bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Luke 4
Luke 4
Ika 2018 Bible
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 5 →
1
Ya Jesu hụn Mmọn-nsọ jun imẹ ẹ nọ gha Iyi Jọdanị lụa; Mmọn-nsọ nọ duhunmẹmẹ ẹ imẹ atụ,
2
Ekwensụ nọ nọ ebẹhụ nwan a ọrọgbọ akpọhịn ọgụnnaị. Onwọnni ihiẹn o ri ọrọgbọ hụ ile. Akpọhịn ọgụnnaị ahụn e zugụ, ẹgụn nọ gụnma a.
3
Ekwensụ nọ sị a, “Omẹni ị wụ Nwa Osolobuẹ, sị ọmụmanị họnrin ogbe brẹdi.”
4
Jesu nọ sị a, “E degụọ w'a imẹ Ẹkụkwọ-nsọ nị, ‘Ịhịan ara gi ihiẹn-oriri sụọ a rị ndụn. ’ ”
5
Ya kẹ Ekwensụ nọ w'ẹ shi ebe jẹn elu, gi njube-ẹnya ohu ghọsịchanrịn a alị-eze ile rị elu-ụwa,
6
sị a, “M jẹnkọ d'e ye i ihiẹnni ile kịma, y'e nwọnrin ọghọ ile rịn'a, makẹni e bugụọ wẹ uwẹ ile che m ẹka, onyẹ sụọnị m kẹ m'e y'ẹ.
7
Ị kụnị m nwan isi alị, ihiẹn ndịnị ile e họnrin nke i.”
8
Jesu nọ sị a, “Ẹkụkwọ-nsọ sị, ‘Di-nwọnni-ẹnyi wụ Chuku i k'i k'a kụnị isi-alị; ịya sụọ k'i k'e fe!’ ”
9
Ya kẹ Ekwensụ nọ weri Jesu shi Jerusalẹm, bu ẹ che mkpọnụnụ Ụlọ-nsọ, sị a, “Omẹni ị wụ Nwa Osolobuẹ, gha ebeni wụtu.
10
Makẹni, e degụọ w'a imẹ Ẹkụkwọ-nsọ, sị, ‘O sikọ d'a sị ndị mmọn-ozi ẹ chemẹ i;
11
wẹ jẹnkọ d'a parị ị, amamgbe y'a kpọ ụkụ ọmụma.’ ”
12
Kanị, Jesu nọ sị a, “Ẹkụkwọ-nsọ sị, ‘Elelekwọlẹ Di-nwọnni-ẹnyi wụ Chuku i.’ ”
13
Ekwensụ a nwanchanrịngụ Jesu, ya ọ nọ la a tọ e che oghere ọzọ.
14
Ya kẹ Jizọsị nọ kinhẹn Galili, ya lẹ ikẹn Mmọn-nsọ. Ẹfan a nọ kpọgbarị obodo ile rị ẹgbẹrẹ hụ.
15
Ọ nọ kuzimẹ imẹ ụlọ-ofufe rịsọnmẹ ebahụn, ịhịan ile hụ a ja a mma.
16
Ya Jesu nọ shi Nazarẹtị, ebe ọ nọ sue; o ru Ụhụọhịn Ezumikẹn, ọ nọ jẹn ụlọ-ofufe k'o dọn e jẹn. Ogẹn wẹ gi a gụn Ẹkụkwọ-nsọ e ru, ọ nọ lihi n'ọ gụn,
17
wẹ nọ y'ẹ ẹkụkwọ Azaya onyẹ-amụma. Ọ shịapụ a, ọ nọ chọrị ebẹhụ wẹ deye nị
18
“Mmọn Di-nwọnni-ẹnyi rị imẹ m, makẹni o tumẹ m d'e zi ndị igbẹnnyẹ oziọma. O zi m d'a sị ndị rị imẹ ẹgbụn nwọnrin enwẹn wẹ, d'a sị ndị ẹnya-ishi hụnma ụzọ, d'a gbapụha ndị wẹ rị a bịangbu;
19
d'a ma ọkwa nị ahụa hụ e ruọlẹ hụn Di-nwọnni-ẹnyi e gi mẹni ndị nke ẹ ọhụnma.”
20
Jesu nọ kpumẹzi ẹkụkwọ hụ, we ẹ ye onyẹ k'e butọn'a; ya ọ nọ nọdị alị. Ịhịan ile rị imẹ ụlọ-ofufe e bu ẹnya tụma a,
21
ọ nọ gwama wẹ oku, sị, “Ebeni wẹ gụn imẹ Ẹkụkwọ-nsọ e mẹzugụọ tannị kẹ ụnụ rị a nụ a.”
22
Wẹ ile hụ e ku oku ẹ ọhụnma, oku-ọnụ a hụ a tụ wẹ ẹnya. Wẹ nọ sị, “Onyẹni ẹlẹ nwa Josẹfụ?”
23
Ọ nọ sị wẹ, “A marịngụọ m nị ụnụ sikọ d'a tụnị m iluni: ‘Dibiẹ, zụọ enwẹn i!’ Nọ nwan obodo i ebeni mẹ ihiẹn ẹnyi nụ nị i mẹ imẹ Kapanọm.”
