bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Jeremiah 48
Jeremiah 48
Ilokano (Ti Biblia (1973))
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 49 →
1
Iti Moab. Castoy ti cuna ni Jehova dagiti buybuyot, a Dios ti Israel: Asi pay ti Nebo! ta marba; ti Kiriataim mabainan, naalan; ti Misgab mabainan ken marugpo.
2
Ti dayag ti Moab awanen; sadi Hesbon ingacatda ti dakes a maibusor kencuana: Umaycayo, ket dadaelentayo iti casassaadna a nacion. Sica met, O Madmen, mapaulimeccanto; ti campilan camatennacanto.
3
Ti aweng ti ickis manipud iti Horonaim, pannacalangalang ken dackel a pannacadadael.
4
Ti Moab madadael; dagiti babassitna ipangngegda ti ickis.
5
Ta iti sang-atan ti Luhit sumang-atdanto a buyugen ti di-agressat a panagsangit; ta idiay salogan ti Horonaim nangngegdan ti naliday nga ickis ti pannacadadael.
6
Agtaraycayo, ispalenyo dagiti biagyo, ket agbalincayo a cas iti carootan iti let-ang.
7
Gapu ta nagtalecca cadagiti aramidmo ken cadagiti gamengmo, sica maalacanto met ket ti Cemos mapanto iti pannacacayaw, dagiti papadi ken dagiti piprincipena maicanunongdanto.
8
Ket ti mangdadael dumtengto iti tunggal ili, ket awanto ti ili a macalisi; ti lobong met agpucawto, ket ti tanap madadaelto; a cas sinao ni Jehova.
9
Maited coma dagiti payac ken Moab, tapno tumayab ken agtalaw: ket dagiti il-ilina agbalindanto a langalang, nga awan ti agnaed cadacuada.
10
Mailunod coma ti agaramid a sililiway iti trabajo ni Jehova; ket mailunod ti mangigawid iti campilanna iti dara.
11
Ti Moab adda a sinanam-ay nanipud iti kinaubingna, ket adda a sitataeng iti rabaw dagiti arinsaedna, ket saan a naibungobong a manipud iti alicamen iti sabali nga alicamen, saan met a nacayawan: gapuna a ti nanamna agtaeng kencuana, ken ti banglona saan a mabaliwan.
12
Gapuna adtoy, dagiti al-aldaw dumtengda, cuna ni Jehova, tapno ibaonco kencuana dagiti mangibungobong, ket isu ibungobongdanto; ket pagongaongendanto dagiti al-alicamenna, ket burakendanto dagiti gorgorita.
13
Ket ti Moab mabainto gapu iti Cemos, a cas ti balay ni Israel nabainan iti Beth-el a pagtalcanda.
14
Casano ti panagcunayo, Dacami mannacabalincami a lallaki, ken maingel a lallaki a maipaay iti gubat?
15
Ti Moab marban, ket simmang-atdan cadagiti il-ilina, ket dagiti napili a lallakina nga agtutubo simmalogdan iti pacapatayan, cuna ti Ari, a ti naganna Jehova dagiti buybuyot.
16
Ti pannacaparigat ti Moab asidegen, ken ti pannacapaladingitna agdaras.
17
Dacayo amin nga adda iti aglicmut kencuana, isu dung-awanyo, ken dacayo amin nga ammoyo ti naganna; cunayo, Anian ti pannacabungtol ti natibker a sarucod, ti napintas a baston!
18
O sica nga anac a babai nga agnaed idiay Dibon, agpababaca manipud ita dayagmo, ket agtugawca a siwawaw; ta ti mangdadael ti Moab sumang-aten a maibusor kenca, dinadaelna dagiti sarikedkedmo.
19
O sica nga agnaed sadi Aroer, agtacderca iti igid ti dalan, ket agpuyatca: agsaludsudca iti lalaki nga agtaray ken iti babai nga agtalaw; a cunaem, Ania ti napasamac?
20
Ti Moab mabainan, ta marugpo: agdung-awcayo ken agickiscayo; ibagayo iti denna ti Arnon, a ti Moab marban.
21
Ket ti pannacaocom dumtengen iti tanap a daga, iti Holon, ken iti Jaza, ken iti Mefaat,
22
Ken iti Dibon, ken iti Nebo, ken iti Beth-diblataim,
23
Ken iti Kiriataim, ken iti Beth-gamul, ken iti Beth-meon,
24
Ken iti Keriot, ken iti Bosra, ken iti amin nga il-ili ti daga ti Moab, iti adayu ken asideg.
25
Ti sara ti Moab maputed, ket ti tackiagna matuccol, cuna ni Jehova.
26
Isu pagbartekenyo; ta nagpasindayag a maibusor ken Jehova: ket ti Moab aglubnacto iti saruana, ket isu met macatcatawaanto.
