2 Corinthians 13

Kamba (MBIVILIA ŨVOO MŨSEO)

← Chapter 12 Jump to:

1Yĩĩ nĩyo ĩvinda ya katatũ yakwa ngũka kwenyu. Maandĩko Matheu maĩtye, “Kĩla ũndũ ũũsikatĩwa mũndũ nĩũĩkĩĩthw'e nĩ ngũsĩ ilĩ kana itatũ.”

2Yĩla naĩ kũu nĩmũthokeete ĩvinda ya kelĩ, nĩnakanisye andũ ala meekĩte naĩ navu mbeenĩ o vamwe na ala angĩ, na yu nĩngũmakany'a o ĩngĩ nĩ vaasa nenyu, kana ethĩwa nĩngũka kũu ĩngĩ ndikamew'ĩa tei.

3Mwĩonany'a mwĩenda kũĩkĩĩthw'a kana Klĩsto nĩwe ũkũneena kwĩsĩla vala nĩĩ. We ti mwonzu kwenyu, ĩndĩ nĩwonanasya vinya wake katĩ wenyu.

4Nĩkwĩthĩwa o na kau ambiwe ngelany'onĩ nũndũ aĩ mwonzu, yu e thayũ kwondũ wa ũtonyi wa Ngai. Ithyĩ o naitũ twĩ onzu o tondũ Klĩsto waĩ mwonzu, ĩndĩ yĩla twĩĩthĩwa tũithũkũmana nenyu, mũkoona kana twĩ thayũ o ta Klĩsto kwondũ wa ũtonyi wa Ngai.

5Kwa ĩyĩosyei mũsisye kana nomũlũmĩte mũĩkĩĩonĩ. Ĩthimei. Mũikwona kana Yesũ Klĩsto e nthĩnĩ wenyu? Ethĩwa ndevo, manyai nĩmũvalũkĩte vyũ.

6Nĩĩkwatya nĩmũũmanya kana ithyĩ tũi avalũku.

7Ĩndĩ twĩvoya Ngai mũikeke ũndũ o na ũmwe mũthũku, na ti nĩ kana ithyĩ twoneke nĩtwĩkĩte nesa, ĩndĩ nĩ kana inyw'ĩ mwĩke ũla waĩlu, o na ethĩwa ithyĩ twĩoneka ta twĩ avalũku.

8Nũndũ tũitonya kwĩka kĩla kĩtonya kũsiĩĩa ũla w'o, ĩndĩ no kĩla kĩtonya kũendeesya ũla w'o.

9Ũtanu witũ nĩ kwona inyw'ĩ mwĩ alũmu yĩla ithyĩ twĩ onzu, na twĩmũvoyea mũtw'ĩke andũ eanĩu.

10Kwondũ wa ũu nĩandĩka maũndũ aa yu nĩ vaasa nenyu, nĩ kana nooka kũu ndikaaĩthĩwe nĩ mũthũku mũno kũla mũĩ, ngĩtũmĩa ũkũmũ ũla Mwĩai ũnengete, naw'o nĩ wa kwaka ti wa kũomboa.

11Kũminũkĩlya mbaitũ, ĩkalai na ũvoo. Tatai mwĩkale nesa; lũmyai motao makwa; ĩw'anaai ũmwe kwa ũla ũngĩ na ĩkalaai na mũuo. Nake Ngai wa mũuo na wendo akeethĩawa vamwe nenyu.

12Kethany'ai ene na ngethi ntheu ya wendo.

13Aĩkĩĩi onthe kũũ nĩmamũkethya.

14Mumo wa Mwĩai Yesũ Klĩsto, na wendo wa Ngai, na mũamba wa Veva Mũtheu nĩsyĩthĩwe nenyu inyw'onthe.

← Chapter 12 Jump to: