bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
2 Corinthians 4
2 Corinthians 4
ibibio
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 5 →
1
Sia adooho ke mbọm Abasi, ñnyịn iminie utom ami adinam, esịd iduọọhọ ñnyịn.
2
Utu ke ndo, ñnyịn imisịn mme ndedịbe-ndedịbe ido e-ekamake abuud; isañake ke ñkara, inyʌññọ idat nsu idian ye ikọ Abasi. Ado ke adiwọt se ido akpanikọ anwa-anwa ke inam afịd awo ediọọñọ ke esịd ammọ, ke ñnyịn inaanam se inen ke iso Abasi.
3
Ado eti mbʌk ñnyịn akpedịbe awo ke anyen, adịbe mbon e-etakkatak.
4
Abasi ayo ami amaanam ekike mbon e-emmiinịmme ke akpanikọ akịm, mbaak unwana eti etob ubọọñ Krais, a-adooho mbiod Abasi, adiyamma anọ ammọ.
5
Sia idooho idem ñnyịn ke ñnyịn ikwọrọ, ado Yisọs Krais, ite, anye ado Abọọñ, ite ido nditọufọk ndufo ke ntak Yisọs.
6
Sia Abasi akenọọhọ uyo ate, “Yak unwana ayama ke akịm,” amaanam unwana amọ ayama ke esịd ñnyịn ma anye anwaña awo anyen adidiọọñọ ubọọñ Abasi ke iso Yisọs Krais.
7
Ado ñnyịn ikama nsọñudua ñkpọ ami ke abañ mbad adiwọt nte ke andikpon ñkan adudu ami ato Abasi, itooho ñnyịn.
8
Enekke ifiik ñnyịn ke afịd usʌñ, ado awo ikọkọkọk; ifịna ñnyịn, ado ñnyịn iduọọhọ idodanyen;
9
ikọbọ ñnyịn, ado Abasi ikpọññọ ñnyịn; imia ñnyịn eduọọk ke isọñ, ado idatta uwem ñnyịn.
10
Afịd ini isʌk ikama ñkpa Yisọs ke ikpọkidem ñnyịn isaña, ma uwem Yisọs awuọ awọd idem ke ikpọkidem ñnyịn.
11
Sia afịd ini esʌk edaadat ñnyịn ye uwem eyaak enọ ñkpa kebaña Yisọs, ma uwem Yisọs awuọ awọt idem ke abʌkidem ñnyịn adooho ayaakpa.
12
Ntom ndin ke ñkpa asʌk anam utom ke idem ñnyịn, ado uwem asʌk anam utom ke idem ndufo.
13
Ado sia ñnyịn inieeghe sịbidịd mbuọdidem keed ye anye a-awette ate, “Mmaanịm ke akpanikọ mmetañ,” ñnyịn ñko iminịm ke akpanikọ, inyʌñ itañ,
14
sia ñnyịn imidiọọñọ ke anye a-akenamma Abọọñ Yisọs aset ke ñkpa, ayaanam ñnyịn ñko iset ye Yisọs; ayaanyʌñ idat ñnyịn ye ndufo anịm ke iso Amọ.
15
Afịd ami ado ke ufọn ndufo, ma mfọn asịmme ata uwak awo anam nọ ekọọm ayọhọ aduọi anọ Abasi ubọọñ.
16
Ke ntak ntom esịd iduọọhọ ñnyịn; ado akpesʌk ado naña ikpọkidem ñnyịn a-akpaaha, ke esịd-esịd, asʌk akappa ado ufa ke usen ke usen.
17
Sia nyayakka ukuud ñnyịn abaaha idahado-idahado edọdiọñ enam ñnyịn inie nsi-nsi ubọọñ e-ekponno enyʌñ edoppo ekan afịd ammọ.
18
Sia ñnyịn miidọññọ anyen, sia se awo akịd ke anyen ikpeeneke, ado se awo mmiikịtte ke anyen ayaakpeene ke nsi-nsi.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 5 →
All chapters:
1
2
3
4
5
6
7
8
9
10
11
12
13
Recommended Reading
Commentary
2 Corinthians Commentaries
→
Devotional
2 Corinthians Devotional Guide
→
Get This Bible
ibibio Study Bible
→