bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Jeremiah 29
Jeremiah 29
Ilokano (Ti Biblia (1973))
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 30 →
1
Ket dagitoy dagiti sasao ti surat nga impaw-it ni Jeremias a mammadto manipud Jerusalem cadagiti natda cadagiti panglacayen ti pannacacayaw ken cadagiti papadi, ken cadagiti mammadto, ken cadagiti amin a tattao a nacayawan nga impan ni Nabucodonosor manipud Jerusalem agingga iti Babilonia.
2
(Calpasan a ni Jeconias nga ari, ken ti reina nga ina, ken dagiti eunucos ken dagiti piprincipe ti Juda ken Jerusalem, ken dagiti nalaing a managar-aramid, ken dagiti mammanday, pimmanawda sadi Jerusalem),
3
Babaen ti ima ni Elasa, nga anac a lalaki ni Safan, ken Gemarias nga anac a lalaki ni Helcias, (isu nga imbaon ni Sedekias nga ari ti Juda sadi Babilonia ken ni Nabucodonosor nga ari ti Babilonia), a kinunana,
4
Castoy ti cuna ni Jehova dagiti buybuyot, a Dios ti Israel, cadagiti amin a nacayawan, isuda a pinaipanco a nacayawan, isuda a pinaipanco a nacayawan manipud Jerusalem agingga iti Babilonia:
5
Mamangoncayo cadagiti balbalay, ket agnaedcayo cadacuada, ket agmulacayo cadagiti minuyongan, ket canenyo dagiti bungbunga cadacuada.
6
Mangasawacayo, ket agputotcayo cadagiti annac a lallaki ken babbai, ken mangalacayo cadagiti assawa a maipaay cadagiti annacyo a lallaki; ken iccanyo dagiti annacyo a babbai cadagiti assawada, tapno agipasngayda coma cadagiti annac a lallaki ken babbai: ket umaducayo idiay, ket saancayo a bumassit.
7
Ket birukenyo ti talna ti ili a nagpaipanac cadacayo a nacayawan, ket agcararagcayo ken Jehova gapu kencuana: ta ti talnana maaddaancayonto iti talna.
8
Ta castoy ti cuna ni Jehova dagiti buybuyot, a Dios ti Israel: Saanyo nga ipalubos cadagiti mammadtoyo, nga adda cadagiti nagtengngaanyo, ken cadagiti mammoyonyo nga allilawendacayo, saanyo met nga imdengan dagiti tagtagainepyo a tinagtagainepyo met laeng.
9
Ta isuda agipadtoda a siuulbod cadacayo iti naganco: Diac imbaon ida, cuna ni Jehova.
10
Ta castoy ti cuna ni Jehova, Calpasan ti pannacaturpos iti pitopulo a tawen a maipaay iti Babilonia siac sarungcarancayto, ket tungpalecto ti nasayaat a saoc cadacayo, a panangipasublic cadacayo ditoy a disso.
11
Ta ammoc dagiti panpanunot a panunotec a maipapan cadacayo, cuna ni Jehova, panpanunotda ti cappia, ket saan nga iti dakes, tapno mangted cadacayo ti inanama iti maududi a pagtungpalanyo.
12
Ket umawagcayto caniac, ket rumuarcayto ket agcararagcayto caniac, ket ipangagcayonto.
13
Ket sapulendacto, ket masaracandac, intono birukendac iti amin a pusoyo.
14
Ket masaracandacto, cuna ni Jehova: ket pagbaliwecto iti pannacacayawyo, ket urnongencayto nga aggapu cadagiti amin a nacion, ken cadagiti amin a disso a nangipaturongac cadacayo, cuna ni Jehova; ket pagsubliencayto manen ditoy a disso a nangigapuac cadacayo a nacayawan.
15
Gaput ta kinunayo, Ni Jehova namangon cadatayo cadagiti mammadto ditoy Babilonia;
16
Castoy ti cuna ni Jehova a maipapan iti ari nga agtugaw iti trono ni David, ken maipapan cadagiti amin a tattao nga agnaed itoy nga ili, dagiti cacabsatyo a saanda a nakicuyog cadacayo iti pannacacayaw;
17
Castoy ti cuna ni Jehova dagiti buybuyot: Adtoy, ibaonconto cadacuada ti campilan, ti bisin, ken ti angol, ket pagbalinecto ida a cas cadagiti nalaad nga higos, a saan a mabalin a canen, ta dakesda unay.
