Judges 3

Mien Bible (Thai Script) © Thailand Bible Society, 2007

← Chapter 2 Jump to: Chapter 4 →

1น้าย เซ เฒี้ยว เลี่ยว เหฌี่ย เญย ฝีง เหว่ย เค้า ต้ง ไม้ เหธา คานาอัน เมี่ยน เบ๊าะ เจี๋ย จ๋า เญย อิสะลาเอน เมี่ยน.

2นิ่น ขูง อ๋อย หฌาว อิสะลาเอน เมี่ยน เญย โฮ์ ต่อย, ต้ง ไม้ เบ๊าะ เจี๋ย จ๋า เญย เฒ้ย-ฟุน, ฮิ้ว ตุ๊ เบ๊าะ จ๋า เญย เจ๊า.

3เหฒ่ง เหฌี่ย เญย ฝีง ม่าย ฟีลิสะเตีย เมี่ยน เญย ปยา เต้า เปย๊ย เฒ้ย, เหธา คานาอัน เญย เหยียด ฒู้ง เมี่ยน, เหธา ไซดอน เมี่ยน. แอ๋ง ม่าย เยียม เลบานอน เก้ เญย ฮีไว เมี่ยน, เยียม บาอันเฮโมน บง มี่ง เถา เปียะ ฮามัด ฒี่ง เญย เจ๊า-คู้.

4เลี่ยว เหฌี่ย น้าย เต๋ย เหฒีย ฝีง เซ เหว่ย เสย อิสะลาเอน เมี่ยน, หมั่ง ก๋า นิ่น บัว หมวัง เฒี้ยว หัด นิ่น บัว เญย หว่า, เซ นิ่น หล่ง โมเซ จิว ปุน นิ่น บัว เญย อง-ถาย เญย เล์ย-หลัด.

5เหว่ย น้าย อิสะลาเอน เมี่ยน หธีง ต้าย เยียม คานาอัน เมี่ยน, ฮิดไท เมี่ยน, อาโมไล เมี่ยน, เปลิดซี เมี่ยน, ฮีไว เมี่ยน เหธา เยบุด เมี่ยน บุด๋ง.

6อิสะลาเอน เมี่ยน มี่ง ก๊อง วั้ว เต๋ย เมี่ยน เญย เซียะ ต้าย โหฒว เอ๊า, หย่า ปู๋ง นิ่น บัว กั้น เญย เซียะ ปุน วั้ว เต๋ย เมี่ยน เญย ตอน, แอ๋ง ฟู-สู นิ่น บัว เญย เฒี่ยน.

7หฒิว เฒี้ยว หมั่ง, อิสะลาเอน เมี่ยน โหฒว หว่าย สี่. นิ่น บัว หละคุ เฒี้ยว, นิ่น บัว เญย ทิน-ฮู่ง, ฯฒฯ มี่ง ฟู-สู วั้ว เต๋ย บาอัน เหธา อัดทาโล้ด เฒี่ยน.

8เหว่ย น้าย เฒี้ยว หฒะเก้ง เฉีย เจี์ย, โน์ว ไห่ อิสะลาเอน เมี่ยน. นิ่น ฯฒฯ เฒาะ นิ่น บัว จิว ปุน เยียม เมโสโปเตเมีย เญย ฮู่ง, คูชันลิทาอิม, เญย ปั์ว-เดี๊ย. อิสะลาเอน เมี่ยน ฟู-สู คูชันลิทาอิม เหฮยียด หฮญัง.

9มป่า อิสะลาเอน เมี่ยน เห่ว เจี๊ยน โท้ เฒี้ยว. เฒี้ยว ฯฒฯ เหลียบ เต้า เมี่ยน ต้าย เหฌียว นิ่น บัว. เซ คาเล้บ เญย โย์ว, เคนัด เญย ตอน, โอดนีเอน, เหฌียว นิ่น บัว.

10เฒี้ยว เญย สีง ลี่ง เหฌี่ย ต้าย เยียม โอดนีเอน. นิ่น ฯฒฯ โหฒว อิสะลาเอน เมี่ยน เญย ต้ม เจียน, ธ้วด มี่ง เบ๊าะ จ๋า. เฒี้ยว เฒาะ เมโสโปเตเมีย เญย ฮู่ง เตี๋ย, คูชันลิทาอิม, จิว ปุน เยียม โอดนีเอน เญย ปั์ว-เดี๊ย. โอดนีเอน ฯฒฯ ฮี่ง นิ่น หมี่ อ๊ะ.

