1 Kings 4

Javanese KJS17 (Kitab Jawa Suriname)

← Chapter 3 Jump to: Chapter 5 →

1Salomo kuwi ngratoni sak tanah pangwasané Israèl kabèh.

2Iki para penggedéné: Asarya anaké Sadok dadi imam;

3Elihorep lan Ahia, anak-anaké Sisa dadi juru tulis negara; Yosafat anaké Ahilud dadi tukang gedong;

4Benaya anaké Yoyada dadi penggedéné suradadu; Sadok lan Abyatar dadi imam.

5Asarya anaké Natan dadi penggedéné para penggedéné distrik. Sabud anaké Natan kuwi imam sing dadi kantyané ratu.

6Ahisar dadi penggedéné kraton. Adoniram anaké Abda dadi penggedéné para wong kerja peksa kanggo negara.

7Salomo nduwé penggedéné rolas ing negarané Israèl kabèh, sing kuwajipané ngrupaka pangané ratu uga kabèh sak isiné kratoné: saben penggedéné kuwajipané masrahaké mangan kanggo sesasi ing sak njeruhné setaun.

8Iki asma-asmané: Bèn-Hur ing pegunungan Efraim,

9Bèn-Dèker ing Makas, ing Saalbim, ing Bèt-Sémes lan ing Elon-Bèt-Hanan;

10Bèn-Hèsèd ing Arubot; panggonané ya kuwi Sokho lan sak tanah Hèfèr kabèh;

11Bèn-Abinadab ngwasani tanah pegunungan Dor, bojoné jenengé Tapat, anak wadoné Salomo

12Baana anaké Ahilud ngwasani Taanak, Megido lan sak tanah pangwasané Bèt-Séan kabèh, sing manggon ing sak tyedaké Saretan sak ngisoré Yisreèl, wiwit ing Bèt-Séan nganti tekan ing Abel-Mehola tekan ing sisih kanané Yokméam.

13Sak terusé Bèn-Geber ing Ramot-Giléad, panggonané ya kuwi Hawot-Yair ing Giléad; Yair kuwi anaké Manasé. Kratoné Argob ing Basan uga klebu pangwasané, kutané gedé suwidak karo témbok lan slorok kantyingé lawang tembaga;

14Ahinadab anaké Ido penggedéné Mahanaim.

15Sak terusé Ahimaas ing Naftali; kuwi uga kawin karo anaké wadon Salomo, sing asmané Basmat.

16Sak terusé Baana anaké Husai ing Asyèra lan Alot.

17Terus Yosafat anaké Paruah ing Isakar

18lan Simèi anaké Ela ing Bényamin.

19Gèbèr anaké Uri ing negara Giléad ngwasani negarané Sihon, ratuné wong Amori, lan negarané Og, ratu ing Basan; mung siji kuwi sing dadi penggedéné ing tanah kono.

20Wong Yéhuda lan wong Israèl kuwi tyatyahé kaya wedi ing pinggiré segara. Kabèh pada mangan lan ngombé lan pada sukak-sukak lan seneng-seneng.

21Salomo ngwasani kabèh kraton wiwit sangka kali Efrat nganti tekan negarané wong Filistèn lan nganti tekan tapel watesé negara Egipte. Kuwi pada mbayar pajek lan tetep teluk marang Salomo ing sakjeké uripé.

22Kebutuhan kanggo nyepaki mangan Salomo kuwi sedinané glepung sing apik déwé telung puluh kor lan glepung lumrah suwidak kor,

23sapi lemu sepuluh lan sapi ingon-ingonan rong puluh lan wedus gèmbèl 100, kuwi durung kepitung menjangan, kidang, menjangan tutul lan mentok ingon-ingon,

24awit piyambaké ngwasani sak kabèhé negara ing sisih kénéné kali Efrat, wiwit sangka Tifsak nganti tekan Gaza, uga ngwasani kabèh ratu ing sisih kénéné kali Efrat, lan dikèki tentrem ing sak kabèhé negarané,

25terus wong Yéhuda lan wong Israèl enggoné pada manggon karo tentrem, siji-sijiné manggon ing sak ngisoré wit anggur lan wit anjir, wiwit ing Dan nganti tekan ing Bèrsyéba ing sak suwéné uripé Salomo.

26Kejaba sangka kuwi Salomo nduwé jaran 40.000 kandang kanggo kréta-krétané lan 12.000 suradadu sing numpak jaran.

27Para penggedéné panggonan kuwi pada njamin marang pangané Salomo kabèh sak rupané wong sing mèlu mangan ing méjané Salomo. Enggoné masrahaké ing saben sasi giliran lan ora ana sing dilongi.

28Jewawut lan damèn kanggo jaran-jarané nggèrèt kréta lan jaran-jarané tumpakan kuwi pada digawa menyang ing panggonan sing wis ditemtokké, miturut tanggungané déwé-déwé.

29Sak terusé Gusti Allah ngekèki kawityaksanan lan kaweruh sing gedé marang Salomo, lan akal pikirané sing jembaré kaya wedi ing pinggiré segara,

30nganti kawityaksanané Salomo kuwi ngungkuli kawityaksanané sakkèhé wong wétanan lan ngungkuli sakkèhé kawityaksanané wong Egipte.

31Kawityaksanané ngungkuli wong kabèh, ngungkuli Etan, wong Esrahi, ngungkuli Héman, Kalkol lan Darda, anak-anaké Mahol, mulané asmané kesuwur ing antarané kabèh bangsa ing sak ubengé.

32Piyambaké nggawé wulang bebasan 3000, lan kidungan 1005.

33Piyambaké nggawé kidungan bab wit-witan, wiwit wit tyemara ing pegunungan Libanon nganti wit Hisop sing tukul ing témbok. Dèkné uga ngomong bab kéwan-kéwan lan manuk-manuk lan bab kéwan sing mbrangkang lan bab iwak-iwak.

34Wong-wong sangka sak kabèhé bangsa pada nemoni ngrungokké bab kawityaksanané Salomo, uga ratu dipasrahi pajek karo para ratu ing bumi, sing wis pada krungu bab kawityaksanané kuwi.

← Chapter 3 Jump to: Chapter 5 →