bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Karakalpak
/
Институт перевода Библии, 2022
/
Acts 2
Acts 2
Институт перевода Библии, 2022
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 3 →
1
Eliwinshi kúni bayramı kelgende, iseniwshilerdiń hámmesi bir jerge jıynaldı.
2
Tosattan aspannan kúshli samal eskendey bolıp, bir shawqım esitildi hám olar otırǵan úydi pútkilley toltırıp jiberdi.
3
Ottıń jalını sıyaqlı tillerge uqsaǵan bir nárseler olarǵa kórinip, bólinip-bólinip hár biriniń ústine tústi.
4
Olardıń hámmesi Muxaddes Ruwxqa tolıp, Ruwxtıń aytqızıwı boyınsha basqa tillerde sóyley basladı.
5
Sol waqıtta Erusalimde dúnyanıń hár túrli ellerinen kelgen dinshil yahudiyler jasaytuǵın edi.
6
Bul sesti esitip, kóp xalıq bir jerge jıynaldı. Olardıń hár biri óz tillerinde aytılǵan sózlerdi esitkenlikten hayran boldı.
7
Hámme qattı tań qalısıp, bılay dedi: – Qarańlar, bul sóylep atırǵanlardıń hámmesi galilalı emes pe?
8
Onda qalay olardıń bizlerdiń hár birimizdiń tuwılǵan jerimizdiń tilinde sóylep atırǵanın esitip turmız?
9
Aramızda parfiyalılar, midiyalılar, elamlılar bar. Mesopotamiyada, Yahudiyada hám Kappadokiyada, Pontus hám Aziyada,
10
Frikiya hám Pamfiliyada, Mısır hám Liviyanıń Kirenege jaqın úlkelerinde jasaytuǵınlar bar. Ózleri yahudiy bolǵan hám yahudiy dinine ótken Rimnen kelgen qonaqlar, kritliler hám arablar da bar. Biraq bizler Qudaydıń ullı isleri haqqında hár birimiz óz tillerimizde esitip turmız-ǵo.
12
Olardıń hámmesi ań-tań bolısıp, bir-birinen: – Bunı qalay túsiniwge boladı? – dep soradı.
13
Al geybirewleri mısqıllap: – Olar taza sharap iship, más bolǵan, – desti.
14
Sonda on bir elshi menen birge Petr ornınan turdı da, bálent dawıs penen xalıqqa qarata sóyledi: – Yahudiyler hám pútkil Erusalim turǵınları! Men bunı sizlerge túsindireyin, sózlerime qulaq salıńlar.
15
Bul adamlar sizler oylaǵanday más emes. Sebebi házir azanǵı saat toǵız-ǵo.
16
Biraq bul kórip turǵanlarıńız Ioel payǵambar arqalı aldın ala aytılǵan edi:
17
«Quday bılay deydi: Aqırǵı kúnlerde barlıq adamlardıń ústine Óz Ruwxımdı jawdıraman. Ullarıńız hám qızlarıńız payǵambarshılıq qıladı. Jaslarıńız ayanlar, qartayǵan adamlarıńız túsler kóredi.
18
Sol kúnlerde Ózimniń er hám hayal xızmetshilerimniń ústine de, Óz Ruwxımdı jawdıraman, Olar da payǵambarshılıq etedi.
19
Joqarıda, aspanda tań qalarlıq nárseler, Tómende, jer júzinde káramatlı belgiler: Qan, ot hám burqıraǵan tútinlerdi kórsetemen.
20
Iyemizdiń ullı hám saltanatlı kúni kelmesten aldın, Quyash qarańǵılanıp, ay qanǵa aylanadı.
21
Sonda Iyemizdiń atın aytıp shaqırǵan hár bir adam qutqarıladı».
22
Izraillılar, mına sózlerge qulaq salıńlar: xabarıńız bar, nasıralı Iysa Qudaydıń Ol arqalı arańızda islegen káramatları, tań qalarlıq waqıyaları hám káramatlı belgileri menen Quday tárepinen dálillengen Adam edi.
23
Bul Iysa Qudaydıń erki hám aldın ala belgilegeni boyınsha, sizlerge uslap berilgen edi. Sizler Onı Qudaydıń Nızamın bilmeytuǵın basqa millet adamlarınıń qolı menen atanaq aǵashqa shegelep óltirdińler.
