bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
Acts 21
Acts 21
ibibio
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 22 →
1
Ke ñnyịn imaikidiañña idem ñnyịn ikpọñ ammọ, ñnyịn imaikpọñ esʌk inyʌñ iwat nnen-nnen ika Kọs. Imaika Rodes edem usen, inyʌñ ito do ika Batada.
2
Imaikịt nsʌñikañ nte aboiyo aka Fonisia, ndin ñnyịn imaidʌk do inyʌñ isio uwad.
3
Ke ñnyịn imaikida ikịt Saiprọs, imaiwọññọ idʌk ufiin, ikpọñ anye inọ edem, iwat ika Siria. Ñnyịn imaibeghe ke Taya sia ke udo ke akena nte esịññe mbiomo ke nsʌñikañ ñnyịn.
4
Imaikịt mme mbed do, imainyʌñ iba ye ammọ usen itiaba. Ato ke Sịbidịd ammọ emaedọkkọ Bọọd yak anye akuuka Yerusedem.
5
Ado ke ini ñnyịn amaakekem, ñnyịn imainyọñọ inyʌñ ika iso ke usʌñ isañ ñnyịn. Afịd mme mbed, ibaan ammọ ñkọrọ nditọ ammọ emaesaña ye ñnyịn ewuọ ke abio, ndin ñnyịn imaitọọñọ edọñ do ke esʌk ibọñ akam.
6
Ke imaikikọọm afịd awo tie sʌñ, ñnyịn imaikidʌk nsʌñikañ ndin ammọ emaetịmme enyọñ ufọk.
7
Nnyịn imaikaiso ke isañ ñnyịn ito Taya inyʌñ idikibeghe ke Todemaisa a-ñnyịn ikikọọmmọ mme nditọete ke Abasi inyʌñ itie ye ammọ usen keed.
8
Ke imaikinyọñ edem usen, ñnyịn imaikisịm Siseria inyʌñ iba ke ufọk Fidib andikwọrọ eti etop, keed ke atu awo itiaba ado.
9
Anye amaanie nditọ ibaan inaañ e-emmiikidọiyọ ebe, e-ekesitañña brọfesi.
10
Ke ñnyịn imaikiba do umiañ usen, brọfed keed a-akekereke Akabọs amaato Yudia adi.
11
Ke amaakesaña adi itie ñnyịn, anye amaaben ñkpagha isịn Bọọd abọp ubọk ye ukod amọ ke ñkpagha ado ate, “Adisana Sịbidịd abo ate, ‘Ntom ke mme Yuu ke Yerusedem ediibọp andinie ñkpaha ami, eyaenyʌñ eyaak anye enọ mme Yentaid.’ ”
12
Ke ñnyịn imaikikop ñkpọ ami, ñnyịn ye mbon udo imaibeeñe Bọọd ite yak anye atịmme Yerusedem.
13
Do ke Bọọd akebọọrọ abo, “Nsinam yak ndufo etua enyʌñ enam nọ esịd anduọ? Ami mmebeeñe idem, idooho na embọọb idʌk kpọd, ado ke adikpa ñko ke Yerusedem kebaña anyịñ Abọọñ Yisọs.”
14
Ke ini ñnyịn miikikanna ikpəghọ anye esịd, ñnyịn imaisio idem ikpọñ ibo, “Yak uduak Abọọñ adat itie.”
15
Ke ado amaakeboiyo, ñnyịn imaitʌm idem, inyʌñ idọọk ika Yerusedem.
16
Usʌk ke atu mme ntiense aketooho Siseria emaesaña ye ñnyịn tọọñọ ke Siseria enyʌñ eben ñnyịn eka ufọk Mnasọn, itie a-akenaaha nte ñnyịn iba. Anye akedo awo Saiprọs ye keed ke atu mme akpa ntiense.
17
Ke ñnyịn imaikidisịm Yerusedem, mme nditọete emaedaara adidi ñnyịn.
18
Edem usen Bọọd ye ñnyịn imaika ikise Yemsi, ndin afịd mme nyobioawo etubom ufokabasi emaeba.
19
Bọọd amaakọọm ammọ, anyʌñatañ ayọhọ-ayọhọ se Abasi akenam ke atu mme Yentaid ato ke iso utom amọ.
20
Ke ammọ emaekekop ami, ammọ emaetooro Abasi. Ndin ammọ emaebo Bọọd: “Ayịneka, afo amekịt adaña uwak tọsịn mme Yuu e-enịmme ke akpanikọ, ndin afịd ammọ enie ekamba udọñ kebaña ibed.
21
Ado emaetañ enọ ammọ ete ke afo akpeeb afịd mme Yuu e-edʌññọ ke atu mme Yentaid ate yak ewọññọ ekpọñ ibed Moses, ate yak ammọ ekuunịm nditọ ammọ mboppo, ekuunyʌñ edu uwem ekeene eduuwem ñnyịn.
