bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Jeremiah 44
Jeremiah 44
Ika 2018 Bible
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 45 →
1
Ọnwan wụ oku Osolobuẹ gwa Jerimaya banyeni ndị Juda ile bi alị ichẹn-ichẹn imẹ Ijiptu. Alị ichẹn-ichẹn ndị ahụn wụ Mig'dọlụ, Tapanhẹsị, Mẹmfisi lẹ Patrọsị:
2
Osolobuẹ ihiẹn ile ri okpuru ẹ, hụn wụ Chuku Izrẹlụ, sị, “Ụnụ e gigụọ ẹnya ụnụ hụn eje-ihiẹn ile m mẹ obodo Jerusalẹm lẹ obodo ọzọ ile rị alị Juda, nke wụnị wẹ ile gba nwan okpokoro tannị, mẹ mkpọkọ-mkpọkọ;
3
eje-ihiẹn ndị bi imẹ wẹ mẹ haịn wẹ gi rị ẹrịra. Njọ wẹ kẹ wẹ gi kpasu m iwe — nsẹnsi w'a mụyeni mmọn lẹ mmọn wẹ rị a rụa, mmọn ndị ụnụ lẹ wẹ lẹ ndị nẹdi ụnụ kanị marịnlẹni.
4
E zisọnmẹ m idibo m wụ ndị-amụma d'a gwa ụnụ oku. Wẹ nọ gbasọnmẹ ụnụ mkpịnsịn-ẹka ẹnya, a sị ụnụ, ‘Emẹzilẹ ni arụnị e ze m ize!’
5
Kanị ndị Jerusalẹm lẹ ndị Juda egọnni ntịn, egini wẹ dọn; akụsịnị wẹ eje-ihiẹn wẹ rị e mẹ; achụnbehini wẹ ẹjan wẹ rị a chụnnị mmọn-lẹ-iyi.
6
Ya m nọ gi olulu sọn wẹ nọkẹ ọkụn. Ọ dụn alị ichẹn-ichẹn rị Juda lẹ ọgbara-ogbe rị obodo Jerusalẹm, wẹ gi nwan gba okpokoro, họnrin mkpọkọ-mkpọkọ k'o rị nwan tannị.
7
“Osolobuẹ ihiẹn ile rị okpuru ẹ, hụn wụ Chuku Izrẹlụ rị nwan a sị: Kị ụnụ rị e mẹni enwẹn ụnụ okẹn eje-ihiẹnni, e gi ẹ e gbupụchanrịn ikẹnnyẹ lẹ ikpoho lẹ ụmụ-ẹka lẹ ndị rị a ra ẹran imẹ Juda, ịhịan gizilẹni họdụnị ụnụ?
8
Kị ụnụ rịzị nwan e gini ihiẹn ụnụ gi ẹka ụnụ mẹmẹ a kpasu m iwe? A mụye nsẹnsi e gi a rụa mmọn-lẹ-iyi rị alị Ijiptu ụnụ bịa d'e biri. Ụnụ jẹnkọ tan d'e gi ẹ tikpọ enwẹn ụnụ. Ogẹn ahụn, ụnụ e họnrin ihiẹn wẹ gi a bụ ọnụ lẹ ihiẹn-ifẹnrẹn ẹnya ndị alị ndị ọzọ ile rị elu-ụwa.
9
Ụnụ a zọgụọdẹ eje-ihiẹn ile ndị nẹdi ụnụ lẹ ndị-nze Juda lẹ inyẹnmẹ wẹ mẹsọnmẹ? Ra ụnụ a zọgụọ eje-ihiẹn ụnụ lẹ inyẹnmẹ ụnụ mẹsọnmẹ imẹ alị Juda lẹ ọgbara-ogbe Jerusalẹm?
10
“Ụnụ ewelụakwọnị nwan enwẹn ụnụ alị mọbụ ye mmẹ wụ Osolobuẹ ọghọ d'e ru tannị; ụnụ edọnmẹkwọnị iwu lẹ uhi m tumẹni ụnụ lẹ ndị nẹdi ụnụ.
