Numbers 2

Kikuyu Bible (IBUKU RĨRĨA ITHERU RĨA NGAI)

← Chapter 1 Jump to: Chapter 3 →

1Nake Jehova akĩarĩria Musa na Haruni, akĩmera atĩrĩ,

2Ciana cia Isiraeli, andũ othe, mũndũ o mũndũ nĩaambage hema yake kĩbebero-inĩ kĩa andũ ao o harĩa marũũri ma nyũmba cia maithe mao mahandĩtwo, makĩambage hema icio ciao irorete hema-inĩ-ĩo-ya-gũtũnganwo imĩrigicĩirie na mbarĩ ciothe.

3Nao arĩa mekwamba hema ciao mwena wa irathĩro nĩo a kĩbebero gĩa kĩraaro kĩa andũ a Juda, nao maciambe o ta ũrĩa mbũtũ ciao irũmanĩrĩire; nake ũrĩa ũgũtuĩka mũtongoria wa ciana cia Juda nĩ Nahashoni wa Aminadabu.

4Nayo mbũtũ yake, ya arĩa maatarirũo thĩinĩ wao, yarĩ andũ ngiri mĩrongo mũgwanja na inya, na magana matandatũ.

5Nao arĩa makaamba hema ciao mariganĩtie nao nĩ a mũhĩrĩga wa Isakaru, o na a mũhĩrĩga wa Zebuluni; nake ũrĩa ũgũtuĩka mũtongoria wa ciana cia Isakaru nĩ Nethaneli wa Zuaru;

6nayo mbũtũ yake ya arĩa maatarirũo thĩinĩ wao yarĩ andũ ngiri mĩrongo ĩtano na inya, na magana mana;

7nake ũrĩa ũgũtuĩka mũtongoria wa ciana cia Zebuluni nĩ Eliabu wa Heloni;

8nayo mbũtũ yake ya arĩa maatarirũo thĩinĩ wao yarĩ andũ ngiri mĩrongo ĩtano na mũgwanja na magana mana.

9Andũ othe arĩa maatarirũo a kĩraaro kĩu kĩa Juda magĩtuĩka ngiri igana rĩa mĩrongo ĩnana na ithathatũ, na magana mana, o ta ũrĩa mbũtũ ciao ciarũmanĩrĩire. Na hĩndĩ ya gũthiĩ-rĩ, acio nĩo marĩambaga kuumagara.

10Naguo mwena wa gũthini ũgũtuĩka wa kũhanda kĩbebero gĩa kĩraaro kĩa andũ a Reubeni o ta ũrĩa mbũtũ ciao irũmanĩrĩire nake; mũndũ ũrĩa ũgũtuĩka mũtongoria wa ciana icio cia Reubeni nĩ Elizuru wa Shedeuru.

11Nayo mbũtũ yake, ya arĩa maatarirũo thĩinĩ wao, yarĩ andũ ngiri mĩrongo ĩna na ithathatũ, na magana matano.

12Nao arĩa makaamba hema ciao mariganĩtie nao nĩ a mũhĩrĩga wa Simeoni, o na a mũhĩrĩga wa Gadi; nake ũrĩa ũgũtuĩka mũtongoria wa ciana cia Simeoni nĩ Shemueli wa Zurishadai;

13nayo mbũtũ yake ya arĩa maatarirũo thĩinĩ wao, yarĩ andũ ngiri mĩrongo ĩtano na kenda, na magana matatũ;

14nake ũrĩa ũgũtuĩka mũtongoria wa ciana cia Gadi nĩ Eliasafu wa Reueli;

15nayo mbũtũ yake, ya arĩa maatarirũo thĩinĩ wao yarĩ andũ ngiri mĩrongo ĩna na ithano na magana matandatũ ma mĩrongo ĩtano.

16Andũ othe arĩa maatarirũo a kĩraaro kĩu kĩa Reubeni magĩgĩtuĩka ngiri igana rĩmwe rĩa mĩrongo ĩtano na ĩmwe, na magana mana ma mĩrongo ĩtano, o ta ũrĩa mbũtũ ciao ciarũmanĩrĩire. Na hĩndĩ ya gũthiĩ-rĩ, nĩo makoima arĩa me mbere thutha.

17Ningĩ thutha wa acio nĩ hema-ya-gũtũnganwo ĩkamarũmĩrĩra ĩrĩ na andũ a kĩraaro kĩa Alawii marĩ gatagatĩ-inĩ ka andũ a iraaro iria ingĩ; o ta ũrĩa maikaraga maambĩte hema ciao kĩraaro-inĩ-rĩ, ũguo noguo makoimagara magĩthiĩ na mbere, mũndũ o mũndũ akindĩirie handũ hake kĩbebero-inĩ kĩa andũ ao.

