bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Ecclesiastes 1
Ecclesiastes 1
Ilokano (Ti Biblia (1973))
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 2 →
1
Dagiti sasao ti Mangascasaba, nga anac a lalaki ni David, nga ari ti Jerusalem.
2
Kinabarengbareng dagiti kinabarengbareng, cuna ti Mangascasaba; kinabarengbareng dagiti kinabarengbareng, isu-amin kinabarengbareng.
3
Ania a gungona ti adda iti tao iti amin nga ar-aramidna nga aramidenna iti baba ti init?
4
Maysa a caputotan mapan, ket umay ti sabali a caputotan; ngem ti daga agtaeng iti agnanayon.
5
Ti init met tumangcayag, ket ti init lumnec, ket agdaras a mapan iti disso a tumangcayaganna.
6
Ti angin mapan nga agpaabagatan, ket agibaw agingga iti amianan; agibaw a cancanayon iti tarayenna, ket ti angin agsubli manen cadagiti pagibawanna.
7
Amin dagiti carcarayan agayusda a mapan iti taaw; nupay casta saan a mapusec ti taaw; iti disso a papanan dagiti carcarayan, sadiay mapanda manen.
8
Amin dagiti banbanag mapnoda iti pannacautoy; ti tao dina mayesngaw ti mata saan a mapnec iti panagkita, uray ti lapayag saan a mapno iti panagdengngeg.
9
Ti adda idi isu ti addanto; ket ti naaramid idi isu ti maaramidto: ket awan ti baro a banag iti baba ti init.
10
Adda aya maysa a banag isu a mapagcunaan coma, Kitaenyo, daytoy baro? adda idi a nabayagen, cadagiti tawtawen idi sacbaytayo.
11
Awan ti pannacalagip dagiti immuna a capcaputotan; awanto met ti pannacalagip dagiti maud-udi a capcaputotan nga umayto, cadagidiay nga umayto iti calpasanna.
12
Siac a mangascasaba nagariac iti Israel idiay Jerusalem.
13
Ket impapusoc ti nagbiroc ken nagsukimat iti pannacaaramat ti sirib ti maipapan iti amin a naaramid iti baba ti langit: maysa a nacaro a panagbannog ti inted ti Dios cadagiti annac a lallaki dagiti tattao tapno mairuamda kencuana.
14
Nakitac amin dagiti ar-aramid a maaramid iti baba ti init; ket, adtoy, isuda-amin kinaubbaw ken maysa a panagagawa iti angin.
15
Ti killo saan a mapalinteg; ket ti pagcurangan saan a mabilang.
16
Nakisaritaac iti pusoc met laeng, a kinunac, Adtoy, nagun-odco ti dackel a siribco a nangnangrona ngem cadagiti amin nga immununa ngem siac idiay Jerusalem; wen, ti pusoc naaddaan iti dackel a padas ti sirib, ken pannacaammo.
17
Ket impapusoc nga inammo ti sirib, ken inammo ti kinamauyong ken kinamaag: naawatac a daytoy met maysa a panagagawa iti angin.
18
Ta iti adu a sirib adda adu a liday; ket ti mangpawadwad iti pannacaammo pawadwadenna ti ladingit.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 2 →
All chapters:
1
2
3
4
5
6
7
8
9
10
11
12
Recommended Reading
Commentary
Ecclesiastes Commentaries
→
Devotional
Ecclesiastes Devotional Guide
→
Get This Bible
1973 Study Bible
→