bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
Acts 22
Acts 22
ibibio
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 23 →
1
“Nditọete ye mme ete, ikpañ utọñ ndin ke ukañ idem mmi.”
2
Ke ammọ emaekekop naña anye atañ ikọ anọ ammọ ke ikọ Arameik ammọ emaenekke enọ ñkpañutọñ. Do ke Bọọd akebo ate:
3
Ami ndo Yuu, ñkemana ke Tasọs ke Sidisia, ado ñkedikpon ke abio ami. Ñkebọ ata ayọhọ ukpeeb nto Kamadied ke ibed mme ete-ete ñnyịn. Mmaamʌm ñnyʌñ nsịn idem kebaña ukpọ Abasi ukem nte afịd ndufo enamma mfịn ami.
4
Ami mmaakọbọ mme andikeene usʌñ Krais ami tutu ewood ammọ akesịm ñkpa. Mmaamuum ideen ye ibaan ñnyʌñ ntop ammọ ndọñ ke ufọk ñkpakọb,
5
kpa nte akwa aku ye afịd ikpọ ñka Kọnsịn e-dooñeke yuu ekemeke aditie ntiense mbaña. Mmaabọ ñwed nto ammọ ñko nọ ñkoono nsọk mme nditọete ke Damaskọs; ndin ñkeka do nọ mben mbon se ikiba do ñnyọñ ndi Yerusedem nte mbon ñkpakọb nọ edibọ ufen.
6
“Ke ñkpọ nte ufọọd uweemeayo ke mmaakeadi kpere Damaskọs, ekandịk unwana ikañ a-aketooho anyọñ amaayamma añkanna miin akʌk idaha-idaha ado.
7
Ami mmaaduọ ke isọñ, ñnyʌñ ñkop naña uyo ambo miin ate, ‘Sọọd! Sọọd! Ntak afo añkọbọke miin-e?’
8
“Ami mmaabọọrọ, ‘Afo ado anie, Abọọñ?’ “Anye amaabọọrọ ate, ‘Ami ndo Yisọs, andito Nasared a-afo akọbọke.’
9
Mbon e-ekesañake mme ami emaekịt unwana ikañ, ado ammọ ikidiọọñọke uyo andikitañ ikọ mme ami.
10
“Ami mmaabịp mbo, ‘Abọọñ, nso-o ke ami ndiinam?’ “Abọọñ amaabo ate, ‘Dakka da, ñnyʌñ ka Damaskọs. Ke udo eyaekudọkkọ afịd iso utom e-emaekenịm ebo yak afo anam.’
11
Ndin sia ami mmiikikanna ñkịt ñkpọ ato ke unwana ikañ ado, mme andikisaña ye ami emaemmʌm miin ubọk, ami mmaadiwuọ Damaskọs.
12
“Awo keed a-akekereke Ananayas, a-akesiteeñeke Abasi ayọhọ-ayọhọ nte ibed atemmeke, a-afịd mme Yuu e-ekedʌññọ do ekekponoke eti-eti, amaadinse miin.
13
Anye amaadida amkpere miin, anyʌñ abo, ‘Ayịneka mmi Sọọd, mọọñọ ñkpọ!’ Ndin ami mmaamọọnọ anye kpa ke ini ado.
14
“Akeama anye amaabo: ‘Abasi mme ete-ete ñnyịn amaumek fiin nọ afo adiọọñọ uduak amọ anyʌñ akịt andido Andinen, anyʌñ akop mme ikọ ato inua amọ.
15
Afo ayaado ntiense amọ anọ afịd awo kebaña se afo akekịt ye se akekop.
16
Ndin idahami nso-o ke afo abet? Dakka da, bọ uduọkmmọọñ nyʌñ yet mme idiọọkñkpọ mfo fep ke adikood anyịñ amọ.’
17
“Ke mmaaketịmme ñnyọñ Yerusedem nsʌk mbọñ akam ke tembịd, ami mmaakịt ñkukịd,
18
a-Abọọñ aketañña ikọ annọ miin. Anye amambo miin ate, ‘Sọp idem kpọñ Yerusedem ini keed sia mme awo mi idiinyịmmeke ikọ ntiense mfo ambañake miin.’
19
“Ami mmaabọọrọ nte, ‘Abọọñ, ibon ami ediọọñọ ebo ke ami ñkesiisaña ke sinakọk ke sinakọk nọ nsịn ke ufọk ñkpakọb nnyʌñ mmia mbon u-unịmme fiin ke akpanikọ.
20
Nko ke ini ekeduọkkọ iyiib Stifịn, e-ekewotte ke ntak mbuodidem amọ ke afo, ami ñkeda do, nnọ unyịmme, ñnyʌñ ñkpeme mme afọñidem mme andikiwot anye.’
21
“Ndin Abọọñ amaambo miin ate, ‘Kaa, ami ñyaunọ fiin aka anyan usʌñ abịne mme Yentaid.’ ”
22
Atu awo emaenọ Bọọd ñkpañutọñ tutu anye atañ ikọ ami ama. Ndin ammọ emaebenne uyo esio ñkpo, ete: “Yak eben awo ami esio ke iso isọñ! Anye idotto adidu uwem!”
23
Ke ammọ ekesʌkkọ ebọñ ñkpọ, enyʌñ etoomo mme afọñ ammọ ye ntan ke anyọñ,
24
adaiso ekọñ amaanọ uyo ate eben Bọọd ekesịn ke badịk ekọñ. Anye amaanọ uyo ate emia Bọọd na ato do anye atañ ntak a-mme awo eke ebọññọ ñkpo ebaña anye ntom.
25
Daña ebọppọ anye enịm emia, Bọọd amaabịp sentudiọn a-akedaaha do abo, “Nte ibed a-ayak nọ ndufo emia amanaisọñ awo Rum ke ini miibiommo anye ikpe dion?”
26
Sentudiọn akekop ami, anye amaabịne adaiso ekọñ aketañ anọ anye abo: “Nso-o ke afo abiinam? Awo ami ado amanaisọñ ke Rum.”
27
Adaiso ekọñ amaabịne Bọọd anyʌñ abịp abo, “Tañ nnọ ise, ado amanaisọñ ke Rum?” Anye amaabọọrọ ate, “Ih, se ndo adodo.”
28
Ndin adaiso ekọñ amaabo ate, “Ami ñkekpe uwak akʌk nọ ndido ayịn isọñ.” Bọọd amaabọọrọ abo, “Ado ami ndo amanaisọñ tọọñọ ke emana.”
29
Mbon ado e-ekenaaha nte ebịp anye mbịme emaesioño idem ekpọñ anye ata idahado. Etubom ekọñ ke idem amọ adịkke, ke anye amaakeadiidiọọñọ abo ke anye asịn Bọọd amanaisọñ awo Rum ke ñkprọñ ukwak.
30
Adaiso ekọñ amaayeme adiduuñọ ndiọọñọ ata ntak a-mme Yuu ekedotto Bọọd ikọ amọ. Do ndin, edem usen anye amaasaana Bọọd ayaak, anyʌñ anọ uyo abo yak mme ikpọ aku ye mbon esob Sanhidrin edʌk mbono. Ndin anye amaaben Bọọd aka anyʌñ anam anye ada ke iso ammọ.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28