bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Jeremiah 49
Jeremiah 49
Ika 2018 Bible
← Chapter 48
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 50 →
1
Lee ihiẹn Osolobuẹ ku banyeni ndị alị Amọnụ: “Izrẹlụ amụdẹni ụmụ ra? Onwọn ndị k'e bikin alị a ra? Kị Molẹkị werini ẹgbẹrẹ Gadị? Kị ndị a rụa Molẹkị birini alị ndị Izrẹlụ?
2
Lee nwan ihiẹn m k'e mẹ Amọnụ: Ogẹn lala hụn m'e gi yi oro agha, agha a bịa Raba wụ isi-alị ndị Amọnụ; wẹ k'e tikpọ Raba, o họnrin elumelu ẹjan; wẹ k'a dụn ụmụ-alị ile nọkunmẹn'ẹ ọkụn, Izrẹlụ a napụ ndị narịn a ihiẹn ẹ ihiẹn wẹ narịn a. “Mmẹ wụ Osolobuẹ ku ẹ.
3
Alị Hẹsh'bọnụ, gomẹ, nị e tikpọ wẹ alị Aị ndị Amọnụ! Ụmụ alị Raba, kwanma nị ụya! Yiri ni ẹkwa-achọ wẹ gi a kwan ụya; a gbahunmẹ ni, e yi kẹ ụnụ e mẹ imẹ obodo ụnụ. Makẹni wẹ jẹnkọ d'e weridẹ mmọn ụnụ wụ Molẹkị shi alị ọzọ, ya lẹ ndị a ghọn'a lẹ ndị ọzọ a rụnn'a ọrụn.
4
“Kị ị rị e gini ọdanmgbugbu ndị rị alị ị a nyan isi? Nị ihiẹn e junkẹ ọdanmgbugbu i, e hu kẹ mirin? Kịnị k'ị rị a nyannị isi — nwagbọọ kpahuni, hụn gi ihiẹn bu ọda o nwọn e dọn ẹnya, a sị, ‘Onyẹ k'a maye m ọgụn?’
5
“M sikọ nwan d'e wẹhẹn'i ihiẹn-egun; o sikọ d'e fihunmẹ i azụụn ile. Mmẹ, Onyẹ hụn nwọn ihiẹn ile, Osolobuẹ ihiẹn ile rị okpuru ẹ, ku ẹ. Ihiẹn egun hụ sikọ d'a chụpụ ụnụ ile onwọnni onyẹ k'e wegbama ndị gbayịyanị.
6
Kanị, o mẹgụ, m k'e mẹzi n'ọ rịnị ndị Amọnụ mma.” Mmẹ wụ Osolobuẹ ku ẹ.
7
Nke alị Ẹdọm, lee ihiẹn Osolobuẹ ihiẹn ile rị okpuru ẹ ku: “Ndị marịn ihiẹn arịzịdẹ nwan imẹ Tẹmanị rị alị Ẹdọm ra? Ndị marịn ihiẹn rịn'a amazị ye ezigbo ndụnmọdụn ra? Amamihiẹn wẹ ile e wiwigụọ?
8
Ndị bi Dedanị, gbapụhakwọ nị, d'a warị imẹ okporo, nị m k'e tikpọ ebọn Isọ wụ Ẹdọm ogẹn m'e gi ye ẹ afụnfụn.
9
Omẹni ndị a ghọ vaịnị bịa d'e kunrun i, ẹlẹ wẹ ghọ a ghọhọdụdẹ wẹ ẹkẹrẹ? Omẹni ndị ohin bịa imẹ abalị d'e zun, ẹlẹ wẹ zunrun hụn wẹ k'a s'ẹka zun a la wẹ ndị họdụnị tọ?
10
Kanị, mmẹ nwẹn jẹnkọ d'a gba ebọn Isọ wụ Ẹdọm ẹka, m k'e kpu ebe ile ọ warị oghe, ọ sakọzị ẹka zueri. M k'e tikpọ kẹ mmụ a kẹ ndị ebọn ẹ kẹ ndị nọkunmẹn'ẹ, ọ rịkọzị a.
11
Latọ nị oku ụmụ ụnụ ụnụ k'a nwụnnahịn, m k'e dọnmẹ wẹ; inyẹnmẹ ụnụ ụnụ jẹnkọ d'a nwụnnahịn, wẹ gimẹ m nwan dọn ẹnya.”
