bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
2 Corinthians 12
2 Corinthians 12
Kamba (MBIVILIA ŨVOO MŨSEO)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 13 →
1
No nginya nĩkathĩĩe, o na kau vai kĩndũ ngũkwata vo. Ĩndĩ yu nĩneena ĩũlũ wa mawoni na movuany'o ala Mwĩai ũnengete.
2
Nyie nĩnĩsĩ mũndũ ũmwe mũatĩĩi wa Klĩsto, myaka ĩkũmi na ĩna mĩvĩtũku, woosiwe atwawa ĩtunĩ ya katatũ. Ndyĩsĩ kana aĩ kũu we mwene kana waĩ woni, Ngai nĩwe wĩsĩ.
3
Nyie nĩnĩsĩ kana mũndũ ũsu, o na kau ndyĩsĩ kana nĩwe mwene kana waĩ woni, Ngai nĩwe wĩsĩ, nĩwoosiwe atwawa ũtanunĩ,
4
na e kũu eew'a maũndũ mataeleeka na ndeto, ala mũndũ ũtaĩlĩte kũmaweta.
5
Kwondũ wa mũndũ wa mũthemba ũsu nyie nĩngwĩkathĩĩa, ĩndĩ ndyĩkathĩĩa kwondũ wakwa mwene, eka o mawonzunĩ makwa.
6
Ngenda kwĩkathĩĩa ndyĩthĩwa nĩ mũtumanu, nũndũ nĩthĩwa ngĩneena ũla w'o. Ĩndĩ ndiĩkathĩĩa, nũndũ ndikwenda mũndũ ambose ta nĩ mũnene kũthonoka ũndũ ũmbonaa kana wĩw'aa ngĩneena.
7
Ĩndĩ nĩ kana nĩsiĩĩwe ndikenenevye mũno kũthonoka ũndũ naĩlĩte, nũndũ wa maũndũ maingĩ ma kũseng'ya ala navuanĩiw'e, nĩnanengiwe kyalya mwĩĩnĩ kĩsinaa ta mwĩw'a. Kĩtethasya wĩa ta mũthũkũmi wa Satani kĩnthĩnasye, na kũnziĩĩaa ndikekathĩĩe.
8
Mavinda atatũ nĩnamũvoyie Mwĩai ĩũlũ wa kĩndũ kĩu kyume kwakwa,
9
ĩndĩ anzũngĩa ambĩa atĩĩ, “Mumo wakwa nũkwĩanĩe, nĩkwĩthĩwa vinya wakwa ũtethasya wĩa vala ve wonzu.” Kwoou nĩngwĩkathĩĩa na ũtanu mũnene mawonzunĩ makwa, nĩ kana vinya wa Klĩsto wĩthĩawe vamwe nakwa.
10
Kwa kĩtumi kĩu nĩnĩtanaa kwĩthĩwa nĩ mwonzu, kana kũtavw'a syuo nthũku, kana kwĩthĩwa na ĩvinda yũmũ, kana kũthĩnw'a, kana kwĩthĩwa monyamaonĩ kwondũ wa Klĩsto. Nĩkwĩthĩwa yĩla nĩ mwonzu, nĩw'o nĩthĩawa na vinya.
11
Nĩtw'ĩkĩte mũndũ mũtumanu na ninyw'ĩ mũtumĩte nĩka ũu, nĩkwĩthĩwa ninyw'ĩ mwaĩlĩtwe nĩ kũngathĩĩa. O na ethĩwa nyie ti kĩndũ, ndi ĩtheo wa andũ asu mũkwĩta atũmwa ma kĩlasi kya ĩũlũ.
12
Syĩndũ ila syonanasya mũndũ kwĩthĩwa mũtũmwa wa w'o, nasyo nĩ syama na maũndũ ma kũseng'ya, nĩsyeekiwe katĩ wenyu kwa wũmĩĩsyo mwingĩ.
13
Nĩ ũndũ mwaũ weekiwe makanisa ala angĩ inyw'ĩ mũtaaĩkwa, eka kwĩthĩwa ndyaamwĩtya kĩndũ kwondũ wa kũmũthũkũma! Nĩngũmũkũlya mũndekee ĩvĩtyo yĩu.
14
Nĩnĩyũmbanĩtye kũmũthokea ĩngĩ ĩvinda ya katatũ, na ndikamũthĩny'a na kĩndũ nĩkwĩthĩwa ninyw'ĩ ngwenda, na ti syĩndũ syenyu. Kwa w'o syana tisyo syaĩlĩte kũtethya asyai, asyai nĩmo maĩlĩte kũtethya syana.
15
Kwoou nyie ngatana kũnengane syĩndũ syakwa, o na kwĩnengane nyie mwene kwondũ wenyu. Nĩkũlya, kũmwenda mũno kwakwa nĩkw'o kũũtuma mũmbenda vanini?
16
Inyw'ĩ nĩmũkwĩtĩkĩla kana nyie ndyaamwaĩkya mũio. Ĩndĩ andũ amwe measya kana nyie nĩ mũndũ wa mawũĩ na nĩnamũtũmĩĩe ũseleke.
17
Nyie naamũtũmĩa naĩ kwĩsĩla kwa ũmwe wa ala naatũma kwenyu?
18
Nĩnamũkũlilye Tito oke kwenyu, na namũtũmanĩsya na ũla mwana-a-asa ũngĩ. Nokwĩthĩwa Tito amũtũmĩie naĩ? We nakwa nũndũ tũtatongoew'e nĩ Veva ũmwe, na kwĩkaa maũndũ o ũndũ ũmwe?
19
Ko mũũsũanĩa ĩvinda yĩu yonthe tũneethĩawa tũyĩtetea kũla mũĩ? Mbee wa Ngai ithyĩ tũnaneenaa maũndũ asu ta twĩ aatĩĩi ma Klĩsto, na maũndũ onthe ala twĩkaa nĩ kwondũ wa ũseo wenyu inyw'ĩ endwa makwa.
20
Nyie nĩ na w'ĩa kana nĩndonya kũka ngethĩa mũtailyĩ ũndũ ngũsũanĩa, o nenyu mũkethĩa ndailyĩ ũndũ mũũsũanĩa. Nĩndonya kũka ngethĩa ĩteta, iwĩu, mĩthatanĩo, ĩtomo, kũneenanĩa naĩ, nzukũ, mĩkathĩĩo, na ithokoo katĩ wenyu.
21
Nĩ na w'ĩa kana nooka kũu ĩngĩ Ngai wakwa nũtonya kũnzonokya, ngakwatwa nĩ kĩmako nũndũ wa andũ aingĩ meekie naĩ navu mbeenĩ, na o nayu mayaaĩsa kwĩlila kwondũ wa naĩ syoo ila meekie: Molaalai na mĩmeo mĩthũku.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 13 →
All chapters:
1
2
3
4
5
6
7
8
9
10
11
12
13