfo adisana-adisana.
23
Tre adinwọñ mmọọñ kpọd, ñwọñ etək ukọd ke ntak idịb mfo, ye naña udọñọ ufịna fiin ndi ndin.
24
Mme idiọọkñkpọ usʌk awo ena anwa-anwa, enyʌñ esịm itie ikpe mbemiso ammọ; usʌk idiọọk ñkpọ ekeene awo ke edem.
25
Ukem-ukem ado ñko, nti utom awo ena inwañ-inwañ, ndin mbon e-mmiinaagha inwañ-inwañ kpa ye ado ikemeke edidịbe ke nsi-nsi.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 6 →
All chapters:
1
2
3
4
5
6
Recommended Reading
Commentary
1 Timothy Commentaries
→
Devotional
1 Timothy Devotional Guide
→
Get This Bible
ibibio Study Bible
→