11เต่ย-ปูง ฯฒฯ ถาย-แป้ง เฝย เหฒียบ หฮญัง. เคนัด เญย ตอน, โอดนีเอน, หย่า เกวย เสย หมี่ อ๊ะ.

12หฒิว เฒี้ยว หมั่ง, อิสะลาเอน เมี่ยน แอ๋ง โหฒว หว่าย สี่. เฒี้ยว ปวัด นิ่น บัว โหฒว หว่าย สี่, นิ่น ฯฒฯ ปุน โมอับ เต่ย-ปูง เญย ฮู่ง เตี๋ย, เอกโลน, ม่าย ชะ เบ๊าะ ฮี่ง อิสะลาเอน เมี่ยน.

13เอกโลน เห่ว อัมโมน เมี่ยน เหธา อามาเล้ก เมี่ยน ต้าย กั๊บ ฒุ้น ต่อย มี่ง เบ๊าะ อิสะลาเอน เมี่ยน หย่า ธ้าง ตุ๊ ตาว-หล่ม ฒี่ง.

14อิสะลาเอน เมี่ยน ฯฒฯ ฟู-สู โมอับ เญย ฮู่ง เตี๋ย, เอกโลน, เหฒียบ เป๊ด หฮญัง.

15เยียม เกา, อิสะลาเอน เมี่ยน แอ๋ง เห่ว เฒี้ยว เถง. เฒี้ยว ฯฒฯ เหลียบ เต้า เมี่ยน ต้าย เหฌียว นิ่น บัว, เซ เบนยามิน ฝีง, เกลา เญย ตอน, เอฮู้ด. เอฮู้ด เบี่ยน ปั์ว-ควัง. อิสะลาเอน เมี่ยน เห่ว นิ่น ฝูง โฑว-ฒิ่น มี่ง ปุน โมอับ เญย เอกโลน ฮู่ง.

16เอฮู้ด ต๊า ตุ๊ ฒูง หฑุ ด๊าว, อี แหมง ไหล่ เญย, ด๊าว เหยียด เดาะ, หย่า ญัด เจี๊ยน บย่าว ปูง ธั่ม ฒุ่ย, ลุย-ด๊าว กะญั์ว แหมง.

17เอฮู้ด ฯฒฯ ต้อ โฑว-ฒิ่น มี่ง ปุน โมอับ เญย ฮู่ง, เอกโลน. เอกโลน เฒี่ยง ตุ๊ จุ่น ไห่.

18เอฮู้ด เฒาะ โฑว-ฒิ่น ปุน ลิ์ว, นิ่น ฯฒฯ เห่ว ต้อ โฑว-ฒิ่น เญย เมี่ยน หฑวน.

19เถา นิด ฟัด กินกาน เญย หมิ่ว-ฝัง นิ่น แอ๋ง ต๋าว ซิน หฑวน ต้าย ก๊อง บั๋ว ฮู่ง เตี๋ย, “ฮู่ง เตี๋ย อ่า, เยีย ม่าย เต๋ย ปี๋ง เจี๊ยน เญย สี่ อ๋อย ก๊อง บั๋ว เม่ย.” ฮู่ง เตี๋ย ก๊อง, “เซ้ก ม่าะ!” นิ่น เญย ซิน-เฮลน เมี่ยน เหยียด ฒู้ง ฯฒฯ เยียม นิ่น เญย หฑะเฮมียน ธ้วด เหฑ่ง หมี่ อ๊ะ.

20เอฮู้ด มี่ง ล์อ ฮู่ง เตี๋ย. ฮู่ง เตี๋ย กั้น เฒว์ย เจี๊ยน กู้ หงว่าย วั้ว ฑั่ง เปย๊า, ล่าง เญย วั้ว ฉง. เอฮู้ด ก๊อง, “เยีย ม่าย เยียม ทิน-ฮู่ง ต้าย เญย เฝียน อ๋อย บั๋ว เม่ย.” ฮู่ง เตี๋ย เยียม นิ่น เญย เหว่ย โซ้ว เจี์ย ต้าย วั้ว หฒั่น,

21เอฮู้ด ซูง หฒาย เจี๊ยะ ปั์ว, เยียม นิ่น เญย บย่าว ปูง ธั่ม ฒุ่ย แปง ธ้วด หฑุ ด๊าว ต้าย ฑบ เปียะ ฮู่ง เตี๋ย เญย กะเซีย.

