Judges 15

Mien Bible (Thai Script) © Thailand Bible Society, 2007

← Chapter 14 Jump to: Chapter 16 →

1เจี๋ย ลิ์ว เหยียด หธาม, เถา ก๊าด เบย้า วิด เญย เฒี่ยง โห่, แซมสัน ต้อ เต้า ยู่ง ตอน มี่ง ล์อ นิ่น เญย เอ๊า. นิ่น ก๊อง, “เยีย อ๋อย เปียะ เกน มี่ง ล์อ เยีย เญย มเซียะ ตอน.” มป่า นิ่น เญย อง-ตา ไม้ ปุน นิ่น เปียะ.

2นิ่น เญย อง-ตา ก๊อง, “เยีย ฮนั้ม ต้าย เม่ย หฒะเก้ง! ฑอง เยีย น้าย เต้า เซียะ, เยีย ฯฒฯ ปู๋ง นิ่น จิว ปุน เม่ย เญย ต่อย หมี่ อ๊ะ. นิ่น เญย เฑี์ย เก้า เหฑว่ย นิ่น ไม้ เฒ์ย? หล่ง นิ่น เญย เฑี์ย ตี๊ นิ่น เญย ต่อ ม่าะ!”

3แซมสัน ก๊อง, “น้าย หฑุ่น เยีย หฒะเก้ง อ๋อย โหฒว ปุน ฟีลิสะเตีย เมี่ยน. นิ่น บัว ไม้ ลั่ม ไกว๋ ต๋อง อ๊ะ.”

4แซมสัน ฯฒฯ มี่ง ธา ตุ๊ ฟาม-แป๊ะ เต้า เฮยี่ย จู๊ ต้าย, เฒาะ เตว๊ย เป๊าะ เจี๊ยน เหยียด ต๋อย เหยียด ต๋อย เญย, หย่า เฒาะ โต์ว-ป๊า ญัด เจี๊ยน ต๋อยๆ เฮยี่ย จู๊ เญย เตว๊ย บุด๋ง.

5นิ่น หย่า เตี๊ยม เหฒียะ วั้ว เต๋ย โต์ว-ป๊า, ฯฒฯ ปู๋ง เฮยี่ย จู๊ ถิว เปียะ ฟีลิสะเตีย เมี่ยน เญย เด่ย มี่ง. วั้ว หฒั่น ฟีลิสะเตีย เมี่ยน เญย เบย้า วิด หธ่อ เฒี่ยง เจี๊ยน เญย. โต์ว ฯฒฯ ปั๊ว เหฑ่ง เฒี่ยง เจี๊ยน เญย เหธา ก๊าด ต้าย เญย เบย้า เฒ้ย เหธา กะลั้น เปี๊ยว เญย เด่ย.

6ฟีลิสะเตีย เมี่ยน ฯฒฯ หน่าย, “หาย เต้า ฮนั้ง น้าย นอ โหฒว?” นิ่น บัว เตา, “ทิมนาฮา เมี่ยน เญย ล่าง, แซมสัน, โหฒว, เหว่ย หฒุ นิ่น เญย อง-ตา เฒาะ แซมสัน เญย เอ๊า จิว ปุน แซมสัน เญย ต่อย หมี่ อ๊ะ.” ฟีลิสะเตีย เมี่ยน ฯฒฯ หล่ง โต์ว ปั๊ว แซมสัน เญย เอ๊า เหธา นิ่น เญย อง-ตา ไต่ เหฑ่ง.

7แซมสัน ฯฒฯ ก๊อง บั๋ว วั้ว เต๋ย ฟีลิสะเตีย เมี่ยน, “เม่ย บัว ฮนั้ง น้าย นอ โหฒว, เยีย โฮ้ว เจี๊ยน หว่า, เยีย ฒู้ง อ๋อย จ๊าว วิน ปุน เม่ย บัว ลิ์ว หธีง ต้าย กวั่ง.”

8แซมสัน ฮงะ ตุ๊ วั้ว เต๋ย เมี่ยน โตะ ไห่ หย่า ไต๋ ไต่ ธั้ม เญย. นิ่น ฯฒฯ มี่ง เยียม วั้ว เอตาม เญย แบ๋ง-ค้วด.

9ฟีลิสะเตีย เมี่ยน ฯฒฯ มี่ง เหลียบ เธี้ยง เยียม ยูดา เต่ย ฯฒฯ หฑาน มี่ง เบ๊าะ ฮี่ง เลฮี ฒี่ง.

10ยูดา เมี่ยน ฯฒฯ หน่าย นิ่น บัว, “เม่ย บัว เหว่ย หาย ติ่ว ต้าย เบ๊าะ เยีย บัว?” ฟีลิสะเตีย เมี่ยน เตา, “เยีย บัว ต้าย โด้ แซมสัน, อ๋อย โหฒว ปุน นิ่น ฮนั้ง นิ่น โหฒว ปุน เยีย บัว นอ.”