22
Nso-o ke ñnyịn idiinam? Ammọ, ke akpanikọ, eyaekop ke afo amedi.
23
Ndin, nam se ñnyịn udọkkọ fiin. Mme ideen inaañ mmọdo ye ñnyịn e-ekenamma akaaña.
24
Ben ideen ami, wuana ye ammọ ke usọrọ adinam idem asana nyʌñ kpe akʌk a-anaagha nte ammọ ekpe nọ ato do ammọ ekan efat ided ammọ. Ndin afịd awo eyaediọọñọ ke akpanikọ isịneke ke mme ikọ e-etañña udian fiin, ado ke afo ke idem mfo asʌk adu uwem ke nsuukiwuod anọ ibed.
25
Amaado mme Yentaid e-enịmme ke akpanikọ ñnyịn imaiwet se ñnyịn ikibọọrọ inọ esọk ammọ ite yak ammọ ediañña idem ekpọñ ndidia e-ekewaaha enọ ndem, ekpọñ iyiib, ekpọñ unam e-eyịtteyịt ewot, enyʌñ ekpọñ use.”
26
Edem usen, Bọọd amaaben ideen ado anyʌñ adiana ye ammọ anam idem amọ asana. Ndin anye amaaka tembịd adinọ ntọd mbaña usen ye ini adinam idem ammọ asana aditre nọ enam uwa enọ ammọ keed-e-keed.
27
Ke ini akeyakka usen ifañ usen itiaba ado adikweeñe, usʌk mme Yuu e-eketooho ikpeghe Esia emaekịt Bọọd ke tembịd. Ammọ emaenam afịd atu awo esịn ntịme ndin emʌm Bọọd,
28
ndin esio emaesio ñkpo ete, “Mbon Isred ñnyin, inwam ñnyịn! Awo ami ado andikpeeb mme awo ke afịd itie se miidooho ke ufọn mbon ñnyịn ye ibed ñnyịn, ye itie ami. Ndin ke akanna ado, anye amaaben mbon Krik aka ñkañ tembịd anyʌñ asappa adisana itie ami.”
29
(Ammọ emaedadak ekịt Trofimus a-aketooho Efisọs ye Bọọd ke abio ndin ekere ke Bọọd akeben anye adi itie tembịd.)
30
Ntịme amadʌk afịd abio, mme awo emaefeeñe eto nsio-nsio itie edi. Emaemʌm Bọọd, edʌt anye esio ke tembịd; ini keed ini keed emaebet mme inuaatob.
31
Ke ini ammọ enwanake adiwot anye, etop amaakewuọ adaiso ekọñ Rum ebo ke abio Yerusedem akeaba ke ata ntịme.
32
Idaha-idaha ado, adaiso ekọñ amaadat mbon ekọñ amaakoono mme ikpọawo ekọñ ye ñkaña efeeñe edọñọ atu awo. Ke mme yuu emaekekịt adaiso ekọñ ye mbon ekọñ, ammọ emaetre aditịm Bọọd.
33
Adaiso ekọñ amaasaña adi, anyʌñ amʌm Bọọd anọ uyo ate ebọp anye ke ñkprọñ iba. Ndin anye amaabịp me Bọọd ado anie, nko me nso-o ke anye akenam.
34
Usʌk ke atu awo ekebọọñ ñkpọ uyo keed, usʌk ekebọọñ ñkpọ uyo ñnwen, ndin sia etubom ekọñ miikikanna ibọ akpanikọ ato ke ntak akpọsọñ uyom, anye amaanọ uyo ate eben Bọọd ekesịn ke badịk ekọñ.
35
Ke Bọọd amaakesịm udodukod, afai ke atu awo amaakpon eti-eti tutu akena mbon ekọñ ededịppe anye.
36
Atu awo se ikikeene emaeka iso ebọọñ, “Iben anye isio!”
37
Ndin ke ini mbon ekọñ ekeyemme adiben Bọọd ndʌk ñka badịk ekọñ, anye amaabịp adaiso ekọñ ate, “Ayaayak ntañ ikọ unọ?” Anye amaabọọrọ, “Afo amesem usem Krik?
38
Idooho afo ado awo Iyịpt a-aketọọñọke anwan ye ukara anyʌñ akoono mbon afai tọsịn inaañ aka akpautatan ini keed ko?”
39
Bọọd amaabọọrọ ate, “Ami ndo Yuu. Nto Tasọs ke Sidisia, amanaisọñ ata ñwuọnda idʌñ. Mbọk yak ntañ ikọ nnọ atu awo.”
40
Ke amaakebọ adudu ato adaiso ekọñ, Bọọd amaada ke udodukod anam idiọọñọ ke ubọk anọ atu awo. Ke afịd awo emaekedop uyo, anye amaatañ anọ ammọ ke usem Arameik:
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28