22เลี่ยม หฑุ โจ๊ว หย่า เปียะ ม้วด เหฑ่ง, ฒู้ง ฑบ ทง ฆะฮ้า ฆาง มี่ง. อ๊อ-จุ่น เปว เจี๊ยน หฑุ ด๊าว, เอฮู้ด หย่า ไม้ แปง หฑุ ธ้วด.

23เอฮู้ด ธ้วด กะเหญี่ย ต้าย กวน กู้ หงว่าย วั้ว ฑั่ง เปย๊า เญย แก้ง แอ๋ง ฟ้อ เจี๊ยน.

24เอฮู้ด ฯฒฯ มี่ง หมี่ อ๊ะ. ฆะฮ้า ฮู่ง เตี๋ย เญย ซิน-เฮลน เมี่ยน ต้าย หมั่ง ปวัด กู้ หงว่าย วั้ว ฑั่ง เปย๊า เญย แก้ง ฟ้อ เจี๊ยน. นิ่น บัว ก๊อง, “เหฑีย ฮู่ง เตี๋ย เยียม กะญั์ว วั้ว ฉง เปย๊า ไจ๊ ปั์ว มเปย.”

25ฒั้ว เล่า ไห่, ไฮ์ เฮญี้ยว ไม้ เฮ่น อ๊ะ, มป่า ไม้ ปวัด ฮู่ง เตี๋ย คอย แก้ง. นิ่น บัว ฯฒฯ เฒาะ ฟ้อ-เฒ่ย ต้าย คอย หมั่ง ฯฒฯ ปวัด นิ่น บัว เญย เฒี้ยว เปว๋ย วั้ว เดา ไต่ หมี่ อ๊ะ.

26นิ่น บัว เยียม วั้ว ฒั้ว เญย เฒี่ยง โห่, เอฮู้ด เปย๋า ดุ๊ด หมี่ อ๊ะ. นิ่น ฒู้ง เจี๋ย ด่าง วั้ว เต๋ย หมิ่ว-ฝัง เญย ต๋อง มี่ง เถา เสอีลา.

27มี่ง เถา, นิ่น ฯฒฯ เยียม เอฟาอิม บง-ไอ๊ ต๋อง ปย๊ม จอง. อิสะลาเอน เมี่ยน ฯฒฯ เยียม บง-ไอ๊ ต๋อง เหฌี่ย ต้าย. เอฮู้ด ฯฒฯ ต้อ เจ๊า นิ่น บัว มี่ง.

28นิ่น ก๊อง บั๋ว นิ่น บัว, “กัน เจี๊ยน เยีย มี่ง อ๊ะ, เหว่ย หฒุ เฒี้ยว เฒาะ เม่ย บัว เญย วิน-วั้ง, โมอับ เมี่ยน, จิว ปุน เยียม เม่ย บัว เญย ปั์ว-เดี๊ย หมี่ อ๊ะ.” นิ่น บัว ฯฒฯ กัน เจี๊ยน เอฮู้ด เหฌี่ย มี่ง ธ้าง ตุ๊ เจี๋ย จอแดน ด้าย เญย เจ๊า-โป่ว, หย่า ตั๊ง เจี๊ยน ไม้ ปุน เหยียด เต้า โมอับ เมี่ยน เจี๋ย.

29ต้ง วั้ว หฒั่น นิ่น บัว ไต๋ โมอับ เมี่ยน เล่ย ไม้ โก เหยียด หว่าน เต้า. เหยียด ฒู้ง เฒี่ยง ตุ๊ หลง, ม่าย ชะ เฮ้น เญย เมี่ยน. ไม้ ม่าย เหยียด เต้า ตุ๊ ธ้วด สีง แหม่ง.

30วั้ว ฮนอย โมอับ เมี่ยน เซวย, หฒุ เยียม อิสะลาเอน เมี่ยน เญย ปั์ว-เดี๊ย. อิสะลาเอน เต่ย-ปูง ฯฒฯ ถาย-แป้ง ปวั๊ง เป๊ด เหฒียบ หฮญัง.

31เยียม เอฮู้ด เจี๋ย มี่ง ม่าย อาน้าด เญย ตอน, ซัมกา. นิ่น หล่ง หฒุ่น ง่ง ปย๊า เบ๊าะ ไต่ หลัวะ แป๊ะ เต้า ฟีลิสะเตีย เมี่ยน. นิ่น หย่า ฟี่ ฮนั้ง เญย เหฌียว อิสะลาเอน เมี่ยน.

← Chapter 2 Jump to: Chapter 4 →