bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
Acts 19
Acts 19
ibibio
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 20 →
1
Ke ini Apọdọs akebaaha ke Kọrint Bọọd amaasaña usʌñ esịd abio tutu akewuọ Efisọs. Ke udo anye amaakekịt usʌk mme andinịm Yisọs ke akpanikọ.
2
Anyʌñ abịp ammọ abo, “Ndufo emaebọ Adisana Sịbidịd idaha e-ekenịmme ke akpanikọ?” Ammọ emaebọọrọ, “Iyo-o, kpaanam ñnyịn ikappa ikokop ke Adisana Sịbidịd mmọdo.”
3
Ndin Bọọd amaabịp ammọ abo, “Nso-o utọ uduọkmmọọñ ke ndufo ekebọ?” Ammọ emaeboro ebo, “Uduọkmmọọñ ake Yọọn.”
4
Bọọd amaabọọrọ ammọ ate, “Uduọkmmọọñ ake Yọọn akedo ake ufeen idiọọkñkpọ. Yọọn amaabo yak mme awo enịm anye a-adiidi ikeene imọ ke akpanikọ, adooho Yisọs.”
5
Ammọ ekekop ami, emaebọ uduọkmmọọñ ke anyịñ Abọọñ Yisọs.
6
Ke ini Bọọd adotto ammọ ubọk ke iwuod, Adisana Sịbidịd amaasọiyọ adoro ammọ, ndin ammọ emaetọọñọ adisem mme usem ñnyʌñ ntañ brọfesi.
7
Ñkpọ nte ideen duob ye iba ekeba do.
8
Bọọd amaadʌk sinakọk anyʌñ akwọrọ ikọ uko-uko ke afiọñ ita, atañ ikọ ukpek-ukpek abaña abio ubọọñ Abasi.
9
Ado ubaak ammọ emaesọñ iwuod esịn adinịm ke akpanikọ, etaañ mme ndiọi ikọ ebaña Krais anwa-anwa. Ndin Bọọd amaakpọñ ammọ. Anye amaakoono mme mbed anyʌñ asinie nneme ye ammọ ke usen ke usen ke ufọk ukpeebñkpọ ke Tairanus.
10
Ami amaaka iso ke isua iba, tutu afịd mme Yuu ye mme Krik e-ekedʌññọ ke ñkañ Esia emaekop ikọ Abasi.
11
Abasi amaadat Bọọd anam mme ata ikpọ utịbe ñkpọ.
12
Anam mbon udọñọ emaekop nsọñidem, ndiọi sịbidịd enyʌñ ekpọñ mbon ñkpọnsọb ke emaeketuuk afọñinua ye ebrọn a-aketuuho anye idem.
13
Ado ndusʌk mme Yuu e-ekesaañake esioño mme ndiọi sịbidịd emaedomo adikood anyịñ Abọọñ Yisọs ndot ke iwuod mbon a-dimọn akesịnne ke ukad. Ammọ emaebo, “Ke anyịñ Yisọs, a-Bọọd akwọrọke, ami mmiwuuk ndufo, nte iwuọọñọ.”
14
Atu mbon se ikisikeene inañña ñkpọ ami ekedo nditọ ideen Sefa itiaba, a-akedooho akwa aku mme Yuu.
15
Usen keed idiọọk sịbidịd ado amaabọọrọ ammọ ate, “Yisọs, ami mmediọọñọ, ñnyʌñ ndiọọñọ Bọọd, ndin ndufo edoñño mme anie-e?”
16
Ndin, awo a-akenieeghe idiọọk sịbidịd ami amaatamma amuum ammọ anyʌñ akan afịd ammọ keed-e-keed, anekke atiim ammọ tutu ammọ efeeñe ewuọọñọ ke ufọk ifed, ye iyiib ke idem.
17
Ke ini afịd awo ke Efisọs, Yuu ye Krik, ekekoppo ami, ndịk amaanam ammọ, ndin anyịñ Abọọñ Yisọs amaanekke anie ekamba utañe.
18
Umiañ mbon se ikinịm Abasi ke akpanikọ emaewuọñọ edi, ediyaara mme ndiọiñkpọ ammọ anwa-anwa.
19
Uwak mbon se ikisiibre idiọñ emaekoono ñwed ibọk ammọ edifọọmọ anwa-anwa. Emaekedian ekọmudua mme ñwed ami, amaasịm akpəgho sịrifa tọsịn aba ye duob.
20
Ke utọ usʌñ ami, ikọ Abasi amaasuana, atara anyʌñ akọt akpọsọñ-akpọsọñ.
