bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
2 Corinthians 6
2 Corinthians 6
ibibio
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 7 →
1
Nte mbon i-inamma utom keed inọọ Abasi, ñnyịn ikpe ndufo ubọk ite, ikiiyak mfọn Abasi a-ndufo ebọọhọ awuọ utak-utak;
2
sia anye abo ntom ate, “Mmauyie fiin ke ini mfọnido mmi. Mmaanyʌñ unyaaña fiin ke usen adinyaaña.” Sese, ini mfọn Abasi ado ami; sese usen adinyaaña ado ami.
3
Ñnyịn inịmme ubiọñọ baaba keed ke usʌñ ndufo, mbaak awo aditañ ñkpọ abiat utom a-ñnyịn inamma.
4
Ado ke akpaimọ usʌñ imiwọt ndufo ke ido ata mme asañautom Abasi: ke akwa ume ime, ke ini ntịme, ke ukuud ye ke mbaba,
5
ke ntiim, ke ñkpakọb, ke itie afai, ke akpọsọñ utom, ke utaba idap, ke ukpa abiọñ,
6
ke adisana ido, ke ifiọk, ke anyan ime, ke mfọnido; ke Adisana Sịbidịd ye ke ata ima,
7
ke ikọ akpanikọ, ke adudu Abasi; ye ñkpọekọñ adinenido ke ubọk udom ye ufiin,
8
ke ini ukpono ye ke ini esuenne, ke idiọọk etop ye ke eti etob; ibat ñnyịn nte mbon abiaaña, ado ñnyịn ido mbon akpanikọ;
9
ibat ñnyịn ke mbon awo miidiọọñọke, ado afịd awo idiọọñọ ñnyịn; nte mme akpañkpa, ke ini ibaaha ke uwem, nte mbon e-emiaaha ado iwottowot;
10
edat ñnyịn nte mbon mfʌghọ, ado iba ke idadesịd afịd-afịd ini; nte uwueene ado inam uwak awo enie inie; nte mme anana ñkpọ ke ini inieeghe afịd ñkpọ.
11
O mbon Kọrint, ñnyịn imineme nneme inwañ-inwañ ye ndufo, inie ñnwaña-ñnwaña esịd ye ndufo.
12
Ñnyịn imitat esịd ima ndufo ado ndufo itatta esịd ndufo ima ñnyịn.
13
Inọ ñnyịn usieene akemme se ikinọ ndufo, ntañ ami nte ñtañ nnọ nditọ mmi. Inie nwaña-nwaña esịd ye ñnyịn.
14
Ikiidian idem ndufo ye mbon a-ammiinịmme ke akpanikọ. Nso-o ewana ke adinenido anie ye ukwañ ido? Me nso-o ewana ke unwana anie ye akịm?
15
Nso-o ndʌk ke Krais anie ye Bediad? Nso-o udeme ke andinịm ke akpanikọ anie ye awo a-ammiinịmme ke akpanikọ?
16
Nso-o edioomo ke tembịd Abasi anie ye ndem? Sia ñnyịn ido tembịd Abasi uwem. Kpa naña Abasi abo ate: “Ñyaadʌñ ye ammọ ñyaanyʌñ nsaña ke atu ammọ, ndin ñyaado Abasi ammọ, ammọ eyaenyʌñ edo ikọd mmi.”
17
Ke ntodo, “Iwuọọñọ ke atu afịd ammọ inyʌñ iba ke idem ndufo isio-isio, Abasi atañ. Ikiinyʌñ ituuk ñkpọ ndek ba keed; ndin ñyaidaara ndufo.”
18
Ñko, “Ñyaado Ete ndufo ndin ndufo eyaedo nditọ ideen ye nditọ ibaan mmi, ntom ke Abọọñ Andikpon Ñkan abo.”
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 7 →
All chapters:
1
2
3
4
5
6
7
8
9
10
11
12
13
Recommended Reading
Commentary
2 Corinthians Commentaries
→
Devotional
2 Corinthians Devotional Guide
→
Get This Bible
ibibio Study Bible
→