Zechariah 10

Ika 2018 Bible

← Chapter 9 Jump to: Chapter 11 →

1Rịọ nị Osolobuẹ mirin ogẹn udu-mirin, Osolobuẹ hụn e mẹ mirin e ru, e zue ọda-ọda, Onyẹ hụn e mẹ ihiẹn wẹ kụn ugbo e sue.

2Makẹni mmọn wẹ kpụ wụ ihiẹn-ẹti; ndị-ẹfa hụ a gba ẹfa ntụ, ndị nrọ hụ a rọ hụn nwọnlẹni isi, a rọkọ ịhịan obi nwọnlẹni isi; ịhịan hụ a wahunmẹ nọkẹ atụnrụn, a ta afụnfụn makẹni enwọn wẹ onyẹ e duni wẹ.

3Olulu ndị-ndu ụnụ rị e bu m ọda-ọda, m k'e mẹshi ndị rị a kịgbu ụnụ ikẹn; makẹni Osolobuẹ ihiẹn ile rị okpuru ẹ e lepụ atụnrụn a wụ alị Juda ẹnya; m k'e gi wẹ họnrin ẹshin-agha m, ẹshin-agha nwọn ndụn wẹ e lee ile ọgbọ-agha.

4M k'a gha imẹ Juda weli ndị-ọkịkị ile: kẹ ọmụma gi ụlọ kẹ mkpụkpọ kẹ ụta-agha.

5Wẹ k'a lụ agha kẹ odogun-agha, zọgbusọnmẹ ndị-iṅẹnrẹn imẹ ịkpọtọ rị ọgbara-ogbe; wẹ k'a lụshi ikẹn makẹni Osolobuẹ k'a nọyeni wẹ, e gbe wẹ ifẹnrẹn ye ndị gidẹ ẹshin-agha ihun — ndị gi ẹshin-agha a lụsọn wẹ agha.

6M k'e mẹ ndị alị Juda zekẹnmẹ; m k'a gbapụha ebọn Josẹfụ. M k'e mẹzi n'ọ rịnị wẹ mma makẹni omikẹn wẹ rị e mẹ m, a nọzị wẹ kẹ sị ajụtọnị m wẹ mbụ! O k'a rị ẹrịra makẹni mmẹ wụ Osolobuẹ wụ Chuku wẹ; m k'a za wẹ.

7Ogẹn hụ ndị Ifrem k'a nọ kẹ odogun-agha; obi k'a gha a sụọ wẹ ụsụọ nọkẹ sị wẹ ra manya. Ụmụ wẹ k'a hụn a, ghọghọma; ẹfọ k'a sụọ wẹ ụsụọ makẹ Osolobuẹ.

8M k'e gi ọfịfị welụa wẹ, makẹni a gbarịgụọ m wẹ; wẹ k'e buzi ọda kẹ wẹ bu mbụ.

9Ọsụọn'a nị m fe wẹ ye alị ndị ọzọ, wẹ k'a nọzịkwọ alị ndị hụ teni nyanhan m; wẹ k'a rị ndụn, wẹ lẹ ụmụ wẹ, lụahazị ebeni.

10M k'a gha alị Ijiptu welụa wẹ ụlọ, e kpọnlụazị m ndị rị alị Asiria. M k'e welụa wẹ, we wẹ chekwọrị ẹgbẹrẹ Gilẹdị lẹ Lẹbanọnụ; alị wẹ ezukọdẹ wẹ bi!

11Wẹ k'a gha ohimin nsọngbu, tinyụn ẹbiri ohimin, Iyi Naịlị migbu enwẹn ẹ a tahị; mpache alị Asiria a gụ; ọkịkị alị Ijiptu e bi.

12M k'e mẹ ndị nke m wụrụ ndị hụn Osolobuẹ wụ ikẹn wẹ, e gi wẹ ẹfan m e jẹn. Ya kẹ Osolobuẹ ku.

← Chapter 9 Jump to: Chapter 11 →