bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kikuyu
/
Kikuyu Bible (IBUKU RĨRĨA ITHERU RĨA NGAI)
/
Numbers 35
Numbers 35
Kikuyu Bible (IBUKU RĨRĨA ITHERU RĨA NGAI)
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 36 →
1
Ningĩ Jehova akĩarĩria Musa o kũu werũ-inĩ wa Moabi, gũkuhĩ na Jorodani o kũu Jeriko, akĩmwĩra atĩrĩ,
2
Athana, wĩre ciana cia Isiraeli ihe Alawii matũũra ma gũtũũra kũu mabũrũri-inĩ marĩa magayanĩtio matuĩke ma cio, na mũmahe ithaka irigicĩirie matũũra macio mbarĩ ciothe.
3
Namo matũũra macio matuĩke mao ma gũtũũra; nacio ithaka icio ituĩke cia kũrĩithagia ng’ombe ciao, na indo ciao, o na ũhiũ wao wa mĩthemba yothe.
4
Nacio ithaka icio cia matũũra marĩa mũkahe Alawii, ikarigicĩria matũũra macio na mbarĩ ciothe, na ikinye mĩena-inĩ yacio ithimĩtwo mĩkono ngiri ĩmwe kuuma njirigo-inĩ cia matũũra macio.
5
Naho harĩa yakinya na kũu nja ya itũũra, mũkurure mũhari mũrũngarũ wa mĩkono ngiri igĩrĩ mwena wa irathĩro, o naguo mwena wa gũthini mũkurure mũhari mũrũngarũ wa mĩkono ngiri igĩrĩ; o naguo mwena wa ithũĩro mũkurure mũhari mũrũngarũ wa mĩkono ngiri igĩrĩ; o naguo mwena wa gathigathini mũkurure mũhari mũrũngarũ wa mĩkono ngiri igĩrĩ; narĩo itũũra rĩgĩe gatagatĩ-inĩ ga ithaka icio. Naguo ũndũ ũcio ũtuĩke wa gũtũma matũũra mao magĩe na ithaka imarigicĩirie mbarĩ ciothe.
6
Namo matũũra marĩa mũkahe Alawii-rĩ, matuĩke matũũra matandatũ ma kũũrĩrũo, o marĩa mũkaamũra mũheane nĩ getha mũndũ ũrĩa ũũragĩte mũndũ agateng’era kuo; ningĩ mũmahe matũũra mangĩ mĩrongo ĩna na merĩ muongerere macio.
7
Matũũra mothe marĩa mũkahe Alawii-rĩ, magatuĩka mĩrongo ĩna na manana; na mũmaheanĩrie hamwe na ithaka icio ciamo imarigicĩirie.
8
Naho ha ũhoro wa matũũra macio mũkaheana, thĩinĩ wa marĩa makegwatĩrũo nĩ ciana cia Isiraeli matuĩke ma cio-rĩ, nĩmũkaruta maingĩ harĩ arĩa mamaingĩhĩtie; na mũrute manyinyi harĩ arĩa mamanyihĩtie; mũhĩrĩga o mũhĩrĩga ũkĩhe Alawii matũũra mamwe ma guo, o ta ũrĩa ũhoro wa igai rĩaguo rĩrĩa rĩũgũĩrĩire ũtariĩ.
9
Ningĩ Jehova akĩarĩria Musa, akĩmwĩra atĩrĩ,
10
Aria na ciana cia Isiraeli ũciĩre ũũ: Hĩndĩ ĩrĩa mũkaringa Jorodani mũkinye bũrũri wa Kanaani,
11
nĩmũgethurĩra matũũra mamwe matuĩke matũũra ma kũũrĩrũo; nĩ getha mũndũ o wothe ũrĩa ũũragĩte mũndũ o na ũrĩkũ, atacirĩire gwĩka ũndũ ũcio, orĩre kuo.
12
Namo matũũra macio matuĩke ũũrĩro wanyu gũkĩũrĩrũo mwĩrĩhĩria, nĩ getha mũndũ ũrĩa ũũragĩte mũndũ ũngĩ ndagakue, ataambĩte kũrũgama mbere ya andũ monganĩte, mamũcirithie.
13
Namo matũũra manyu marĩa mũkaruta ma kũũrĩrũo magatuĩka matandatũ.
14
Mũkaheana matũũra matatũ mũrĩmo ũyũ wa Jorodani, namo matũũra mangĩ matatũ o kũu bũrũri wa Kanaani, namo nĩmo magatuĩka matũũra ma kũũrĩrũo.
15
Matũũra macio matandatũ-rĩ, nĩ ma kũũrĩrũo, nĩ ũndũ wa ciana cia Isiraeli, o na mũndũ wa kũngĩ, o na mũndũ ũrĩa ũcigeneire, nĩ getha mũndũ o wothe ũrĩa ũũragĩte mũndũ o na ũrĩkũ, atacirĩire gwĩka ũndũ ucio, oragĩre kuo.
16
No rĩrĩ, mũndũ angĩgũtha ũrĩa ũngĩ na mũnyamũ wa kĩgera, nake ũcio wagũthwo akue-rĩ, mũmũgũthi nĩ mũũragani; na mũũragani ũcio ndarĩ hingo atakoragwo.
17
Ningĩ angĩoya ihiga rĩrĩa rĩngĩhota kũũraga mũndũ amũgũthe narĩo, nake mũndũ ũcio akue, mũmũgũthi nĩ mũũragani; na mũũragani ũcio ndarĩ hingo atakoragwo.