27
Ta saan aya a ti Israel ti nacaipuonan ti panagcatawam? isu nasaracan aya iti natengngaan dagiti mannanacaw? ta tunggal panagsaom a maipapan kencuana, iwingiwingmo ta olom.
28
O dacayo nga agnaed sadi Moab, panawanyo dagiti il-ili, ket agnaedcayo iti bato; ket agbalincayo a cas iti pagaw nga agaramid iti umocna iti wangawangan ti yuyeng.
29
Nangngeganmi ti maipapan iti kinatangsit ti Moab, nga isu nacuspag unay; ti kinangatona, ken ti kinacuspagna, ken ti kinapalangguadna, ken ti kinatangsit ti pusona.
30
Ammoc ti kinarungsotna, cuna ni Jehova, nga isu kinaubbaw; dagiti panagpasindayagna awan ti gapuananda.
31
Gapuna nga agdung-awacto a maipapan iti Moab; wen, umkisacto a maipaay itiamin a Moab: gapu cadagiti lallaki ti Kirheres agdungawdanto.
32
Siac dung-awancanto iti adadda pay ngem iti panagdung-aw ti Jazer, O uvas ti Sibma: dagiti sangsangam linasatda ti baybay, dimtengda agingga met laeng iti baybay ti Jazer: dimtengen ti mangdadael cadagiti bungbungam iti pannawen ti pudot ken iti pannacaburasmo.
33
Ket ti ragsac ken ti rag-o maiccatda iti nabunga nga away ken iti daga ti Moab; ket pinasardengco ti arac cadagiti pagpespesan ti arac: awanto ti bumaddec a sididir-i; ti panagdir-ida saanto a panagdir-i.
34
Manipud iti ickis ti Hesbon agingga met laeng iti Eleale, ken agingga met laeng iti Jaaz nagtimecda, manipud Zoar agingga met laeng iti Horonaim agingga iti Eglat-shelishiya; ta dagiti dandanum ti Nimrim agbalindanto met a langalang.
35
Castamet paserdengecto sadi Moab, cuna ni Jehova, daydiay mangidaton iti nangato a disso, ken daydiay mangpuur iti incienso cadagiti diosenna.
36
Gapuna a ti pusoc agaweng gapu iti Moab a cas cadagiti pito, ket ti pusoc agaweng a cadagiti pito, gapu cadagiti lallaki ti Kir-heres: iti casta ti kinaruay a nagunudanna mapucawen.
37
Ta tunggal olo agcalvo, ken tunggal iming napukisan: cadagiti amin nga im-ima adda sugsugat, ken cadagiti lomlomo nakersang a lupot.
38
Cadagiti toctoc dagiti amin a balbalay ti Moab ken cadagiti lansanganna adda un-unnoy iti amin a yan; ta binuraccon ti Moab a cas maysa nga alicamen a saan a macaayayo iti siasinoman, cuna ni Jehova.
39
Anian ti pannacarugpunal anian ti panagdung-awda! anian a panagtalicud a sibabain ni Moab! iti casta ti Moab agbalinto a macatcatawaan ken nacakigkigtot cadagiti amin nga aglicmut kencuana.
40
Ta castoy ti cuna ni Jehova; Adtoy, tumayabto a cas aguila, ket ucradennanto dagiti payacna a maibusor iti Moab.
41
Ti Keriot maala, ken dagiti sarikedked maparucmada, ket ti puso dagiti mannacabalin a lallaki ti Moab iti dayta nga aldaw caslanto iti puso ti maysa a babai iti panagpasicalna.
42
Ket ti Moab madadaelto iti kinailina, agsipud ta nagpasindayag a maibusor ken Jehova.
43
Ti buteng, ken ti bito ken ti silo, addada kenca, O agnaed sadi Moab, cuna ni Jehova.
44
Ti agtaray a gapu iti buteng, matnagto iti bito; ket ti rumuar iti bito matiliwto iti silo: ta yegconto kencuana, iti Moab met laeng, ti tawen ti pannacasucnalda, cuna ni Jehova.
45
Dagiti nagtalaw nagsardengda nga awanan pigsa iti linong ti Hesbon; ta maysa nga apuy rimmuaren iti Hesbon, ken maysa a gil-ayab a naggapu iti tengnga ti Sihon, ket nangalun-un ti suli ti Moab, ken ti toctoc ti olo dagiti manggulogulo.
46
Asica pay, O Moab! dagiti tattao ti Cemos napucawda; ta dagiti annacmo a lallaki maalada a macayawan, ken dagiti annacmo a babbai iti pannacacayaw.
47
Nupay casta pagbaliwecto ti pannacacayaw ti Moab cadagiti maud-udi nga aldaw, cuna ni Jehova. Daytoy ti pagpatinggaan ti pannacaocom ti Moab.
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 49 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52