12
Ẹghẹẹ, Osolobuẹ sị, “Ebe o mẹni ndị furulẹni nị wẹ rarị afụnfụn rị imẹ mkpuni sikọ d'a rarịrị a, nị ụnụ la ọfẹ? Mba, ụnụ k'a tarịrị afụnfụn hụ.
13
Mmẹ wụ Osolobuẹ rị nwan e kun enwẹn m, e ku ẹ nị m k'e tikpọchanrịn Bozra wụ isi-alị Ẹdọm, o họnrin ihiẹn-ifẹnrẹn lẹ ebe nwọnlẹni ihiẹn rịn'a lẹ ihiẹn wẹ gi a bụ ọnụ; ụmụ-alị ile nọkunmẹn'ẹ k'a tọ mkpọkọ-mkpọkọ. Mmẹ wụ Osolobuẹ ku ẹ.”
14
Mmẹ wụ Jerimaya a nụgụọ ozi gha ẹka Osolobuẹ bịa: o zijẹngụọ onyẹ-ozi alị ichẹn-ichẹn d'a sị wẹ, “Kịgbama nị d'a lụsọn Ẹdọm agha! Lihi ni d'a lụ a agha ahụn!”
15
Lee ẹ, m k'e mẹ i wụrụ alị nwọnlẹni ihiẹn ọ wụ ebe ibe ẹ rị, mẹ ịhịan ile rị ụwa legberi i.
16
Egun i wẹ rị a tụ lẹ ihiẹn i rị e ro nị ya k'ị wụ e dufiegụọ ị, onyẹ nwẹn bi ẹgbata ọmụma eje-ihiẹn ghalẹni e ru ẹhụ, onyẹ nwẹn bi ebe kachanrịn elu e jẹn elu òke! Ọsụọn'a ị tụn ụlọ ị ye imẹ elu kẹ ugọn, m jẹnkọ d'a gha ebẹhụ nutu i. Mmẹ wụ Osolobuẹ ku ẹ.
17
Ẹdọm k'a wụrụ ihiẹn egun, hụn onyẹ ọwụlẹ ghafen'ẹ k'e gi jụsọhị; wẹ k'a gha a ben'ẹ ọrịọ yeni ihiẹn hụn mẹn'ẹ.
18
Mmẹ wụ Osolobuẹ sị, “Kẹ m dọn tikpọ Sodọm lẹ Gomora lẹ alị ndị nọkunmẹni wẹ, nke wụnị onwọnzini onyẹ bin'ẹ, ẹrịra kẹ m k'e tikpọ Ẹdọm ịhịan ebikọzị a.
19
“Lee ẹ! Kẹ ẹwọrọ dọn a gha ọfịa mkpẹnrẹn Iyi-Jọdanị a pụha ebe atụnrụn nọ a kpa nni mkpẹnrẹn mirin hụ ghalẹni a tahị: ẹrịra kẹ m k'a maye Ẹdọm idẹnmuzi, mẹ wẹ gba alị wẹ tọ. Onyẹ m chọ kẹ m e gi mẹ ẹ. Onyẹ nọ kẹ mmẹ? Onyẹ k'a jụ m ihiẹn ọwụlẹ? Elee eze k'a s'ẹka che m ọgụn?”
20
Gọn ni nwan ntịn ihiẹn Osolobuẹ chọ n'o mẹ alị Ẹdọm, ihiẹn ọ chọ n'o mẹ ndị bi obodo Tẹmanị rị Ẹdọm: Ndị k'a mayeni wẹ k'a kpụnrụnrịrị ụmụ wẹ, tikpọpụ alị wẹ hụn wẹ nọ e ri.
21
Ọdịdan wẹ k'e mẹhunmẹ ụwa; ẹkwan wẹ k'e rudẹ Ohimin-ufie.
22
Lee ẹ, wẹ k'e fekwasị alị Bozra rị Ẹdọm kẹ ugọn dọn e feshi elu, a shịapụ nku e fetu d'e buru ihiẹn. Ogẹn ahụn, obi k'a nọ ndị odogun-agha Ẹdọm kẹ obi okpoho imẹ rị e mẹ.
23
Nke obodo Damaskọsụ, “Ndụn a gụgụọ alị Hamatị lẹ alị Apadị — makẹni wẹ nụ eje-ozi; obi e dẹnhingụọ wẹ yeni uhue, obi a nọ wẹ kẹ ohimin ẹbi rị a kpọ, obi eruzini wẹ alị.
