bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
1 Timothy 6
1 Timothy 6
ibibio
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
1
Yak mme afʌn enam utom ke akpọnọ enọ mme eteufọk ammọ mbaak awo adisappa anyịñ Abasi mme ukpeeb ñkpọ.
2
Adieke adʌññọ ye awo anịmme Abasi ke akpanikọ, kuumiim anye ato ke ntak a-ndufo edoñokke mme andinịm ke akpanikọ. Utu ke ado, kap nekke nam utom nọ anye afọn akan, sia mme adia ufọn utom ado edoññoke mme akpono Abasi ye nditọ ima amọ ñko. Ana ekpeeb enyʌñ enwam mme awo adinam mme ñkpọ ami.
3
Adieke awo akpeebe nsu-nsu ukpeeb e-mmiisañake ikikem ye item akpanikọ Abọọñ ñnyịn Yisọs Krais ye ukpeeb ñkpọ a-asañake mme uteñe Abasi,
4
anye ado awo ñkokkoidem a-ammiidiọọñọke ñkpọ ndomokeed. Esịd amọ asịne ke eniin ye anwan-anwan ikọ a-adatta ufịp, utọk, utañ, udu, mme ndiọi akikere idiọọk,
5
ye mme ndutuai afịd ini ke atu mme mbon ndoi ekikere, mbon e-miinieeghe akpanikọ aba, e-ekereke ebo ke ikọ Abasi ado ñkpọ ukama ndia udod.
6
Ado, uteñe Abasi ye uyʌkkọ se awo anie ado ata ekamba udod.
7
Sia ñnyịn ikikamake ñkpọ ba keed idi ederimbod, idinyʌññọ iben ndomo ñkpọ keed inyọñ.
8
Adieke ñnyịn inieeghe ñkpọ se idia, ye afọñ se isịne, iyaiyʌkkọ ke ado.
9
Mbon e-eyemme edido mbon inie esiduọ edʌk ke idomo, mmidooho eyịre ke afia, ye idiọọk ndisịme udọñ a-asidatta ammọ akesuunọ ke mbiara ye nsobo.
10
Sia udọrọ itọñ akʌk ado adʌñ ukeed idiọọkñkpọ. Ndin ato ke adinyanna mbịne akʌk, uwak awo emaeduyo ekpọñ mbuọdidem, enyʌñ edat uwak mfʌhọ enọ idem ammọ unan.
11
Amaado afo, awo Abasi, feghe kpọñ mme ñkpọ ami, yiire ke nnen-nnen ido, uteeñe Abasi, mbuọdidem, ima, ime ye nsuukidem.
12
Nwana eti anwan mbuọdidem, sọọñọ mʌm nsi-nsi uwem kama, e-emaekukood fiin ete abọ anie, a-afo akenyʌññọ ayaara ke iso uwak ntiense.
13
Ke iso Abasi, a-anọọhọ ukeed ñkpọ uwem, ye ke iso Krais Yisọs, a-aketañña eti ikọ mbuọdidem ke iso Bọntiọs Baided, mmuwuuk fiin
14
nte anịm ewʌhọ ami ayọhọ-ayọhọ, anyʌñ anana ndo me se etañ edian anye, tutu usen adidi Abọọñ ñnyịn Yisọs Krais.
15
Amaakem ini, Abasi ayaayaara ñkpọ ami, kpa anye Abasi a-adooho adiọdiọñ Andikara ikpọọñ-ikpọọñ, Adidem mme ndidem ye Abọọñ mme mbọọñ,
16
anye ikpọọñ mmiidiikpaaha ñkpa anyʌñ adʌñ ke unwana a-awo mmiikanna adisaña ñkpere, Kpaanam awo ikịtte anye inyʌññọ ikan ikịt. Ubọọñ ye adudu enie anye ke nsi-nsi. Amen.
17
Sọọñọ tañ nọ mme anie ñkpọ awo ayo ami ate yak ammọ ekuutañ idem; ekuunyʌñ ekọọñ idodanyen ke inie a-akemeke iyaañ awo, ado yak ammọ edot anyen ke Abasi i-inọọhọ ñnyịn ukeed ñkpọ uwak-uwak, ate idaara ito do.
18
Bo ammọ enam nti utom uwak-uwak, enyʌñ efọn ido, enyʌñ ebeeñe idem ediwuana se ammọ enie ye mbon mfen.
19
Ke adinam ntom ammọ eyaetʌm inie ebono enọ idem ammọ, inie a-adooho eti itiad idakisọñ ke ini iso, nọ ammọ ediikan imʌm uwem adooho ata uwem ikama.
20
Timoti, nekke kpeme se emaekeyaak usịn fiin ke ubọk. Sio idem mfo kpọñ uyaha ndutañña ikọ ye uyịre-uyịre eniin, ye nsu-nsu ifiọk,
21
a-adooho mme ñkpọ ami e-enam mme awo eduọ ekpọñ mbuọdidem. Mfọn Abasi asʌhọ ye afo.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
All chapters:
1
2
3
4
5
6
Recommended Reading
Commentary
1 Timothy Commentaries
→
Devotional
1 Timothy Devotional Guide
→
Get This Bible
ibibio Study Bible
→