11
“Osolobuẹ ihiẹn ile rị okpuru ẹ, hụn wụ Chuku Izrẹlụ, sị nwan: A kwademẹgụọ m nị m jẹnkọ d'e mẹshi ụnụ ikẹn, tikpọzịkwọ ndị Juda ile.
12
M jẹnkọ d'e gbupụ ndị Juda hụ ile họdụnị hụn bu isi-ikẹn bịa alị Ijiptu d'e biri. Wẹ k'a nwụntọ Ijiptu ebeni, ọpịa-agha lẹ ẹgụn k'e gbu wẹ — kẹ onyẹ-uku kẹ onyẹ-nta. Ọpịa-agha lẹ ẹgụn k'e gbu wẹ. Wẹ k'a wụrụ ihiẹn wẹ gi a bụ ọnụ lẹ ihiẹn a tụ ịhịan egun lẹ ihiẹn wẹ gi a kpọ iyi lẹ ihiẹn ifẹnrẹn.
13
M k'e gi agha, ẹgụn lẹ eje-emu ye ndị bi alị Ijiptu afụnfụn kẹ m dọn ye ndị rị obodo Jerusalẹm.
14
Onwọnni akpụ onyẹ ohu imẹ ndị Juda họdụnị hụn lashi Ijiptu d'e biri hụn jẹnkọ d'a wanahịnnị mọbụ hụn isi lakin alị Juda, ọsụọn'a n'ọ rị nwan a dụ wẹ nị wẹ lakin alị Juda d'e biri; onwọnni akpụ onyẹ ohu imẹ wẹ k'a lakinni mmanị akpụ madụ ole.”
15
Ya kẹ ikẹnnyẹ ile hụn marịn nị inyẹnmẹ wẹ chụnyeni mmọn-lẹ-iyi ẹjan lẹ ikpoho ile rị igunrun hụ hi-ogbe lẹ ndị Juda ile hụn bi imẹ Patrọsị imẹ alị Ijiptu nọ sị Jerimaya,
16
“Ẹnyi e gọnkọdẹ ntịn ihiẹn ahụn ị sị nị ya kẹ Osolobuẹ sị ẹnyi mẹ!
17
Ẹnyi jẹnkọ d'e mẹrịrị ihiẹn ile ẹnyi kwe mmọn nkwa: Ẹnyi k'a chụnyeni mmọn hụ wụ Eze-okpoho Elu-igwee ẹjan — mụyen'ẹ nsẹnsi, tụyen'ẹ manya, kẹ ẹnyi lẹ ndị nẹdi ẹnyi lẹ ndị-nze ẹnyi lẹ ndị-isi ẹnyi dọn mẹ imẹ obodo ndị rị alị Juda lẹ ọgbara-ogbe Jerusalẹm. Ogẹn ahụn kẹ ẹnyi gidẹ nwọn ihiẹn-oriri, ihiẹn hụ a ghanị ẹnyi, onwọnni eje-ihiẹn mẹni ẹnyi.
18
Kete ẹnyi chụnbehini Eze-okpoho Elu-igwee ẹjan, tụyebehin'ẹ manya, onwọnzini ihiẹn ẹnyi nwọn, ọpịa-agha lẹ ụnwụn hụ e gbu ẹnyi.”
19
Ikpoho ndị ahụn nọzị sị, “Kẹ ẹnyi rị a chụnyeni Eze-okpoho Elu-igwee ẹjan w'a dụn ọkụn, a tụyen'ẹ manya, a kpụ donọtụ yin'ẹ, onwọnni hụn ndị di ẹnyi kwadọnlẹni.”
20
Ya kẹ Jerimaya nọ sị ndị Juda hụ ile shịarị a oku, kẹ ikẹnnyẹ kẹ ikpoho, ndị Juda ile rị ebẹhụ,
21
“Ụnụ amarịn nị ịya kẹ Osolobuẹ nyanhan mẹ ụnụ ihiẹn? Nị nsẹnsi ile ụnụ lẹ ndị nẹdi ụnụ mụye lẹ hụn ndị-nze ụnụ lẹ ndị-isi ụnụ lẹ ndị alị Juda ile mụye imẹ obodo ndị rị alị Juda lẹ ọgbara-ogbe Jerusalẹm k'ọ nyanhan mẹ ụnụ ya?
