bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Acts 7
Acts 7
Kamba (MBIVILIA ŨVOO MŨSEO)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 8 →
1
Nĩvo ĩndĩ Mũthembi ũla Mũnene wakũlilye Sitivini atĩĩ, “Ũu nĩ w'o?”
2
Nake Sitivini asũngĩa, “Ana-a-asa na aanau, mbĩthukĩĩsyei! Ngai wa ũkumyo nĩwamumĩlĩĩle Avalaamu ũmae waitũ yĩla waĩ Mesovotamia, atanamba kũthamĩĩa Aalani,
3
na amwĩa atĩĩ, ‘Tia nthĩ ĩno yaku o vamwe na andũ ma mũkonyo waku, na ũithi nthĩ ĩla nyie ngũkwony'a.’
4
Nĩvo ĩndĩ Avalaamu wathamie nthĩ ĩsu ya Akalitei athi atũa Aalani. Ĩtina wa kĩkw'ũ kya ĩthe wake, Ngai nĩwamumisye kũu Aalani amũete atũa nthĩ ĩno yu mũtwĩe.
5
Ngai ndaamũnenga o na ĩtambya yĩmwe ya nthĩ ĩno yĩtw'ĩke yake mwene, ĩndĩ nĩwamwathie kũmũnenga nthĩ ĩno ĩtw'ĩke ng'ũndũ yake, vamwe na nzyawa syake o na kau ĩvindanĩ yĩu ndaĩ kana.
6
Ngai nĩwamũtavisye amwĩa atĩĩ, ‘Nzyawa syaku ikekala ũeninĩ nthĩ ĩsumbĩkĩtwe nĩ andũ angĩ, namo makaikwata ũkombo na kwithĩny'a vandũ va myaka maana ana.
7
Ĩndĩ nakwa ngasilĩla andũ asu makaikwata ũkombo, na ĩtina wa ũu, ngasyumya nthĩ ĩsu syũke kũnthaithĩa vaa.’
8
Kwoou Ngai nĩwaseũvisye ũtianĩo na Avalaamu, ũla ũkonanaw'a kwa nzĩa ya andũ kwaĩkawa. Kwoou Avalaamu asyaa Isaka nĩwamwaĩkie avikya ũkũũ wa mĩthenya nyanya. Isaka nake nĩwaĩkie mwanae Yakovo, nake Yakovo aĩka ana make me ĩkũmi na elĩ, ala ĩtina mesie kũtw'ĩka aaũmae maitũ.
9
“Aaũmae asu maitũ nĩmamwĩw'ĩie Yosevu mwana-a-inyia woo kĩwĩu, na mamũthoosya nthĩ ya Misili ta ngombo. Ĩndĩ Ngai aĩ vamwe nake,
10
na nĩwamumasya mathĩnanĩ onthe ala mamũkwataa. O ta ũu Ngai nĩwanengie Yosevu ũĩ mwingĩ na amũtonyethya kwendeesya Valao mũsumbĩ wa Misili, na kwoou mũsumbĩ ũsu amũtw'ĩkĩthya ngavana wa nthĩ ĩsu, na mũũngamĩi wa nyũmba yake ya kĩ-ũsumbĩ.
11
Ĩvindanĩ yĩu nĩkwookie yũa ĩnene nthĩ yonthe ya Misili na ya Kanaani, na kweethĩwa na thĩna mũnene, o na aaũmae maitũ maaĩwa nĩ lĩu maya.
12
Ĩndĩ yĩla Yakovo weewie kana Misili kwĩ lĩu, nĩwamatũmie ana make ala nĩ aaũmae maitũ mathi kũu ĩvinda ya mbee.
13
Yĩla masyokie Misili ĩvinda ya kelĩ, Yosevu nĩweemanyĩthanisye kwa ana-a-ĩthe asu, na mũsumbĩ wa Misili nake amanya andũ ma mũsyĩ wa Yosevu.