24
Ndụn a gụchanrịn ndị Damaskọsụ, a gbakin wẹ azụụn. Egun, uhue lẹ ụfụ k'e kwọndọn wẹ kẹ okpoho imẹ ri e mẹ.
25
Obodo nwẹn a gbagụọ okpokoro! Obodo nwẹn te a kpọnị; obodo ịghọghọ nwẹn!
26
Ẹghẹẹ, agha k'e gbu ikorọbịa a tọ ọgbara-ogbe ndị rịn'a; nke ndị-agha a k'a gụ ụhụọhịn hụ.” Ya kẹ Osolobuẹ ihiẹn ile rị okpuru ẹ ku.
27
“M k'a mụ ọkụn ye mgbọn Damaskọsụ, o k'a dụnpụ ebe ile eze wụ Bẹn-Hadadị rụn wẹ gi e dọn ẹnya.”
28
Lee ihiẹn Osolobuẹ ku banyeni alị Kẹda lẹ alị-eze ndị rị alị Hazọ nị Nebukadineza wụ eze Babilọnụ d'e mẹri wẹ, “D'a lụsọn nị Kẹda agha! Gbu ni ndị ahụn bi ẹbamịn ọwụwa-ẹnyanwụn.
29
Wẹ k'a kpụnnarịn wẹ ewu lẹ atụnrụn wẹ, kpọnnarịn wẹ ẹkwa lẹ ihiẹn ile wẹ gi e tumẹ ọdụ, kpụnrụn anyịnyan-mkpukpuke wẹ. Wẹ k'a gha e yi wẹ oro, a sị, ‘Ihiẹn-egun e fihunmẹ ụnụ ụzọ ile!’ ”
30
Osolobuẹ sị, “Ndị Hazọ, gbakwọ nị ọsọ; kwarịkwọ nị d'a warị, nị Nebukadineza eze Babilọnụ e zugụọnị ụnụ umẹ; o rotọgụọ ihiẹn o k'e mẹ ụnụ.”
31
Osolobuẹ sị a, “D'a lụsọn nị alị hụ agha; alị hụ ẹhụ fu nwọnlẹni nsọngbu, enwọn wẹ mgbọn; w'a ra kpọkin ọnụ-mgbọn; uwẹ sụọ bi.
32
Wẹ k'a narịn wẹ anyịnyan-mkpukpuke wẹ lẹ anụ wẹ ndị ọzọ. M k'e fe ndịnị ye azụụn ile, ndịnị bi atụ hụn a kọ ntutu azụụnnị lẹ azụụnnị. M k'e zihẹni wẹ nsọngbu azụụn ile. Mmẹ wụ Osolobuẹ ku ẹ.
33
“Anụ-ọfịa jẹnkọ d'e bikin Hazọ; o k'a gba okpokoro jẹnrin ejẹn. Ịhịan ebikọzị a, ịhịan a kwahakọzị a.”
34
Ọnwan wụ ozi Osolobuẹ zi Jerimaya onyẹ-amụma banyeni alị Ẹlam. Ogẹn Zẹdikaya gi kịma alị Juda nke ọhụn k'o gi zi ẹ ozini:
35
“Osolobuẹ ihiẹn ile rị okpuru ẹ sị: Lee ẹ, m k'a kpagipụ ụta Ẹlam — ụta hụn wụ ikẹn alị Ẹlam.
36
M k'a gha ẹbamịn ẹnọ rị okpuru igwere zihẹni Ẹlam nsọngbu; e mẹ m wẹ bupụ wẹ shi ẹbamịn ẹnịnọ ahụn. Onwọnni alị wẹ jẹnkọlẹni d'a kpụnshi wẹ.
37
M k'e mẹ ndị-iṅẹnrẹn alị Ẹlam mẹri ẹ, mẹ ndị chọkọ wẹ ogbugbu gbu wẹ; m k'e gi olulu sọn wẹ, tikpọ wẹ eje-ntikpọ. M k'e gi ọpịa-agha chụ wẹ d'e ru n'a gụchanrịn wẹ. Mmẹ wụ Osolobuẹ ku ẹ.
38
“M k'e bu ukpo-eze m che Ẹlam, gbu eze ẹ lẹ ndị-isi ẹ.
39
“Kanị omẹgụ, m k'e mẹzi ihiẹn masịnị Ẹlam. Mmẹ wụ Osolobuẹ ku ẹ.”
← Chapter 48
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 50 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52