24
M rị a gwa ụnụ ezioku, w'a ra nabanhan onyẹ-amụma imẹ alị a.
25
Kanị, nị m gwa ụnụ ezioku rịn'a: ikpoho di wẹ nwụn e bughọ ọda alị Izrẹlụ ogẹn Ẹlaịja, ogẹn ahụn mirin gilẹni zue ọrọgbọ ahụa ẹtọ lẹ ifọn isin hụn okẹn ụnwụn gi mụgbarị alị ile;
26
kanị, imẹ wẹ, onwọnni hụn Osolobuẹ zi Ẹlaịja d'e kunrun, kama, o zi ẹ alị ọzọ, Zarẹfatị hụn rị alị Sidọnụ, d'e kunrun okpoho di ẹ nwụnhụngụ rị ebẹhụ.
27
“Ndị oti rị alị Izrẹlụ ogẹn Ẹlaịsha onyẹ-amụma e buzighọ ọda; kanị onwọnni hụn ọ zụọ wezụka Nemanị onyẹ alị Siria, onyẹ alị ọzọ.”
28
Ogẹn Jesu gi ku ihiẹnni, olulu nọ bumẹ ndị ahụn rị imẹ ụlọ-ofufe hụ.
29
A fụlihi wẹ, nupụ Jesu imẹ obodo hụ, w'ẹ shi mkpẹnrẹn obodo wẹ ahụn rị elu ugu, kẹni wẹ gha elu ebahụn kwantu ẹ,
30
kanị Jesu nọ ghafe etintinnaị igunrun ahụn, jẹnmẹ ebe o jẹnkọ.
31
Ya Jesu nọ shi Kapanọm hụn rị Galili. O ru Ụhụọhịn Ezumikẹn, ọ nọ kuzimẹ wẹ;
32
nkuzi ẹ nọ tụ wẹ ẹnya, makẹni o ku kẹ onyẹ oku rị ẹka.
33
Okẹnnyẹ ohu eje-mmọn rị imẹ ẹ rị ụlọ-ofufe hụ. Ọ nọ yi,
34
“Heuu! K'i gi ẹnyi e mẹ, Jesu onyẹ Nazarẹtị! Ị bịa d'e tikpọ ẹnyi? A marịnghọ m'ị: ịyụ wụ Onyẹ-nsọ Osolobuẹ!”
35
Kanị Jesu nọ jụgbọ eje-mmọn hụ, sị a, “Gba nkịtịn! Gha imẹ ẹ pụ!” Eje-mmọn hụ nọ bu okẹnnyẹ hụ gbe alị idẹnya wẹ ile, gha imẹ ẹ pụ, kanị ọ rụn'a ẹhụ.
36
Ọ tụ ndị hụ ile ẹnya, wẹ hụ a sị ibe wẹ, “Kị wụ ọnwan? O hụ e gi ikẹn ẹ a gwa eje-mmọn oku nọkẹ onyẹ oku rị ẹka, wẹ hụ a pụha.”
37
Ya kẹ oku Jesu nọ kpọgbarị ẹgbẹrẹ hụ ile.
38
Jizọsị nọ gha imẹ ụlọ-ofufe hụ pụ, shi iwe Saịmọnụ. Okẹn ẹhụ-ọkụn rị nnẹ nwunyẹ Saịmọnụ ẹhụ; wẹ nọ gwa Jizọsị oku ẹ.
39
Jizọsị nọ jẹn d'e wuzo ebẹhụ o dinẹ, jụgbọ ẹhụ-ọkụn hụ, ẹhụ-ọkụn hụ nọ hapụ a. Ọ nọ lihi ọtọ ozigbo, lemẹ wẹ ọbịa.
40
Ogẹn anwụn gi rọma, ndị ile nwọn ndị emu ichẹn-ichẹn rị a kụ nọ wẹhẹ wẹ bịanị Jizọsị, ọ nọ bu ẹka kwasị onyẹ-onyẹ, zụọchanrịn wẹ ile.
41
Eje-mmọn hụzị a gha imẹ ndị bu ọda a pụ, e yi, “Ịyụ wụ Nwa Osolobuẹ!” Kanị, Jizọsị hụ a jụgbọ eje-mmọn ndị hụ — ọ nịnị wẹ ku oku, makẹni a marịngụọ wẹ nị ya wụ Kraịstị.
42
Eki e fọn, Jesu nọ pụ, shi ebe ịhịan bilẹni, kanị igunrun ahụn hụ a chọ a. Ogẹn wẹ gi hụn a, wẹ nọ chọ nị wẹ gbọndọn ẹ makẹ ọ gha a la wẹ a tọ.
43
Kanị ọ nọ sị wẹ, “M k'e zirịrị oziọma Alị-eze Osolobuẹ imẹ obodo ndị ọzọ, makẹni ya kẹ Osolobuẹ zi m.”
44
Ẹrịra k'o dọn jẹnsọnmẹ, e ku oku-Chuku imẹ ụlọ-ofufe rịsọnmẹ Judia.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24