18
Ket camatecto ida iti campilan, iti bisin, ket iti angol, ket iyawatconto ida a maipalladaw nga agal-laal-la cadagiti amin a pagarian ditoy daga, nga agbalinda a pagtabtabbaawan, ken pagsidsiddaawan, ken pagsansanamtican, ken pacaumsian, cadagiti amin a nacion a nangipaturongac cadacuada;
19
Gapu ta isuda dida impangag dagiti sasaoc, cuna ni Jehova, isuda a pinaidanunco cadacuada cadagiti adipenco a mammadto a bimmangonac a masapa ket imbaonco ida; ngem dicayo kinayat a dinengngeg, cuna ni Jehova.
20
Denggenyo ngarud ti sao ni Jehova, dacayo amin a nacayawan, dacayo a pinaipanco manipud Jerusalem agingga iti Babilonia.
21
Castoy ti cuna ni Jehova dagiti buybuyot, a Dios ti Israel, a maipapan ken ni Acab nga anac a lalaki ni Colias, ken maipapan ken ni Sedekias nga anac a lalaki ni Maasias, isuda a mangipadles iti ulbod cadacayo iti naganco: Adtoy, iyawatconto ida iti ima ni Nabucodonosor nga ari ti Babilonia; ket papatayennanto ida iti sangoanan dagiti matayo;
22
Ket cadacuada maalanto ti maysa a lunod cadagiti amin a nacayawan ti Juda nga adda idiay Babilonia, a cunana, Ni Jehova aramidennacayonto a cas ken Sedekias ken cas ken Acab, nga ti ari ti Babilonia pinuuranna ida iti apuy;
23
Ta isuda anacaaramidda iti kinamauyong iti Israel, ket nakicamalalada cadagiti babbai nga assawa dagiti caarrubada, ket nagsaoda cadagiti sasao nga ulbod iti naganco isu a saanco nga imbilin cadacuada; ket siac ti mannacaammo, ken mamanecnec, cuna ni Jehova.
24
Ket maipapan ken Semaya a Nehelamita agsaocanto a cunaem,
25
Castoy ti saoen ni Jehova dagiti buybuyot, a Dios ti Israel, a cunana, Gapu ta nangipaw-itca cadagiti sursurat iti naganmo met laeng cadagiti amin a tattao nga adda idiay Jerusalem, ken ni Sofonias nga anac a lalaki ni Maasias a padi, ken cadagiti amin a papadi a kinunam,
26
Ni Jehova inaramidnaca a padi iti saad ni Joiada a padi tapno adda coma agtuturay iti balay ni Jehova, ta tunggal maysa a tao nga agmauyong ken pagbalinenna ti bagina met laeng a mammadto, dayta icabilmonto coma iti tul-ong, ken cadagiti paratengnged.
27
Ita ngarud apay a saanyo a tinubngar ni Jeremias a taga Anatot, isu a pagbalinenna ti bagina met laeng a maysa a mammadto cadacayo?
28
Ta isu ngarud nagbaon cadacami ditoy Babilonia, a kinunana, Ti pannacacayaw atiddagto: mangipatacdercayo cadagiti balbalay, ket agnaedcayo cadacuada; ket agmulacayo cadagiti minuyungan, ket canenyo ti bunga cadacuada.
29
Ket ni Sofonias a padi binasana daytoy a surat cadagiti lapayag ni Jeremias a mammadto.
30
Idin ti sao ni Jehova immay ken ni Jeremias a kinunana,
31
Agbaonca cadacuada amin a nacayawan, a cunam, Castoy ti cuna ni Jehova a maipanggep ken Semaya a Nehelamita: Gapu ta ni Semaya nagipadto cadacayo ket saanco nga imbaon, ket pinagtalecnacayo iti ulbod;
32
Gapuna castoy ti cuna ni Jehova, Adtoy, dusaecto ni Semaya a Nehelamita, ken ti putotna: isu awananto ti maysa a lalaki a makipagnaed iti nagtengngaan daytoy nga umili; awanto met ti makitana a naimbag nga aramidecto a maipaay iti ilic, cuna ni Jehova, ta isu insurona ti isusukir a maibusor ken Jehova.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 30 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52