18Na rĩrĩ, mwena wa ithũĩro ũgũtuĩka wa kĩbebero gĩa kĩraaro kĩa andũ a Efiraimu, o ta ũrĩa mbũtũ ciao irũmanĩrĩire; nake ũrĩa ũgũtuĩka mũtongoria wa ciana icio cia Efiraimu nĩ Elishama wa Amihudu.

19Nayo mbũtũ yake, ya arĩa maatarirũo thĩinĩ wao, yarĩ andũ ngiri mĩrongo ĩna, na magana matano.

20Nao arĩa makaamba hema ciao mariganĩtie nao nĩ a mũhĩrĩga wa Manase, o na a mũhĩrĩga wa Benjamini; nake ũrĩa ũgũtuĩka mũtongoria wa ciana cia Manase nĩ Gamalieli wa Pedazuru;

21nayo mbũtũ yake, ya arĩa maatarirũo thĩinĩ wao, yarĩ andũ ngiri mĩrongo ĩtatũ na igĩrĩ, na magana merĩ;

22nake ũrĩa ũgũtuĩka mũtongoria wa ciana cia Benjamini nĩ Abidani wa Gideoni;

23na mbũtũ yake, ya arĩa maatarirũo thĩinĩ wao, yarĩ andũ ngiri mĩrongo ĩtatũ na ithano, na magana mana.

24Andũ othe arĩa maatarirũo a kĩraaro kĩu kĩa Efiraimu magĩgĩtuĩka ngiri igana rĩmwe rĩa inyanya, na igana rĩmwe, o ta ũrĩa mbũtũ ciao ciarũmanĩrĩire. Nao nĩo a gatatũ riumagarĩro-inĩ.

25Na rĩrĩ, mwena wa gathigathini ũgũtuĩka wa kĩbebero gĩa kĩraaro kĩa andũ a Dani o ta ũrĩa mbũtũ ciao irũmanĩrĩire; nake ũrĩa ũgũtuĩka mũtongoria wa ciana icio cia Dani nĩ Ahiezeru wa Amishadai;

26nayo mbũtũ yake, ya arĩa maatarirũo thĩinĩ wao, yarĩ andũ ngiri mĩrongo ĩtandatũ na igĩrĩ, na magana mũgwanja.

27Nao arĩa makaamba hema ciao mariganĩtie nake nĩ a mũhĩrĩga wa Asheri, o na a mũhĩrĩga wa Nafitali; nake ũrĩa ũgũtuĩka mũtongoria wa ciana cia Asheri nĩ Pagieli wa Okirani;

28nayo mbũtũ yake, ya arĩa maatarirũo thĩinĩ wao, yarĩ andũ ngiri mĩro ngo ĩna na ĩmwe, na magana matano;

29nake ũrĩa ũgũtuĩka mũtongoria wa ciana cia Nafitali nĩ Ahira wa Enani;

30nayo mbũtũ yake, ya arĩa maatarirũo thĩinĩ wao, yarĩ andũ ngiri mĩrongo ĩtano na ithatũ, na magana mana.

31Andũ othe arĩa maatarirũo a kĩraaro kĩu kĩa Dani magĩgĩtuĩka ngiri igana rĩmwe rĩa mĩrongo ĩtano na mũgwanja, na magana matandatũ. Acio nĩo makarigia thutha riumagarĩro-inĩ, matwaranĩte na ibebero ciao.

32Acio nĩo andũ arĩa maatarirũo thĩinĩ wa ciana cia Isiraeli o ta ũrĩa nyũmba cia maithe mao ciatariĩ. Na rĩrĩ, arĩa othe maatarirũo o ta ũrĩa iraaro ciao na mbũtũ ciao ciatariĩ-rĩ, maarĩ ngiri magana matandatũ na ithatũ, na magana matano ma mĩrongo ĩtano.

33No rĩrĩ, Alawii matiataranĩirio na ciana icio ingĩ cia Isiraeli, o ta ũrĩa Jehova aathĩte Musa.

34Ũguo noguo ciana cia Isiraeli ciekire, o ta ũrĩa maũndũ mothe maatariĩ marĩa Jehova aathĩte Musa; ũguo noguo ciahandaga ibebero ciacio, ningĩ ũguo noguo ciagwataga rũgendo, mũndũ o mũndũ atwaranĩte na andũ a mũhĩrĩga wao o ta ũrĩa nyũmba cia maithe mao ciatariĩ.

← Chapter 1 Jump to: Chapter 3 →