Numbers 26 — Kikuyu Bible (IBUKU RĨRĨA ITHERU RĨA NGAI)

1Na gũgĩkinya atĩrĩ, atĩ thutha wa mũthiro ũcio, Jehova akĩarĩria Musa na Eleazaru wa Haruni, mũthĩnjĩri-Ngai, akĩmera atĩrĩ,

2Ta tarai kĩrĩndĩ gĩothe gĩa ciana cia Isiraeli, mũtare andũ arĩa makinyĩtie mĩaka mĩrongo ĩĩrĩ na magakĩria hau, o ta ũrĩa nyũmba cia maithe mao itariĩ, nao nĩ arĩa othe mangĩhota kuumagara mathiĩ ita-inĩ a ciana cia Isiraeli.

3Nake Musa na Eleazaru, mũthĩnjĩri-Ngai, makĩarĩria nao kũu werũ-inĩ wa Moabi, gũkuhĩ na Jorodani, o kũu Jeriko, makĩmera atĩrĩ,

4Tarai andũ arĩa makinyĩtie mĩaka mĩrongo ĩĩrĩ na magakĩria hau; o ta ũrĩa Jehova aathĩte Musa na ciana cia Isiraeli iria cioimire bũrũri wa Misiri.

5Na rĩrĩ, irigithathi rĩa Isiraeli nĩ Reubeni, nao ariũ a Reubeni nĩ aya: nĩ mbarĩ ya Ahanoku, ĩrĩa yoimĩte Hanoku, na mbarĩ ya Apalu, ĩrĩa yoimĩte Palu,

6na mbarĩ ya Ahezironi, ĩrĩa yoimĩte Hezironi, o na mbarĩ ya Akarimi, ĩrĩa yoimĩte Karimi.

7Icio nĩcio mbarĩ cia Areubeni, nao arĩa maatarirũo thĩinĩ wao maarĩ ngiri mĩrongo ĩna na ithatũ na magana mũgwanja ma mĩrongo ĩtatũ.

8Nake mũrũ wa Palu, nĩ Eliabu.

9Nao ariũ a Eliabu nĩ Nemueli, na Dathani, na Abiramu. No rĩrĩ, Dathani ũcio na Abiramu, nĩo maathurirũo nĩ kĩrĩndĩ kĩu, na nĩo mokĩrĩire Musa na Haruni me thiritũ-inĩ ya Kora, hĩndĩ ĩrĩa andũ ayo mokĩrĩire Jehova,

10nayo thĩ ĩgĩathamia kanua kayo, ĩkĩmameranĩria na Kora, hĩndĩ ĩrĩa thiritũ ĩo yake yakuire, o hĩndĩ ĩrĩa mwaki wacinire andũ magana merĩ ma mĩrongo ĩtano, ũkĩmanina, nao andũ acio magĩtuĩka kĩmenyithia gĩa gũkaania arĩa angĩ.

11No rĩrĩ, ariũ a Kora matiigana gũkua.

12Nao ariũ a Simeoni, o ta ũrĩa mbarĩ ciao ciatariĩ, nĩ aya: nĩ mbarĩ ya Anemueli, ĩrĩa yoimĩte Nemueli, na mbarĩ ya Ajamini, ĩrĩa yoimĩte Jamini, na mbarĩ ya Ajakini, ĩrĩa yoimĩte Jakini,

13na mbarĩ ya Azera, ĩrĩa yoimĩte Zera, o na mbarĩ ya Ashaulu, ĩrĩa yoimĩte Shaulu.

14Icio nĩcio mbarĩ cia Asimeoni, nao maarĩ ngiri mĩrongo ĩĩrĩ na igĩrĩ, na magana merĩ.

15Nao ariũ a Gadi, o ta ũrĩa mbarĩ ciao ciatariĩ, nĩ aya: nĩ mbarĩ ya Azefoni, ĩrĩa yoimĩte Zefoni, na mbarĩ ya Ahagi, ĩrĩa yoimĩte Hagi, na mbarĩ ya Ashuni, ĩrĩa yoimĩte Shuni,

16na mbarĩ ya Aozini, ĩrĩa yoimĩte Ozini, na mbarĩ ya Aeri, ĩrĩa yoimĩte Eri,

17na mbarĩ ya Aarodi, ĩrĩa yoimĩte Arodi, o na mbarĩ ya Aareli, ĩrĩa yoimĩte Areli.

18Icio nĩcio mbarĩ cia ariũ a Gadi, o ta ũrĩa arĩa maatarirũo thĩinĩ wao maaiganaga, nao maarĩ ngiri mĩrongo ĩna, na magana matano.

19Nao ariũ a Juda, nĩ Eri na Onani; nao acio erĩ, Eri na Onani, maakuĩrĩire bũrũri wa Kanaani.

20Nao ariũ a Juda, o ta ũrĩa mbarĩ ciao ciatariĩ, nĩ aya: nĩ mbarĩ ya Ashela, ĩrĩa yoimĩte Shela, na mbarĩ ya Aperezi, ĩrĩa yoimĩte Perezi, o na mbarĩ ya Azera, ĩrĩa yoimĩte Zera.

21O nao ariũ a Perezi, nĩ mbarĩ ya Ahezironi, ĩrĩa yoimĩte Hezironi, na mbarĩ ya Ahamuli, ĩrĩa yoimĩte Hamuli.

