bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Jeremiah 17
Jeremiah 17
Ilokano (Ti Biblia (1973))
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 18 →
1
Ti basol ti Juda naisurat babaen ti pluma a landoc, ken iti ngudo ti diamante: naibutac iti tapi ti pusoda, ken cadagiti sara dagiti altaryo;
2
Bayat ti pannacalaglagip dagiti annacda cadagiti altarda ken ti Asherimda iti arpad dagiti narucbos a caycayo iti rabaw dagiti nangato a turturod.
3
O bantayco iti away, itedconto ti sanicuam ken amin dagiti gamengmo a maysa a samsam, ken dagiti nangato a dissom gapu iti basol cadagiti amin a beddengmo.
4
Ket sica, uray pay sica met laeng, saancanto nga agtuloy iti tawidmo nga intedco kenca; ket pagserviencanto cadagiti cabusormo, iti daga a dica ammo; ta pinasgedanyo ti maysa nga apuy iti pungtotco isu nga sumgedto iti agnanayon.
5
Castoy ti cuna ni Jehova: Mailunod ti tao nga agcammatalec iti tao, ken pagbalinenna ti lasag a tackiagna, ket ti pusona sumina ken Jehova.
6
Ta isunto cas iti caruotan iti langalang, ket saan a macakita no umay ti imbag, no di ket agnaedto cadagiti naticag a disso iti let-ang, maysa a caapayaan ken saan a mapagnaedan.
7
Nagasat ti tao nga agcammatalec ken Jehova, ket ti talgedna ni met laeng Jehova.
8
Ta isunto ti cas cayo a naimula iti arpad dagiti danum, nga isacnapna dagiti ramutna iti arpad ti carayan, ket saan nga agbuteng no umay ti pudot, no di ket ti bulongna nalangtonto; ket saanto a madanagan iti tawen ti ticag, ket dinto met sumardeng iti panagbungana.
9
Ti puso manangallilaw a nacarcaro ngem dagiti amin a banag, ket isu napalalo a nagdakes; asino ti macaamo kencuana?
10
Siac, ni Jehova, sukisukec ti isip, suutec ti puso, tapno itedco met laeng iti tunggal tao ti cas mainugot cadagiti dalanna, ti cas maiyalubog iti bunga dagiti gapuananna.
11
Cas ti tucling a mangocop cadagiti iclog a saanna nga inyeclog, casta ti agala iti kinabacnang, ket saan a naincalintegan; iti tengnga dagiti aldawna isu panawandanto, ket iti panungpalanna isunto ti maysa a maag.
12
Maysa a nadayag a trono, a naisaad iti ngato nanipud idi punganay, isu ti disso ti santuariotayo.
13
O Jehova, a namnama ti Israel, amin dagiti aglicud kenca maibabaindanto. Dagidiay sumina caniac maisuratdanto iti daga, agsipud ta naglicudanda ni Jehova, ti ubbug dagiti sibibiag a danum.
14
Agasannac, O Jehova, ket maimbaganacto; isalacannac, ket maisalacanacto: ta sica ti dayawco.
15
Adtoy, cunaenda caniac, Sadino ti yan ti sao ni Jehova? isu umay coma ita.
16
No maipapan caniac, saanac a nagdarasudos a pimmanaw iti panagpastor iti licudam; ket diac met tinarigagayan ti nacaay-ay-ay nga aldaw, sica ammom: dagiti rimmuar cadagiti bibigco adda iti sangoanam.
17
Saanca coma a macapabuteng caniac; sica ti camangco iti aldaw ti dakes.
18
Maibabainda coma dagiti mangidadanes caniac, ngem saanac coma, a maibabain; agcullayawda coma, ngem saanac nga agcullayaw; iyegmo cadacuada ti aldaw ti dakes, ket dadaelem ida iti mamindua a pannacadadael.
19
Castoy ti kinuna ni Jehova caniac: Inca, ket agtacderca iti ruangan dagiti annac ti umili, isu a sercan dagiti ar-ari ti Juda, ken daydiay pagruruaranda, ken cadagiti amin a ruruangan ti Jerusalem;
20
Ket cunam cadacuada, Denggenyo ti sao ni Jehova, dacayo ar-ari ti Juda, ken ti amin a Juda, ken amin ti agnaed iti Jerusalem, a sumrec cadagitoy a ruruangan:
21
Castoy ti cuna ni Jehova, Agannadcayo cadagiti bagiyo met laeng, ket dicayo agawit iti awiten iti aldaw a panaginana, ket dicay met iserrec cadagiti ruangan ti Jerusalem;
22
Castamet a dicay mangiruar iti maysa nga awiten cadagiti balbalayyo cadagiti aldaw a panaginana, ket saancayo met nga agaramid iti aniaman a trabajo: ngem ngilinenyo ti aldaw a panaginana, cas imbilinco cadagiti ammayo.
23
Ngem saanda nga impangag, ket dida met inyallingag ti lapayagda, no di ket pinatangkenda ti teltelda, tapno saanda a macangngeg ken dida maisuro.
24
Ket maaramidto, no siaannadcayo a mangipangag caniac, cuna ni Jehova, a dicayo mangiserrec iti awiten, cadagiti ruangan daytoy nga ili iti aldaw a panaginana, no di ket ngilinenyo ti aldaw a panaginana, a dicayo agtrabajo kencuana;
25
Sumrecdanto ngarud cadagiti ruangan daytoy nga ili dagiti ar-ari ken piprincipe a situtugaw iti trono ni David, a nacasacayda cadagiti lugan ken cabcabayo, isuda ken dagiti piprincipeda, dagiti lallaki ti Juda, ken dagiti agnaed ti Jerusalem, ket daytoy nga ili mataginayonto.
26
Ket umaydanto nga aggapu cadagiti il-ili ti Juda, ken aggapu cadagiti aglicmut iti Jerusalem, ken aggapu iti daga ti Benjamin, ken aggapu iti nababa a daga, ken iti caturodan, ken aggapu iti Abagatan, a mangiyegda cadagiti datdaton a mapuuran, ken sacrificios ken datdaton a macan, ken incienso, ken mangiyegda cadagiti datdaton ti panagyaman, iti balay ni Jehova.
27
Ngem no didac ipangag maipuon iti panagngilinyo ti aldaw a panaginana, ken iti saan a panagawit iti maysa nga awiten ken iseserrec cadagiti ruangan ti Jerusalem iti aldaw a panaginana; pasgedacto ngarud ti maysa nga apuy cadagiti ruanganna, ket alun-unennanto dagiti palacio ti Jerusalem, ket saanto a maiddep.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52