14
Ĩtina Yosevu nĩwatũmanie kũla kwĩ Yakovo ĩthe wake, oke kũu ũĩ vamwe na andũ onthe ma nyũmba yake me mĩongo mũonza na atano.
15
Nĩvo ĩndĩ Yakovo waendie Misili vala wakw'ĩĩe vamwe na ana make.
16
Mĩĩ yoo nĩyakuiwe yatũngwa Sekemu, na yathikwa mbũanĩ ĩla Avalaamu wathooete kuma kwa ana ma Amolu kũu Sekemu, kwa thooa wa mbesa syĩana ũndũ mũna.
17
“Ĩvinda yĩthengee Ngai eanĩsye kĩla wathĩte Avalaamu, andũ maitũ kũu Misili nĩmaendeeie na kwingĩva mũno.
18
Nĩvo ĩndĩ mũsumbĩ ũngĩ ũteesĩ ũvoo wa Yosevu wasumbĩkie Misili.
19
Nĩwatũmĩĩe andũ maitũ mawũĩ, na avinyĩĩa aaũmae maitũ kwa kũmalasimĩthya mekye twana twoo ĩtheka twamina kũsyawa oou nĩ kana tũkw'e.
20
Ĩvindanĩ yĩu nĩyo Mwose wasyaiwe, nake aĩ mwanake mũno. Nĩwaeewe mũsyĩ kwa ĩthe vandũ va myei ĩtatũ,
21
na yĩla wekiw'e ĩtheka, mwĩĩtu wa mũsumbĩ wa Misili amwosa athi kũmũea ta mwana wake.
22
Mwose nĩwamanyĩiw'e maũndũ onthe ma ũĩ wa andũ ma Misili, na eethĩwa e mwai ndetonĩ syake na mekonĩ make.
23
“Yĩla wavikisye myaka mĩongo ĩna, nĩwasũanĩie kũthi kwona andũ ma mbaĩ yake ma Ĩsilaeli.
24
Nĩwoonie ũmwe woo aithĩnw'a nĩ Mũmisili, na kwoou athi kũmũtetea na amũĩvanĩsya kwa kũaa Mũmisili ũsu.
25
Mwose asũanĩaa kana andũ asu ma Ĩsilaeli nĩmaeleetwe kana Ngai nũkũmũtũmĩa amovosye, ĩndĩ mo mayaeleawa!
26
Mũthenya ũla waatĩĩe nĩweethĩie andũ elĩ ma Ĩsilaeli mayũkita. Nĩwatatie kũmew'anĩthya aimakũlya atĩĩ, ‘Aũme aa na mwĩ ma mbaĩ ĩmwe, nĩkĩ mũkwenda kũũmĩany'a?’
27
Ĩndĩ ũla wathokoaa ũla ũngĩ aluutĩĩla Mwose ũtee aimwĩa atĩĩ, ‘Ũla ũkũtw'ĩte mũtongoi na mũsili waitũ nũũ?
28
Wĩenda kũmbũaa ũndũ ũnooaie Mũmisili ĩoo?’
29
Mwose eew'a ndeto isu nĩwakĩie athi kwĩkala ũeninĩ nthĩ ya Mitiani, na asyaĩa syana ilĩ kũu.
30
“Myaka mĩongo ĩna yathela, mũlaĩka wa Mwĩai nĩwamumĩlĩĩle Mwose ũlĩlĩnzĩnĩ wa mwaki wĩ kakuthunĩ kũu weũnĩ vakuvĩ na Kĩĩma kya Sinaĩ.
31
Mwose nĩwaseng'ie mũno oona ũndũ ũsu, na athengeea vakuvĩ awone nesa. Nĩvo ĩndĩ weewie wasya wa Mwĩai ũyasya:
32
‘Ninyie Ngai wa aaũmae maku; Ngai wa Avalaamu, Isaka na Yakovo.’ Mwose nĩwathĩlĩile nĩ w'ĩa na ndaaĩtĩkĩla kũendeea na kũsisya.
