2 Timothy 4

Kamba (MBIVILIA ŨVOO MŨSEO)

← Chapter 3 Jump to:

1Mbee wa Ngai na mbee wa Klĩsto Yesũ, ũla ũkasilĩla ala me thayũ na ala akw'ũ, na nũndũ nĩwũkĩte ĩngĩ ta Mũsumbĩ nĩkwĩaĩa ũũ:

2Tavany'a Ũvoo Mũseo; tavany'a na kĩthing'ĩĩsyo, kwĩ kũseo na kũte kũseo; tũnga andũ nzĩanĩ kwa kũmony'a mavĩtyo moo; kany'a na kũtaa andũ; ĩthĩawa wĩ na wũmĩĩsyo mwingĩ yĩla ũũmanyĩsya.

3Ĩvinda nĩyũkĩte yĩla andũ matakethukĩĩsya ũmanyĩsyo ũla wa w'o, ĩndĩ makaatĩĩaa mawendi moo na kwĩmanthĩa amanyĩsya ma kũmamanyĩsya kĩla mo mekwenda kwĩw'a.

4Makatia ũla w'o na kwambĩĩa kwĩthukĩĩsya mbano sya mana.

5Ĩndĩ we ĩthĩawa na mosũanĩo maseo; ũmĩĩasya yĩla wĩ mathĩnanĩ; thũkũma ta mũnyaĩĩkya wa Ũvoo Mũseo, na kũtethya wĩa w'onthe ũla waĩlĩte kũtethw'a nĩ mũthũkũmi wa Ngai.

6Ngalĩkonĩ ĩla yakwa nyie, saa nĩ mũviku wa thayũ wakwa kumw'a ta nthembo; ĩvinda nĩ ĩviku yakwa nume kũũ ĩũlũ wa nthĩ.

7Nĩnũkitĩte kaũ ũla mũseo, nĩnĩsembete ngamina mũendo, na nĩnĩsũvĩĩte mũĩkĩĩo wakwa.

8Na yu nĩniĩwe ngovia ya ũsindi ya kwĩthĩwa mũlũngalu, ĩla Mwĩai, nake nĩ Mũsili ũla Mũlũngalu, wĩnenga Mũthenyanĩ wa Ũsilĩlo. Ti inyie nĩ nyioka ũkanenga, ĩndĩ o ta ũu nũkanenga onthe ala mamweteelaa me na mea oke ĩngĩ.

9Tata ũndũ vatonyeka wũke kũũ nĩĩ mĩtũkĩ.

10Ndema nĩwakwatiwe nĩ wendi wa nthĩ, na andia nĩ nyioka athi naku Thesalonika. Keliseke nĩwaendie Kalatia, nake Tito athi Ndalamatia.

11No Lũka e weka nĩ nake kũũ. Manthana na Maliko na mũyũkany'a nake, nũndũ nũtonya kũndetheesya mũno nthĩnĩ wa ũthũkũmi.

12Nĩnĩnatũmie Tikikasi Eveso.

13Wambĩĩa kũka, wĩndetee ngũa yakwa ya ĩũlũ ĩla natiĩie Kalivo kũu Tiloa; o ta ũu wĩndetee mavuku o namo, na mũno mũno ala maseũvĩtw'e na kĩthuma.

14Alekisanda ũla mũndũ ũtuaa syũma nĩwambĩkie naĩ mũno; Mwĩai akamũĩva kwĩanana na meko make.

15Ĩsũvĩane nake mũno, nũndũ nĩwakananĩasya na kũlea momanyĩsyo maitũ.

16Vai mũndũ waandetheesya ĩvinda yakwa ya mbee vyũ ya kwĩtetea; onthe nĩmangĩĩie. Ngai ndakaamatalĩle ĩvĩtyo ĩũlũ wa ũndũ ũsu!

17Ĩndĩ Mwĩai nĩweethĩiwe vamwe nakwa, na anenga vinya ndavany'e ũtũmani w'onthe wa Ũvoo Mũseo, nĩ kana Andũ-ma-mbaĩ-ingĩ onthe mew'e. Kwoou nĩwambonokisye ndikatw'ĩĩwe kũawa.

18Mwĩai akambonokya kuma ũthũkunĩ w'onthe, na kũndwaa anzũvĩĩte nginya ngalike ũsumbĩnĩ wake wa ĩtunĩ. Kwake nĩkwĩthĩwe ũkumyo tene na tene! Ameni.

19Ngethesye Vilisila na Akwila na mũsyĩ w'onthe wa Onesivolasi.

20Elasitasi atiiwe Kolintho, nake Tilovimasi namũtia Mileto nũndũ aĩ mũwau.

21Kwa tata ũndũ vatonyeka wũke ĩvinda ya mbevo yĩtanavika. Eũmbũlũsi nĩwakũkethya e na Vundeni, na Linasi na Kĩlaũndiasi o vamwe na Aklĩsto ala angĩ onthe me kũũ.

22Mwĩai nĩethĩwe naku. Mumo wa Ngai nĩwĩthĩwe nenyu inyw'onthe.

← Chapter 3 Jump to: