bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Jeremiah 34
Jeremiah 34
Ilokano (Ti Biblia (1973))
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 35 →
1
Ti sao dimteng ken Jeremias a naggapu ken Jehova, idi ni Nabucodonosor nga ari ti Babilonia, ken ti amin a buyotna, ken dagiti amin a pagarian ti daga nga adda iti babaen ti pagturayanna, ken amin nga inilin-ili, nakigubatda a maibusor iti Jerusalem, ken maibusor cadagiti amin a il-ilina, a kinunana:
2
Castoy ti cuna ni Jehova, a Dios ti Israel, Inca, ket agsaoca ken Sedekias nga ari ti Juda, ket ibagam kencuana, Casoy ti cuna ni Jehova, Adtoy, iyawatconto daytoy nga ili iti ima ti ari ti Babilonia, ket isu puurannanto iti apuy:
3
Ket saancanto a macalisi iti imana, no di ket macayawancanto, ken mayawatcanto iti imana; ket dagiti matam makitadanto dagiti mata ti ari ti Babilonia, ket makisaonto kenca iti ngiwanngiwat, ket mapancanto sadi Babilonia.
4
Nupay casta denggem ti sao ni Jehova, O Sedekias nga ari ti Juda: Castoy ti cuna ni Jehova a maipapan kenca, Dicanto matay gapu iti campilan;
5
Mataycanto a sitatalna; ket cas iti pannacapuur ti incienso a maipaay cadagiti ammam, dagiti immun-una nga ar-ari nga immun-una ngem sica, castanto ti panangaramidda iti pannacapuur ti incienso a maipaay kenca; ket dung-awandacanto, a cunaenda, Ay Apo! ta insaocon ti sao, cuna ni Jehova.
6
Iti casta ni Jeremias a mammadto sinaona amin dagitoy a sasao ken Sedekias nga ari ti Juda sadi Jerusalem,
7
Idi a ti buyot ti ari ti Babilonia nakigubat a maibusor iti Jerusalem, ken maibusor cadagiti amin nga il-ili ti Jada a natda, a maibusor iti Lakis ken maibusor iti Azeca; ta dagitoy laeng ti nabati cadagiti il-ili ti Juda nga ili a nasarikedkedan.
8
Ti sao a dimteng ken Jeremias a naggapu ken Jehova, idi calpasan a ni ari Sedekias nakitulag cadagiti amin a tattao nga adda sadi Jerusalem, tapno iwarragawagna ti wayawaya cadacuada;
9
A tunggal tao ipalubosna coma a mawayawayaan ti bag-enna a lalaki, ken tunggal tao ti bag-enna a babai, nga Hebreo wenno Hebrea; tapno awan coma ti mangbag-en cadacuada cayatna a sawen iti maysa a Judio a cabsatna.
10
Ket amin dagiti piprincipe ken amin a tattao a nakitulag idi nagtulnogda, a palubosanda coma nga agwayawaya tunggal maysa ti bag-enna a lalaki, ken tunggal maysa ti bag-enna a babai tapno awanen coma ti mangbag-en cadacuada; nagtulnogda, ket pinalubosanda ida:
11
Ngem calpasanna nagbabawida, ket pinasublida dagiti bag-en a lallaki ken babbai, a pinalubosandan nga agwayawaya, ket pinagbalinda ida a bag-en a lallaki ken babbai.
12
Gapuna a ti sao a naggapu ken ni Jehova dimteng ken Jeremias, a kinunana,
13
Castoy ti cuna ni Jehova, a Dios ti Israel: Nakitulagac cadagiti ammayo idi aldaw a panangaonco cadacuada iti daga nga Egipto, iti balay ti nacaadipnan, a kinunac,
14
Iti turpos ti pito a tawen palubosanyonto nga agwayawaya tunggal tao ti cabsatna nga Hebreo, a nailaco kenca, ket nagservin kenca iti innem a tawen, palubosamto nga agwayawaya nga aggapu kenca: ngem dagiti ammayo saandac nga impangag, dida met inyallingag ti lapayagda.
15
Ngem dacayo nagbaliwcayo, ket inaramidyo daydi nalinteg cadagiti matac, iti panangiwarragawagyo iti wayawaya ti tunggal tao iti caarrubana; ket nagtutulagcayo iti saclangco iti balay a nainaganan iti naganco:
16
Ngem nagbaw-ingcayo ket minulitanyo ti naganco, ket pinasubliyo tunggal tao ti bag-enna a lalaki ken tunggal tao ti bag-enna a babai, dagidiay pinalubosanyo idi nga agwayawaya a cas macaay-ayo cadacuada; ket pinagbalinyo ida a maipaayda a bag-enyo a lallaki ken babbai.
17
Gapuna a castoy ti cuna ni Jehova: Dacayo saandac nga impangag a mangiwarragawag iti wayawaya, tunggal tao iti cabsatna, ken tunggal tao iti caarrubana: adtoy, iwarragawagco cadacayo ti wayawaya, cuna ni Jehova, nga agpaay iti campilan, iti angol, ken iti bisin; ket pagbalinencayto nga agal-laal-la cadagiti amin a pagarian ti lubong.
18
Ket yawatconto dagiti tattao a naglabsingda iti tulagco, a saanda a tinungpal dagiti sasao ti tulag nga inaramidda iti saclangco, idi ginudduada ti urbon ti vaca, ket naglabasda iti nagbaetan dagiti paspasetna;
19
Dagiti piprincipe ti Juda, ken dagiti piprincipe ti Jerusalem, dagiti eunucos, ken dagiti papadi, ken dagiti amin a tattao ti daga, isuda a limmabas iti nagbaetan dagiti paspaset ti urbon;
20
Yawatconto ida met laeng iti ima dagiti cabusorda, ken iti ima dagiti agsapul iti biagda; ket dagiti bangcayda maipaaydanto a pagtaraon cadagiti tumatayab ti langit, ken cadagiti an-animal ti daga.
21
Ket ni Sedekias nga ari ti Juda ken dagiti piprincipe yawatconto iti ima dagiti cabusorda, ken iti ima dagiti agsapul iti biagda, ken iti ima ti buyot ti ari ti Babilonia, a pimmanawda cadacayo.
22
Adtoy, agbilinacto, cuna ni Jehova, ket pasubliecto ida iti daytoy nga ili; ket gumubatdanto a maibusor kencuana, ket isu alaendanto, ket puurandanto iti apuy: ket pagbalinecto dagiti il-ili ti Juda a langalang, nga awan ti matagtagitao.
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 35 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52