24
Al Quday ólim azabınıń tusawların úzip, Onı tiriltti. Óytkeni Onı ólimniń uslap turıwı múmkin emes edi.
25
Ol haqqında Dawıt bılay degen: «Kózimdi ayırmayman Iyemizden, Ol oń jaǵımda bolǵanı ushın, Hesh qashan súrnikpespen.
26
Sonlıqtan kewlim quwanıp, tilim shadlanıp sóyleydi. Denem de úmit ishinde jasaydı.
27
Sebebi Sen janımdı óliler mákanına taslap ketpeyseń, Óz Muxaddesińniń shiriwine jol qoymaysań.
28
Ómir jolın maǵan kórseteseń, Meni Óz dárgayıńda quwanıshqa bóleyseń».
29
Tuwısqanlarım! Men sizlerge ullı babamız Dawıt haqqında ashıq ayta alaman: ol óldi hám jerlendi. Onıń qábiri búginge deyin usı jerde, bizlerde saqlanǵan.
30
Dawıt payǵambar bolǵanlıqtan, Qudaydıń oǵan: «Seniń urpaǵıńnan Birin taxtıńa otırǵızaman», – dep ant iship, wáde bergenin bildi.
31
Sonlıqtan ol keleshekte ne bolatuǵının kórip, Masiyxtıń qayta tiriletuǵını tuwralı bılay degen edi: «Ol óliler mákanında qaldırılmadı, Denesi de shirimedi».
32
Quday usı Iysanı ólimnen tiriltti, buǵan bizlerdiń hámmemiz gúwamız.
33
Ol Qudaydıń qúdireti menen aspanda joqarı húrmetke erisip, Ákeden wáde etilgen Muxaddes Ruwxtı aldı. Házir kórgenińiz hám esitkenińiz sıyaqlı, sol Ruwxtı bizlerge jawdırdı.
34
Dawıt aspanǵa kóterilmegen bolsa da bılay degen edi: «Jaratqan Iye Iyeme ayttı: „Dushpanlarıńdı ayaǵıńnıń astına bastırmaǵanımsha, Meniń oń jaǵımda otır“».
36
Solay etip, pútkil Izrail xalqı anıq bilip qoysın: Quday sizler atanaq aǵashqa shegelegen sol Iysanı hám Iyemiz, hám Masiyx qıldı.
37
Bunı esitkenlerdiń júreklerine qanjar suǵılǵanday boldı. Olar Petr hám basqa elshilerden: – Tuwısqanlar, bizler ne islewimiz kerek? – dep soradı.
38
Petr olarǵa bılay dedi: – Gúnalarıńızdıń keshiriliwi ushın táwbe etip, hár birińiz Iysa Masiyxtıń atı menen suwǵa shomıldırılıńlar. Sonda Muxaddes Ruwxtı sıyǵa alasızlar.
39
Bul wáde sizlerge, sizlerdiń balalarıńızǵa hám alıstaǵılardıń hámmesine, yaǵnıy Qudayımız Jaratqan Iye shaqırǵan hár bir adamǵa berilgen.
40
Petr basqa da kóp sózler menen olarǵa gúwalıq berip: – Bul buzıq áwladtan qutqarılıńlar, – dep ótinish etti.
41
Onıń sózin qabıl etkenler suwǵa shomıldırıldı, sol kúni olarǵa úsh mıńǵa shamalas adam qosıldı.
42
Olar ózlerin elshilerdiń tálimine baǵıshlap, bir-biri menen qarım-qatnasta boldı hám birge nan sındırıp, duwa etetuǵın edi.
43
Elshiler arqalı kóp tań qalarlıq nárseler hám káramatlı belgiler kórsetilgenlikten, hámmeni qorqınısh biyledi.
44
Iseniwshilerdiń hámmesi birge bolıp, hámme nársesin ortalıqqa qoydı.
45
Mal-múliklerin satıp, hár kimniń mútájligine qaray úlestiretuǵın edi.
46
Olar hár kúni birge Ibadatxananıń háwlisinde jıynalısıp, úylerde nan sındırıstı. Quwanıshlı túrde haq kewil menen birge awqatlandı.
47
Qudayǵa maqtawlar aytıp, pútkil xalıqtıń alǵısına bólendi. Iyemiz de qutqarılǵanlardı olarǵa kún sayın qosıp bardı.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28