21
Ke afịd mme ñkpọ ami emaekeboiyo, Bọọd amaabiere adika Yerusedem, asaña aboiyo ke Masidonia ye Akaya. Ndin anye amaabo, “Mmaakewuọ udo, ana nte nsaña ñkesịm Rum ñko.”
22
Anye amaanọ mbon unwam amọ iba, Timoti ye Edastus, eka Masidonia, ke ini anye akebaaha ke etək ini ke Esia.
23
Ke ñkpọ nte ukem ini ado ekandịk mfịna amaatịppe ke abaña mme ikọt Krais.
24
Demitrus, awo a-akesinamma usọ sịrifa ake Atemis, amaadat uwak ndubeghe asọk mme ada usọ do.
25
Anye amaakood mbono mbon usọ ye mme mbon mfen e-ekeseenam utọ utom ami abo ate, “Mme ufan, ndufo emediọọñọ ke ubọkutom ñnyịn ami anekke asịne udodo.
26
Ndufo emekịt enyʌñ ekop naña awo e-ekoodo Bọọd mi asaña akpuuño mme awo esịd anyʌñ abiaaña ammọ, idooho mi ke Efisọs ikpọọñ, ado ke afịd ikpeghe Esia. Anye abo ate ke mme abasi e-ebotto ke ubọk idoññoke abasi ndomokeed.
27
Afanekọñ a-adiiba idiidooho ubiad anyịñ ndubeghe ñnyịn ikpọọñ, ado ayaasịn tembịd eka abasi Atemis ke ndek, ndin uteñe ubọọñ eka abasi ami e-ekponoke ke afịd Esia ye afịd ederimbod ayaasop.”
28
Ke ammọ adikop ami, ammo emaebịmme ke ifiobesịd, etọọñọ adibọọñ, “Ubọọñ anie Atemis ake Efisọs!”
29
Ndin ntịme amaatara ayọhọ afịd abio, mbon awo emaesọsọp ekaiya afe abio emʌm nsaña Bọọd, Keyọs ye Aristakus, e-eketooho Masidonia ekaiya udo.
30
Bọọd amaayem adidʌk ñka nkesoobo mme atu awo, ado mme ibed ikiyakka anye aka.
31
Kpa ubaak mme akama ukara abio ado, e-ekedooho ufan Bọọd, emaenyʌñ edọñ etob adikpeiye anye ate anye akuudede uka afe abio.
32
Ntịme amaakpon ke afe abio: Mme awo emaebọọñ ñkpo ntịme-ntịme ebọñ enọ umi, ebọñ enọ uko. Ata umiañ awo ikidiọọñọke se ikiinam mmimọ ikaiya do ke akpa ifet.
33
Ndin mme Yuu e-ekeebaaha ke atu awo emaenək Adeksanda esio na akeada ke iso atu awo, ubaak awo ke atu ado ebọñ edọkkọ se anye akpenam. Adeksanda amadippe ubọk abo edop uyo nọ imọ itañ ikọ.
34
Ado ammọ ekediọọñọ ke anye ado awo Yuu, ammọ eka iso ebọñ uyo keed ke ñkpọ nte awa iba: “Atemis Efisọs sọñọ-ọ!”
35
Ke akpatre, awedñwed abio akekan akpan uyom, anye amaabo: “Mbon Efisọs nnyin, nte afịd ederimbod idiọọñọke ke abio Efisọs ado itie andikpeme tembịd akwa Atemis ye ukpọñ idem amọ a-aketooho anyọñ adiduọ?
36
Nte ndufo idiọọñọke ke ñkpọ ami ado akpanikọ, ufọn adifịna idem me adinam ñkpọ nte mme anana akikere ibaaha.
37
Ndufo ekeben ibon ami edi mi, akpesʌk ado ammọ mmiiyịppe ñkpọ ke tembịd inyʌññọ isappa eka abasi ñnyịn.
38
Adieke Demitrus ye mme anam usọ enieeghe ikọ ye ammọ (isʌñutom Krais), esop mmọdo, mme akpeikpe ñko mmọdo. Yak ammọ esịn ikpe ke esob.
39
Akpedo mme mfịna mfen aba, ana eben eka afe abio.
40
Sia naña aba ami, ekeme adiben ñnyịn ñka esob ke abaña mfịna mfịn ami.” Akpetịppe ntodo, ñnyịn idiikanna ifaaña ibọkkọ sia ntak ndomokeed ibaaha.
41
Anye aketañ ami ama, anye amaasuan afe abio.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28