33
Mwĩai nĩweeie Mwose atĩĩ, ‘Umya iatũ syaku, nũndũ vau ũũngamĩte nĩ vandũ vatheu.
34
Kwa w'o nyie nĩnonete ũndũ andũ makwa ala me Misili mekũthĩnw'a. Nĩnĩw'ĩte kũluma kwoo na nĩnatheea nĩmavonokye. Ũka yu, nĩngũũtũma kũu Misili.’
35
“Mwose o ũsu mamũleile mayasya, ‘Nũũ ũkũtw'ĩte mũnene na mũsili waitũ?’ Ngai nĩwamũtũmie akethĩwe mũtongoi na mũtangĩĩi woo, aitetheew'a nĩ ũla mũlaĩka wamumĩlĩĩle kala kakuthunĩ.
36
Nĩwamatongoeisye amaumya Misili kwa kwĩka syama na maũndũ ma kũseng'ya kũu Misili. Nĩweekie kyama kĩngĩ Ũkanganĩ Mũtune, na aendeea kwĩka ingĩ weũnĩ vandũ va myaka mĩongo ĩna.
37
Mwose o ũsu nowe wamatavisye andũ ma Ĩsilaeli amea atĩĩ, ‘Ngai akamũtũmĩa mwathani kuma andũnĩ menyu, o tondũ wandũmie nyie.’
38
Mwose nowe waĩ na andũ asu ma Ĩsilaeli mombanĩte vamwe o kũu weũnĩ. Nĩwe waĩ vo ta mũtongoi katĩ wa aaũmae maitũ, na aĩ vamwe na mũlaĩka ũla waneenaa nake kũu Kĩĩmanĩ kya Sinaĩ. Vau kĩĩmanĩ nĩwanengiwe ndeto sya thayũ sya Ngai atũnenge.
39
“Ĩndĩ aaũmae maitũ nĩmaleile kũmwĩthukĩĩsya. Vandũ va ũu nĩmaleanile nake, na ngoonĩ syoo masyoka Misili.
40
Nĩmeeie Alũni atĩĩ, ‘Tũseũvĩsye ngai ĩla ikatũtongoeasya, nũndũ tũyĩsĩ mũndũ ũsu ũkwĩtwa Mwose ũla watumisye nthĩ ya Misili, akwatiwe nĩ ũndũ mwaũ.’
41
Ĩvindanĩ yĩu nĩw'o maseũvisye mũvw'anano wa kasaũ ka ng'ombe, na maumĩsya mũvw'anano ũsu nthembo. Nĩmeethĩiwe na mboka ya kũtanĩa kĩu maseũvĩtye na moko moo ene.
42
Kwoou nake Ngai nĩwamatiie na aekana namo mathaithae ndata sya matunĩ, o tondũ kũandĩkĩtwe ĩvukunĩ ya athani: ‘Inyw'ĩ andũ ma Ĩsilaeli, mwaaũaa indo mũkambumĩsya ta nthembo, ĩvinda yĩu yonthe ya myaka mĩongo ĩna mwĩ weũnĩ?
43
Mwakuaa ĩeema ya ĩla ngai ya mũvw'anano yĩtawa Moleki, na ĩvisa ya ndata ya ngai ĩla yĩtawa Levani, nayo nĩ mĩvw'anano ĩla mwaseũvĩtye nĩ kana mũmĩthaithae. Kwoou nakwa ngatuma mũtwawa kũndũ kũasa mwĩ atave, na kũu mbee wa Mbavilonĩ.’
44
“Aaũmae maitũ me weũnĩ maĩ na Ĩeema ĩtheu yĩla yoonanasya kana Ngai e vamwe namo. Yaseũvĩtw'e o ũndũ Ngai watavĩtye Mwose ayĩseũvye, na kwĩanana na ngelekany'o ĩla Mwose woonetw'e.
