bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Jeremiah 29
Jeremiah 29
Ika 2018 Bible
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 30 →
1
Ọnwan wụ ihiẹn onyẹ-amụma wụ Jerimaya de imẹ ẹkụkwọ-ozi. Obodo Jerusalẹm k'ọ nọ de ẹ jẹnni ndị-isi họdụ imẹ ndị wẹ kpụnshi alị Babilọnụ, wẹ lẹ ndị nchụn-ẹjan lẹ ndị-amụma lẹ ndị ọzọ ile Nebukadineza gha Jerusalẹm kpụnshi alị Babilọnụ.
2
Ya wụ, o dejẹnni wẹ ya kẹ Nebukadineza ghagụ Jerusalẹm kpụnrụn eze wụ Jekọnaya lẹ nnẹ-eze kpụnshi Babilọnụ, wẹ lẹ ndị ịhaịmẹ eze lẹ ndị-ndu alị Juda lẹ isi-obodo wẹ wụ Jerusalẹm lẹ ndị omẹ-nka lẹ ndị ma kpụ goru lẹ igwe ichẹn-ichẹn.
3
Ẹliasa nwa Shafanị lẹ Gẹmarịa nwa Hil'kia k'o ye ẹkụkwọ-ozi hụ jẹnni wẹ, makẹni wẹ jẹnkọ Babilọnụ d'a hụn Nebukadineza wụ eze ndị Babilọnụ hụn Zẹdikaya eze Juda zi wẹ d'a hụn. Ihiẹn Jerimaya de wụ:
4
“Mmẹ wụ Osolobuẹ ihiẹn ile rị okpuru ẹ, hụn wụ Chuku Izrẹlụ, rị a sị ụnụ ile m gha Jerusalẹm chụshi alị Babilọnụ:
5
‘Tụnrụn nị ụlọ biri; rụn nị ugbo ri ihiẹn rịn'a;
6
lụrụ ni inyẹnmẹ; mụ nị ikẹnnyẹ lẹ ikpoho; lụye ni ụmụ ụnụ inyẹnmẹ, ụnụ e we ụmụ ụnụ ikpoho ye di, kẹni ụmụ ụnụ nkẹ mụzị ụmụ. Ba nị ụba; ebelụalẹ ni.
7
A chọzịkwọ nị aghamihun obodo m kpụnjẹn ụnụ. A rịọnị n'a Osolobuẹ; makẹni, ọ rịnị obodo hụ mma, ọ rịnị ụnụ nwẹn mma.’
8
“Ẹghẹẹ! Osolobuẹ ihiẹn ile rị okpuru ẹ, hụn wụ Chuku Izrẹlụ rị a sị: ‘Anịkwọlẹ ni ndị-amụma ụnụ hụn ụnụ lẹ wẹ rị dufie ụnụ, kẹ ndị rị a gbanị ụnụ ẹfa. Egọnkwọlẹ ni ntịn nrọ ndị ahụn ụnụ rị a rọ,
9
makẹni amụma-ụgha kẹ wẹ rị e gi ẹfan m e buni ụnụ. Ẹlẹ mmẹ zi wẹ.’ Ya kẹ Osolobuẹ ku.
10
“Osolobuẹ sị, ‘Ahụa iri kwasị ọgụn-ẹtọ alị Babilọnụ e gi kpa ikẹn zugụ, a chọha m ụnụ d'e mẹzu nkwa ahụn m gi omikẹn kwe nị m jẹnkọ d'e wekinhẹn ụnụ alị ụnụ.
11
Makẹni, a marịnghọ m ihiẹn m bu obi banyeni ụnụ: ihiẹn rị mma rọ, ẹlẹ eje-ihiẹn, k'o dọn rịnị ụnụ mma ihun, kẹ ụnụ a dọn nwọn olilẹnya. Ya kẹ Osolobuẹ ku.
12
“ ‘Ụnụ jẹnkọ d'a kpọku m, mẹ ekpere, rịọ m, a za m ụnụ.
13
Ụnụ sikọ d'a chọ m, ụnụ a hụn m, omẹni ụnụ e gichanrịn obi ụnụ chọ m.
14
M k'a nị ụnụ hụn m; m k'e wepụha ụnụ ẹka ndị gini ụnụ, wekinhẹn ụnụ. M jẹnkọ d'a gha alị ile lẹ ebe ile m chụye ụnụ wẹhẹzi ụnụ ebeni — e mẹ m n'ọ rịzịnị ụnụ mma, wekinhẹn ụnụ ebe m gha kpụnrụn ụnụ.’ Ya kẹ Osolobuẹ ku.
15
“Ikẹnkwọ ụnụ hụ a sị enwẹn ụnụ, ‘Osolobuẹ e wepụhagụọnị ẹnyi ndị-amụma imẹ Babilọnụ ebeni ẹnyi rị.’
16
Lekwọ nị ihiẹn Osolobuẹ ku banyeni eze ụnụ, onyẹ hụn rị nwan ukpo-eze Defidi, lẹ ịhịan ile họdụ imẹ obodoni wụ Jerusalẹm, ndị alị ụnụ wẹ kpụnshilẹni alị ọzọ:
17
Osolobuẹ ihiẹn ile rị okpuru ẹ sị, ‘M jẹnkọ d'e zihẹni wẹ ọpịa-agha, ụnwụn lẹ eje-emu, a nọ wẹ kẹ ogbe figi jọgbu enwẹn ẹ njọ jẹnkọlẹni d'a nị ri.