18
Kana hihi angĩoya mũtĩ wa mbaara, ũrĩa ũngĩhota kũũraga mũndũ, amũgũthe naguo, nake mũndũ ũcio akue, mũmũgũthi nĩ mũũragani; na mũũragani ũcio ndarĩ hingo atakoragwo.
19
Mwĩrĩhĩria wa thakame ĩo ĩitĩtwo, we mwene nĩwe ũkoraga mũũragani ũcio; o hĩndĩ ĩrĩa angĩcemania nake-rĩ, noguo angĩmũũraga.
20
Ningĩ angĩmũtheca nĩ ũndũ wa gĩthũũro kĩrĩa amũthũũrĩte, kana amũikie mũtĩ, amuohetie njĩra-inĩ, mũndũ ũcio akue,
21
kana ningĩ me na muku angĩmũgũtha na guoko nake akue, ndarĩ hingo atakoragwo; ũcio mũgũthani nĩ mũũragani; nake mwĩrĩhĩria thakame ĩo ĩitĩtwo we mwene nĩwe ũkoraga mũũragani ũcio hĩndĩ ĩrĩa angĩcemania nake.
22
No rĩrĩ, angĩmũtheca na mbũkĩrĩra o ro ũguo matarĩ na ũthũ, kana amũikie mũtĩ atamuohetie njĩra-inĩ,
23
kana amũikie ihiga o na rĩrĩkũ rĩrĩa rĩngĩhota kũũraga mũndũ atekũmuona, na tondũ wa ũhoro ũcio akue, na akorũo ndoima mũmuku wake, kana akamũcarĩria kĩrĩi,
24
hĩndĩ ĩo andũ monganĩte magĩtue cira ũkoniĩ mũgũthani ũcio na mwĩrĩhĩria thakame ĩo ĩitĩtwo, o ta ũrĩa ũhoro wa macira macio ũtariĩ;
25
nao andũ acio monganĩte mahonokie mũndũ ũcio ũũragĩte mũndũ, mamũrute moko-inĩ ma mwĩrĩhĩria ũcio wa thakame ĩo ĩitĩtwo; naguo ũũngano ũcio ũcokie mũndũ ũcio itũũra-inĩ rĩa kũũrĩrũo, o rĩu orĩire; agĩtũũre kuo, o nginya hĩndĩ ĩrĩa mũthĩnjĩri-Ngai ũrĩa mũnene agakua, ũrĩa waitĩrĩirio maguta marĩa maamũre.
26
No rĩrĩ, mũndũ ũcio ũũragĩte mũndũ angĩgakĩra mũhaka wa itũũra rĩa kũũrĩrũo, o kũu orĩire,
27
nake mũndũ ũcio mwĩrĩhĩria thakame ĩo ĩitĩtwo amũkore arĩ na kũu mbarĩ ĩo ĩngĩ ya mũhaka wa itũũra rĩu rĩa kũũrĩrũo, nake mũndũ ũcio mwĩrĩhĩria thakame ĩo ĩitĩtwo orage mũndũ ũcio ũũragĩte mũndũ, ndakonwo arĩ mwĩhia ũhoro-inĩ wa thakame ĩo ĩitĩkĩte;
28
nĩ gũkorũo mũndũ ũcio nĩaagĩrĩirũo nĩ gũikara o itũũra-inĩ rĩu rĩa kũũrĩrũo o nginya hĩndĩ ĩrĩa mũthĩnjĩri-Ngai ũrĩa mũnene agakua; na rĩrĩ, rĩrĩa mũthĩnjĩri-Ngai ũrĩa mũnene agakua, nĩguo mũndũ ũcio ũũragĩte mũndũ agacoka gĩthaka gĩake kĩrĩa egwatĩire.
29
Namo maũndũ maya nĩmo magatuĩka kĩrĩra kĩa watho wa kũrũmĩrĩrũo nĩ inyuĩ cira-inĩ njiaro-inĩ cianyu ciothe, o kũndũ kũrĩa guothe mũrĩtũũraga.
30
Mũndũ o wothe ũrĩa ũkoraga mũndũ o na ũrĩkũ angiumbũrũo nĩ aira-rĩ, nĩ kũũragwo akoragwo; no rĩrĩ, ũira wa mũndũ ũmwe wiki ndũngĩigana wa gũtũma mũndũ oragwo.
31
O na ningĩ atĩrĩ, mũtikanaamũkĩre indo cia gũkũũra muoyo wa mũũragani, ũrĩa wonetwo atĩ nĩaagĩrĩirũo nĩ kũũragwo; no rĩrĩ, mũndũ ũcio ndarĩ hingo atakoragwo.
32
Ningĩ mũtikanaamũkĩre indo cia gũkũũra mũndũ orĩire itũũra rĩa kũũrĩrũo rĩu orĩire akehithe kuo, atĩ nĩguo acoke agatũũre kwao, mũthĩnjĩri-Ngai wa ihinda rĩu atanakua.
33
Ũguo nĩguo mũkagiria bũrũri ũrĩa mũikarĩte ũthahe; nĩ ũndũ thakame nĩyo ĩtũmaga bũrũri ũthahe; na gũtirĩ horohio ĩngĩhota kũhoroheria bũrũri nĩ ũndũ wa thakame ĩrĩa ĩitĩtwo kuo, tiga o gũitirũo thakame ya ũcio ũmĩitĩte.
34
Na rĩrĩ, bũrũri ũrĩa mũikarĩte, o kũu niĩ ndũũraga, ndũkanaũgwatie thahu; nĩ ũndũ niĩ, Jehova, ndũũraga thĩinĩ wa ciana cia Isiraeli.
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 36 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36