45
Ĩtina aaũmae maitũ nĩmanengiwe Ĩeema yĩu nĩ aaĩthe moo, na me ungu wa Yosua mayĩete nthĩ ĩla moosie kuma kwa mbaĩ ingĩ, ĩtina wa Ngai kũmalũngĩlya mbaĩ isu. Ĩeema yĩu nĩyekalile kũu kũvika ĩvinda ya mũsumbĩ Ndeviti,
46
ũla wooneiwe ũseo nĩ Ngai, na akũlya athi akakĩe Ngai wa Yakovo vandũ va kũtũa.
47
Ĩndĩ Solomoni nĩwe wesie kwakĩa Ngai nyũmba.
48
“O vamwe na ũu, Ngai Ũla wĩ Ĩũlũ Mũno ndekalaa nthĩnĩ wa nyũmba syakĩtwe nĩ andũ. O tondũ mwathani waĩtye kana
49
Mwĩai easya: ‘Ĩtunĩ nĩ kĩvĩla kyakwa kya kĩ-ũsumbĩ, nayo nthĩ nĩ kĩvĩla kya kũkinyĩthya maũũ makwa. Kwoou nĩ nyũmba myaũ mũtonya kũmbakĩa, kana nĩ va nyie ndonya kwĩkala?
50
Nũndũ ate inyie noombie syĩndũ ii syonthe?’ ”
51
Sitivini nĩwaendeeie na kũmea atĩĩ, “Inyw'ĩ andũ ang'endu, mwĩ ngoo mbũmũ na mwĩ mbaa matũ! Mũvw'ana o ta aaũmae menyu; mũyĩtĩkĩla kũmwĩthukĩĩsya Veva Mũtheu.
52
Ve mwathani aaũmae menyu mataamũthĩny'a? O na nĩmooaie ala mathanie kũka kwa Ũla Mũlũngalu wa Ngai, ũla inyw'ĩ yu mũthooetye na mũkoaa.
53
Ninyw'ĩ mwoosie mĩao ya Ngai ĩla mwaeteiwe nĩ alaĩka, ĩndĩ mũyĩkaa ũndũ ĩkwasya!”
54
Andũ onthe ala maĩ nzamanĩ ĩsu meew'a ndeto isu sya Sitivini, nĩmathatie mũno meew'a kũmũya na maeo.
55
Ĩndĩ we ausũĩtwe nĩ Veva Mũtheu nĩwasyaisye ĩũlũ ĩtunĩ, na oona ũtheu mũtisu wa Ngai, na Yesũ aũngyĩ ngalĩko ya kw'oko kwa aũme kwa Ngai.
56
Nĩvo ĩndĩ waisye atĩĩ, “Ĩthukĩĩsyei, nĩngwona mũomo wa ĩtu wĩmũvingũe, na Mwana wa Mũndũ aũngyĩ ngalĩko ya kw'oko kwa aũme kwa Ngai!”
57
Andũ asu nĩmalonzanilye na makunĩka matũ moo, na onthe vamwe mamũthaanyũkĩa.
58
Nĩmamũkusũlanilye mamumaalya nza wa mũsyĩ wa Yelũsalemu, na mamũkimanga na mavia. Ngũsĩ isu syoombie ngũa syoo sya ĩũlũ maũũnĩ ma mwanake weetawa Saũlo aisũvĩe.
59
Sitivini aendee na kũkimangwa nĩwavoyie asya atĩĩ, “Mwĩai Yesũ, osa thayũ wakwa!”
60
Nĩwatheeie atulya ndu na aneena na wasya mũnene asya, “Mwĩai, ndũkamatalĩle andũ aa ĩvĩtyo kwondũ wa naĩ ĩno!” Na amina kwasya ũu akw'a.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28