bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Zechariah 6
Zechariah 6
Ika 2018 Bible
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 7 →
1
E lezi m ẹnya elu, m nọ hụn ụgbọ-anyịnyan ẹnọ kẹ wẹ gha ẹgbata ugu ẹbụọ pụla. Ugu ndị hụ wụ igwe-bronzu.
2
Ẹshin-ododo ẹshin-ododo dọkpụnkọ ụgbọ-anyịnyan ibuzọ; ẹshin-ogi ẹshin-ogi dọkpụnkọ ụgbọ-anyịnyan nke ẹbụọ;
3
ẹshin-ọchan ẹshin-ọchan dọkpụnkọ ụgbọ-anyịnyan nke ẹtọ; ẹshin-ẹkịnịka ẹshin-ẹkịnịka dọkpụnkọ ụgbọ-anyịnyan nke ẹnọ. Wẹ ile ka-ẹhụ.
4
Ya m nọ sị mmọn-ozi hụn mmẹ lẹ ịya gba e ku, “Diọkpa, kị wụ ihiẹn ndịnị?”
5
Mmọn-ozi hụ nọ sị m, “Ndịnị wụ mmọn ẹnọ rị elu-igwee hụn gha ihun Osolobuẹ nwọn ụwa ile pụla kẹ wẹ jẹngụ n'ọ hụn wẹ!
6
Ụgbọ hụn ẹshin ogi ndị ahụn dọkpụnkọ shikọ alị Babilọnụ rị ẹbamịn-ugu; ẹshin ọchan ndị ahụn hụ e sọn wẹ; ẹshin ẹkịrịka ndị ahụn shikọ alị rị ẹbamịn ndịdan-mirin.”
7
Ogẹn ẹshin ndịnị ka ẹhụ gi pụha, ọ hụ a dụ wẹ nị wẹ jẹnmẹ ozigbo-ozigbo d'a ghahunmẹ elu ụwa. Osolobuẹ nọ sị wẹ, “Jẹnmẹ ni d'a ghahunmẹ elu ụwa!” Ya wẹ nọ jẹn d'a ghahunmẹmẹ elu-ụwa.
8
Ya Osolobuẹ nọ hị m, sị m, “Lee ẹ, ndị hụn shi ẹbamịn-ugu e mẹgụọ obi ru mmọn m alị ebẹhụ.”
9
Osolobuẹ nọ gwa m oku, sị m,
10
“D'e kunrun Hẹdaị lẹ Tobija lẹ Jedaya, ndịnị gha alị Babilọnụ wẹ kpụnshi wẹ lụa, y'a narịn wẹ siliva lẹ goru. Ụhụọhịn hụ ị narịn wẹ ya, y'e shi iwe Josaya nwa Zẹfanaya.
11
Gi siliva lẹ goru ahụn mẹmẹ okpu-eze, y'e bu ẹ che onyẹ-isi nchụn-ẹjan wụ Joshụa nwa Jehozadakị isi.
12
Y'a sị a, ‘Osolobuẹ ihiẹn ile rị okpuru ẹ sị: Ọnwan wụ okẹnnyẹ hụn ẹfan a wụ “Agalaba”. O sikọ d'a nọ ebe ọ rị wa agala; ịya jẹnkọ d'a tụn Ụlọ-NSỌ Osolobuẹ.
13
Ịya sikọ d'a tụn Ụlọ-NSỌ Osolobuẹ; o k'e nwọn ọghọ ndị-nze; o k'a nọdị ukpo ẹ, kị. Ọ k'a wụzị onyẹ nchụn-ẹjan ebe ọ rị ukpo ẹ a kị. Ọrụn a ẹbụbụọnị k'a layechanrịn.’
14
Okpu-eze hụ sikọ d'a wụrụ ihiẹn wẹ gi a nyanhan Hẹdaị, Tobija lẹ Jedaya imẹ Ụnọ-NSỌ Osolobuẹ, a nyanhanzị ọhụnmanị nwa Zẹfanaya wụ Josaya mẹ.
15
“Ndị rịdẹ ebe teni sikọ d'a bịa d'e ye ẹka tụn Ụlọ-NSỌ Osolobuẹ. Ogẹn ahụn, ụnụ e gi ẹ marịn nị Osolobuẹ lẹ enwẹn ẹ hụn ihiẹn ile rị okpuru ẹ zi m d'a gwa ụnụ oku. “Ihiẹnni k'e mẹ omẹni ụnụ hụ e mẹ ihiẹn Osolobuẹ wụ Chuku ụnụ ku, e mẹshi ẹ ikẹn.”
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 7 →
All chapters:
1
2
3
4
5
6
7
8
9
10
11
12
13
14