11ม่าย ปัว ธิน เต้า ยูดา เมี่ยน, มี่ง เอตาม แบ๋ง-ค้วด ก๊อง บั๋ว แซมสัน, “เม่ย ไม้ ฮิ้ว ไฟ? ฟีลิสะเตีย เมี่ยน กุ๊น เจี๊ยน เยีย บัว. เม่ย ฮนั้ง หาย นอ โหฒว ปุน เยีย บัว?” แซมสัน เตา, “นิ่น บัว ฮนั้ง หาย นอ โหฒว ปุน เยีย, เยีย ฯฒฯ ฮนั้ง วั้ว นอ โหฒว ปุน นิ่น บัว.”

12วั้ว เต๋ย เมี่ยน ก๊อง บั๋ว แซมสัน, “เยีย บัว ต้าย โด้ เม่ย, อ๋อย เฒาะ เม่ย จิว ปุน ฟีลิสะเตีย เมี่ยน.” แซมสัน ก๊อง บั๋ว นิ่น บัว, “เม่ย บัว อ๋อย หฒุ โฮ้ว เจี๊ยน แล์ง เม่ย บัว กั้น ไม้ ไต๋ เยีย.”

13นิ่น บัว เตา แซมสัน, “เยีย บัว ไม้ ห่อย เม่ย. เยีย บัว อ๋อย โด้ เจี๊ยน เม่ย ต้อ มี่ง จิว ปุน ฟีลิสะเตีย เมี่ยน ฮนั้ง. เยีย บัว แล์ง ไม้ ไต๋ เม่ย.” นิ่น บัว ฯฒฯ เฒาะ อี ติ้ว เซียง-ฮลาง ต้าย โด้ เจี๊ยน แซมสัน, ต้อ นิ่น เยียม แบ๋ง-ค้วด ธ้วด ต้าย.

14แซมสัน เถา ฟัด เต๋ย เลฮี ฒี่ง วั้ว หฒั่น, ฟีลิสะเตีย เมี่ยน เบี้ยวๆ เญย เหน่า, หูง เจี๊ยน นิ่น ต้าย. เฒี้ยว เญย สีง ลี่ง ปุน แซมสัน ม่าย ชะ เฮ้น. โด้ เจี๊ยน นิ่น เญย ปั์ว เญย ฮลาง ฯฒฯ ฮนั้ง โต์ว ปั๊ว เญย ล่าม่า ฮลาง นอ, ตั๋ง ดุ๊ด เหฑ่ง หมี่ อ๊ะ.

15นิ่น ปวัด ม่าย นอม ไม้ แก้ง ฆาย เญย ล่อ ฮ่า ป้า บู๊ง, ฯฒฯ เบี่ยน-ปั์ว เฒาะ ต้าย เบ๊าะ ไต่ เหยียด ธิน เต้า ฟีลิสะเตีย เมี่ยน.

16แซมสัน ก๊อง, “เยีย หล่ง ล่อ เญย ฮ่า ป้า บู๊ง ไต๋ เมี่ยน ไต่ ดุยๆ เญย. เยีย หล่ง ล่อ เญย ฮ่า ป้า บู๊ง ไต๋ เหยียด ธิน เต้า เมี่ยน.”

17ก๊อง ลิ์ว น้าย เต๋ย หว่า นิ่น ฯฒฯ แกว๋ง ล่อ เญย ฮ่า ป้า บู๊ง กวั่ง หมี่ อ๊ะ. วั้ว นอม ต๋อง เมี่ยน ฯฒฯ ธ้วด บั๋ว เห่ว ลาม้าดเลฮี.

18แซมสัน ไฮ์ จาง หฒะเก้ง ฆ้าด ไห่, ฯฒฯ เห่ว เจี๊ยน โท้ เฒี้ยว. นิ่น ก๊อง “ เฒี้ยว อ้า! เม่ย หล่ง เม่ย เญย โปว เญย ปั์ว โหฒว โฮล เญย สี่ เบ๊าะ ฮี่ง วิน-วั้ง. อี้ หฒั่น เยีย อ๋อย หฒุ จาง ฆ้าด ไต่ ฯฒฯ ด๊อด เหฌี่ย ไม้ เจี๋ย ก๊าด เญย เล์ย เญย เมี่ยน เญย ปั์ว-เดี๊ย ไฟ?”

19ทิน-ฮู่ง ฯฒฯ ปุน เยียม เลฮี เหยียด นอม ฌ์ง เญย ต๋อง บ๋าย, ววม แป๊ด ธ้วด ต้าย. แซมสัน ฮบ ลิ์ว ววม, นิ่น เญย เฮญี้ยว ฯฒฯ ฟี้ง เจี์ย ต้าย ไฮ์ คู่ เยียม เหฑ่ง. เหว่ย น้าย, วั้ว นอม ต๋อง เมี่ยน ธ้วด บั๋ว เห่ว เอนหักโค. วั้ว ววม-ฒี้ง หธ่อ เยียม เลฮี เถา อี้ จ๋า ฮนอย.

20ต๋อย ฟีลิสะเตีย เมี่ยน กุ๊น เต่ย-ปูง เญย เฒี่ยง โห่. แซมสัน โหฒว ต้ม เจียน กุ๊น อิสะลาเอน เมี่ยน หญี่ เหฒียบ หฮญัง.

← Chapter 14 Jump to: Chapter 16 →