18
Ẹghẹẹ, m k'e gi ọpịa-agha lẹ ụnwụn lẹ eje-emu chụ wẹ. Ndị alị-eze ile rị ụwa hụn ihiẹn m mẹ ndị ahụn, egun a tụ wẹ. Wẹ k'a wụrụ ihiẹn wẹ gi a bụ ọnụ, ihiẹn w'a hụn a jụpụ ẹsọn, ihiẹn w'a mụ ẹmụ lẹ ihiẹn-ifẹnrẹn ẹnya ndị alị ile m k'a chụjẹn wẹ.
19
Makẹni egini wẹ oku m dọn, oku hụn m gi idibo m wụ ndị-amụma gwa wẹ ọgụgwa-ọgụgwa. Ya kẹ Osolobuẹ ku. Ụnụ nwẹn wẹ kpụnshi alị ndị-ọzọ egizikwọnị oku m dọn. Ya kẹ Osolobuẹ ku.
20
“ ‘Ụnụ ile m gha Jerusalẹm kpụnshi alị Babilọnụ, lee ni nwan ihiẹn Osolobuẹ rị a gwa ụnụ.’
21
Lee ni ihiẹn Osolobuẹ ihiẹn ile rị okpuru ẹ hụn wụ Chuku Izrẹlụ ku banyeni Ehabụ nwa Kolaya lẹ Zẹdikaya nwa Maaseya, madụ ẹbụọ hụ gi ẹfan m e buni ụnụ amụma-ntụ: ‘M jẹnkọ d'e bu wẹ che ẹka Nebukadineza wụ eze alị Babilọnụ, o gbu wẹ idẹnya ụnụ.
22
Ihiẹn m jẹnkọ d'e mẹ wẹ k'a wụrụ ihiẹn ndị Juda ile wẹ kpụnjẹn Babilọnụ e gi a bụ ịhịan ọnụ: a sị ịhịan, “Osolobuẹ ya mẹ i ihiẹn o mẹ Zẹdikaya lẹ Ehabụ, ndị hụn eze Babilọnụ dụn ọkụn.”
23
M k'e mẹ wẹ ẹbụbụọ ẹrịra makẹni e mẹgụọ wẹ arụ imẹ Izrẹlụ; a nagụọ wẹ ibe wẹ inyẹnmẹ, gi ẹfan m tụ ntụ, ku ihiẹn m gwalẹni wẹ kụ. A marịnghọ m ihiẹn wẹ mẹ; m wụ ọshẹri.’ ” Ya kẹ Osolobuẹ ku.
24
Nke Shẹmaya onyẹ Nẹhẹlam, sị a,
25
“Osolobuẹ ihiẹn ile rị okpuru ẹ, hụn wụ Chuku Izrẹlụ, sị: Ị nọ gi ẹfan ị de ẹkụkwọ jẹnni ịhịan ile rị Jerusalẹm, kẹ onyẹ nchụn-ẹjan wụ Zẹfanaya nwa Maaseya kẹ ndị nchụn-ẹjan ndị ọzọ họdụnị — ị nọ sị Zẹfanaya,
26
‘Zẹfanaya, ịyụ wụ onyẹ nchụn-ẹjan hụn Osolobuẹ tumẹ onyẹ nlepụ-ẹnya ụlọ Osolobuẹ, gi i nọkin ẹnya onyẹ nchụn-ẹjan wụ Jehoyada; o furu nwan n'i gi aba lẹ igwe wẹ gi a kpọma ịhịan kpọma onyẹ-ẹra ọwụlẹ kpọ enwẹn ẹ onyẹ-amụma.
27
Kị haịn nwan i gilẹni ke jụgbọ Jerimaya onyẹ obodo Anatọtụ hụn rị imẹ igunrun ụnụ ebẹhụ e bu amụma hụ ọ rị e bu?
28
Jerimaya e dehẹgụọdẹni ẹnyi ẹkụkwọ imẹ Babilọnụ ebeni, sị ẹnyi, “Ụnụ jẹnkọ d'a nọbie ebẹhụ: Tụnrụn nị nwan ụlọ biri; rụn nị ugbo ri ihiẹn rị imẹ ẹ.” ’ ”
29
Kanị ogẹn onyẹ nchụn-ẹjan wụ Zẹfanaya gi nwọnhẹn ẹkụkwọ-ozi Shẹmaya, ọ nọ gụnghọsị onyẹ-amụma wụ Jerimaya ya.
30
Ya kẹ Osolobuẹ nọ sị Jerimaya:
31
“Zi ozi jẹnni ndị ahụn ile wẹ kpụnshi alị ọzọ. Sị wẹ nị Osolobuẹ e kuọlẹ ihiẹn jẹnkọ d'e mẹ Shẹmaya onyẹ Nẹhẹlam, sị ‘Ebe o mẹni Shẹmaya e bugụọnị ụnụ amụma hụn m zilẹn'ẹ, mẹ ụnụ gi ntụ dọn ẹnya,
32
mmẹ wụ Osolobuẹ rị nwan e ku ẹ nị m jẹnkọ d'e yerịrị Shẹmaya onyẹ Nẹhẹlam lẹ ẹbozo ẹ afụnfụn. Shẹmaya enwọnkọ akpụ onyẹ nke ẹ ohu jẹnkọ d'a họdụnị mọbụ hụn ihiẹn-ọma m jẹnkọ d'e mẹni ndị nke m, makẹni o kugụọ ihiẹn ụnụ e gi a pa oku m.’ ”
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 30 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52