Nehemiah 10

Ilokano (Ti Biblia (1973))

← Chapter 9 Jump to: Chapter 11 →

1Dagidi nangisaad ti tanda isuda: da Nehemias a gobernador, nga anac ni Hacalias, ni Sedecias.

2Saraias, Azarias, Jeremias,

3Pasur, Amarias, Melkias,

4Hattus, Sabenias, Malluc,

5Harim, Meremot, Obadias,

6Daniel, Gineton, Baruch,

7Mesullam, Abias, Mijamin,

8Maazias, Bilgai, Semeias; dagitoy isuda idi dagiti papadi.

9Ket dagiti Levitas: iti pannacanaganda, da Jesua nga anac a lalaki ni Azanias, ni Binui cadagiti annac a lallaki ni Henadad, ni Cadmiel;

10Ken dagiti cacabsatda, da Sebanias, Odaia, Celita, Palaias, Hanan,

11Mica, Rehob, Hasabias,

12Zacur, Rerebias, Sebanias,

13Odaia, Bani, Beninu.

14Dagiti pangoloen dagiti tattao: da Faros, Pahat-moab, Elam, Zattu, Bani,

15Bunni, Azgad, Bebai,

16Adonias, Bigvai, Adin,

17Ater, Ezekias, Azur,

18Odaia, Hasum, Besai,

19Harif, Anatot, Nebai,

20Magpias, Mesullam, Hezir,

21Mesezabel, Sadoc, Jadua,

22Palatias, Hanan, Anaias,

23Hoseas, Hananias, Asub,

24Lohes, Pilha, Sobec,

25Rehum, Hasabna, Maascias,

26Ahijas, Hanan, Anan,

27Malluc, Harim, Baana.

28Ket ti matda cadagiti tattao, dagiti papadi, dagiti Levitas, dagiti agaywan iti ruangan, dagiti cumacanta, dagiti Netineos, ken amin dagiti nangisina cadagiti bagida cadagiti tattao dagiti dagdaga iti linteg ti Dios, dagiti assawada a babbai dagiti annacda a lallaki ken babbai, tunggal maysa nga addaan idi pannacaammo ken pannacaawat;

29Timmiponda cadagiti cacabsatda, cadagiti natacnengda, ket simrecda iti maysa a lunod, ken iti maysa a sapata, a magnada iti linteg ti Dios, a naited idi gapu ken Moises nga adipen ti Dios, ken sungputenda nga aramiden amin dagiti bilbilin ni Jehova nga Apotayo ken dagiti ipaannurotna ken dagiti ipaalagadna;

30Ket ditay ited coma dagiti annactayo a babbai cadagiti tattao ti daga, ditay met alaen dagiti annacda a babbai a maipaay cadagiti annactayo a lallaki;

31Ket no dagiti tattao ti daga agyegda cadagiti tagtagilaco wenno bucbukel iti aldaw a panaginana tapno lacoenda, ditay coma gumatang cadacuada iti aldaw a panaginana, wenno iti maysa a nasantoan nga aldaw ket ipalubostayo coma ti tawen a maicapito a panangsubbot cadagiti ututang.

32Mangaramidtayo met cadagiti annuruten a maipaay cadatayo, tapno paannongantayo dagiti bagbagitayo iti apagcatlo ti maysa a siclo a maipaay iti panagservi iti balay ti Diostayo;

33Maipaay iti tinapay ti pamarang, ken maipaay iti cancanayon a daton a macan, ken maipaay iti cancanayon a daton a mapuuran, maipaay cadagiti aldaw a panaginana, maipaay cadagitqgi kellep, maipaay cadagiti nakedngan a fiesta, ken maipaay cadagiti nasantoan a banbanag, ken maipaay cadagiti datdaton ti basol tapno pangaramid iti pannacaabbong a maipaay iti Israel, ken maipaay iti amin nga aramid ti balay ti Diostayo.

34Ket paggiginnasangasatentayo, dagiti papadi, ken dagiti Levitas, ken dagiti tattao, a maipaay iti daton a cayo, tapno isu ti iyegda iti balay ti Diostayo, a mayannurot cadagiti balbalay dagiti ammatayo, cadagiti natudingan a tiempo, iti tinawentawen, tapno puuranda iti rabaw ti altar ni Jehova a Diostayo, cas adda a naisurat iti linteg;

35Ken tapno iyegda dagiti umuna a bungbunga ti dagatayo, ken dagiti umuna a bungbunga ti amin a bunga ti amin a kita dagiti caycayo, iti tinawentawen, idiay balay ni Jehova;

36Casta met ti inaunaan cadagiti annactayo a lallaki, ken dagiti vacvacatayo, cas adda a naisurat iti linteg, ken dagiti inaunaan nga annac dagiti vacatayo ken carnerotayo, tapno iyegda iti balay ti Diostayo cadagiti papadi nga agannong idiay balay ti Diostayo;

37Ket iyegtayo coma dagiti umuna a bungbunga ti gamaytayo, ken dagiti datontayo a maitayag, ken ti bunga ti amin a kita dagiti cayo, ti baro nga arac ken lana, cadagiti papadi, cadagiti sagumbi ti balay ti Diostayo; ken dagiti apagcapullo nga aggapu iti dagatayo a maipaay cadagiti Levitas; ta isuda, dagiti Levitas, awatenda coma dagiti apagcapullo dagiti apittayo cadagiti isu-amin nga il-ili.

38Ket ti sacerdote nga anac ni Aaron makicaduanto cadagiti Levitas, intono dagiti Levitas agalada cadagiti apagcapullo: ket yulinto dagiti Levitas ti apagcapullo dagiti apagcapullo idiay balay ti Diostayo cadagiti saguimbiiti uneg ti balay ti gameng.

39Ta dagiti annac ti Israel ken dagiti annac ni Levi iyegdanto ti daton a maitayag a trigo, baro nga arac, ken lana, cadagiti sagumbi, a yan dagiti alicamen ti santuario, ken dagiti sacerdote nga agannong, ken dagiti agaywan iti ruangan, ken dagiti cumacanta; ket ditayto baybay-an ti balay ti Diostayo.

← Chapter 9 Jump to: Chapter 11 →