22
Makẹni Osolobuẹ asazịnị ẹka din eje-ihiẹn lẹ arụ ile ụnụ rị e mẹ haịn alị ụnụ gi nwan wụrụ ihiẹn wẹ gi a bụ ọnụ lẹ ebe gba okpokoro la iwi, alị ịhịan bizilẹni, k'o dọn rị tannị.
23
Nsẹnsi ụnụ mụyeni mmọn lẹ njọ ụnụ mẹ Osolobuẹ lẹ oku Osolobuẹ lẹ iwu ẹ, uhi ẹ lẹ nkuzi ẹ ụnụ gilẹni bi, uwẹ haịn okẹn ihiẹnni gi kunrun ụnụ kẹ ụnụ dọn nwan rị a hụn a.”
24
Jerimaya nọzị sị wẹ ile, tụmadụ ikpoho, “Ndị Juda ile rị Ijiptu, gọn ni ntịn ihiẹn Osolobuẹ ku!
25
Osolobuẹ ihiẹn ile rị okpuru ẹ hụn wụ Chuku Izrẹlụ, sị: ụnụ lẹ inyẹnmẹ ụnụ e kugụọ a ọnụ, mẹ ẹ ẹka, ebe ụnụ nọ sị, ‘Ẹnyi sikọ d'e mẹrịrị nkwa ẹnyi kwe Eze-okpoho Elu-igwee: ẹnyi k'a mụyen'ẹ nsẹnsi, tụyen'ẹ manya.’ Dikẹnmẹ ni nwan! Mẹmẹ ni nwan nkwa ụnụ kwe! Mẹsọnmẹ ni ihiẹn hụ ụnụ kwe nkwa a!
26
Ka gọnkwọ nị nwan ntịn, ndị Juda ile bi alị Ijiptu: Osolobuẹ sị, ‘Mmẹ wụ Osolobuẹ rị e kun Okẹn Ẹfan m, nị onwọnzini onyẹ Juda ọwụlẹ bi alị Ijiptu k'e kun ẹfan m — onwọnni onyẹ k'a sị, “Ma Osolobuẹ ihiẹn ile rị okpuru ẹ!”
27
M k'a nị eje-ihiẹn mẹ wẹ, ẹlẹ ihiẹn rị mma; onyẹ ọwụlẹ imẹ ndị Juda bi Ijiptu jẹnkọ d'a gha ọpịa-agha mọbụ ẹgụn la — d'e runi wẹ ile a nwụnchanrịn.
28
Ndị k'a hụn isi wanahịn ọpịa-agha, gha Ijiptu lụaha Juda ebukọ ọda kaka! Ogẹn ahụn kẹ ndị Juda k'a họdụ imẹ alị Ijiptu e gi marịn oku onyẹ k'a bụnnị, oku m ra nke wẹ.’
29
Osolobuẹ sịzị, ‘M jẹnkọ d'e mẹ ihiẹn ụnụ e gi marịn nị m k'e ye ụnụ afụnfụn ebeni, kẹni ụnụ marịn nị ẹlẹ m rị e ku ẹ mmaka nị m k'e mẹ ụnụ ihiẹn.
30
Mmẹ wụ Osolobuẹ rị nwan e ku ẹ nị m jẹnkọ d'e we Hofra wụ Fẹro eze Ijiptu che ẹka ndị-iṅẹnrẹn ẹ rị a chọ nị wẹ gbu ẹ — kẹ m dọn we Zẹdikaya wụ eze ụnụ ndị Juda che ẹka eṅẹnrẹn ẹ wụ Nebukadineza eze Babilọnụ hụn chọkọ a ogbugbu.’ ”
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 45 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52