22Icio nĩcio mbarĩ cia Juda, o ta ũrĩa arĩa maatarirũo thĩinĩ wao maaiganaga, nao maarĩ ngiri mĩrongo mũgwanja na ithathatũ, na magana matano.

23O nao ariũ a Isakaru, o ta ũrĩa mbarĩ ciao ciatariĩ, nĩ aya: nĩ mbarĩ ya Atola, ĩrĩa yoimĩte Tola, na mbarĩ ya Apuva, ĩrĩa yoimĩte Puva,

24na mbarĩ ya Ajashubu, ĩrĩa yoimĩte Jashubu, o na mbarĩ ya Ashimuroni, ĩrĩa yoimĩte Shimuroni.

25Icio nĩcio mbarĩ cia Isakaru, o ta ũrĩa arĩa maatarirũo thĩinĩ wao maaiganaga, nao maarĩ ngiri mĩrongo ĩtandatũ na inya, na magana matatũ.

26O nao ariũ a Zebuluni, o ta ũrĩa mbarĩ ciao ciatariĩ, nĩ aya: nĩ mbarĩ ya Aseredi, ĩrĩa yoimĩte Seredi, na mbarĩ ya Aeloni, ĩrĩa yoimĩte Eloni, o na mbarĩ ya Ajahaleeli, ĩrĩa yoimĩte Jahiaaleeli.

27Icio nĩcio mbarĩ cia Azebuluni, o ta ũrĩa arĩa maatarirũo thĩinĩ wao maaiganaga, nao maarĩ ngiri mĩrongo ĩtandatũ, na magana matano.

28Nao ariũ a Jusufu, o ta ũrĩa mbarĩ ciao ciatariĩ, nacio nĩcio mbarĩ cia Manase na Efiraimu, nĩo aya:

29Amanase-rĩ, nĩ mbarĩ ya Amakiru, ĩrĩa yoimĩte Makiru; nake Makiru agĩciara Gileadi, nayo mbarĩ ya Agileadi nĩyo yoimire Gileadi ũcio.

30Nao ariũ a Gileadi nĩo aya: nĩ mbarĩ ya Aiezeri, ĩrĩa yoimĩte Iezeri, na mbarĩ ya Aheleku, ĩrĩa yoimĩte Heleku,

31na mbarĩ ya Aasirieli, ĩrĩa yoimĩte Asirieli, o na mbarĩ ya Ashekemu, ĩrĩa yoimĩte Shekemu,

32na mbarĩ ya Ashemida, ĩrĩa yoimĩte Shemida, o na mbarĩ ya Aheferi, ĩrĩa yoimĩte Heferi.

33Nake Zelofehadi, mũrũ wa Heferi, ndaarĩ na ariũ ake, no airĩtu atheri; namo marĩĩtwa ma airĩtu acio a Zelofehadi nĩ Mahala, na Noa, na Hogila, na Milika, na Tiriza.

34Acio nĩo andũ a mbarĩ cia Manase; nao arĩa maatarirũo thĩinĩ wao maarĩ ngiri mĩrongo ĩtano na igĩrĩ, na magana mũgwanja.

35Nao ariũ a Efiraimu, o ta ũrĩa mbarĩ ciao ciatariĩ nĩ aya: nĩ mbarĩ ya Ashutela, ĩrĩa yoimĩte Shutela, na mbarĩ ya Abekeri, ĩrĩa yoimĩte Bekeri, o na mbarĩ ya Atahani, ĩrĩa yoimĩte Tahani.

36Nao ariũ a Shutela nĩ aya: nĩ mbarĩ ya Aerani, ĩrĩa yoimĩte Erani.

37Icio nĩcio mbarĩ cia ariũ a Efiramu, o ta ũrĩa arĩa maatarirũo thĩinĩ wao maaiganaga, nao maarĩ ngiri mĩrongo ĩtatũ na igĩrĩ, na magana matano. Acio othe nĩo ariũ a Jusufu, o ta ũrĩa mbarĩ ciao ciatariĩ.

38O nao ariũ a Benjamini, o ta ũrĩa mbarĩ ciao ciatariĩ, nĩ aya: nĩ mbarĩ ya Abela, ĩrĩa yoimĩte Bela, na mbarĩ ya Aashibeli, ĩrĩa yoimĩte Ashibeli, na mbarĩ ya Aahiramu, ĩrĩa yoimĩte Ahiramu,

39na mbarĩ ya Ashefufamu, ĩrĩa yoimĩte Shefufamu, o na mbarĩ ya Ahufamu, ĩrĩa yoimĩte Hufamu.

40Nao ariũ a Bela nĩ Aridi, na Naamani; nayo mbarĩ ya Aaridi nĩyo yoimĩte Aridi, o na mbarĩ ya Anaamani nĩyo yoimĩte Naamani.

41Acio nĩo ariũ a Benjamini, o ta ũrĩa mbarĩ ciao ciatariĩ nao arĩa maatarirũo thĩinĩ wao maarĩ ngiri mĩrongo ĩna na ithano, na magana matandatũ.

42Nao aya nĩo ariũ a Dani, o ta ũrĩa mbarĩ ciao ciatariĩ: nĩ mbarĩ ya Ashuhamu ĩrĩa yoimĩte Shuhamu. Acio nĩo a mbarĩ ya Dani o ta ũrĩa mbarĩ ciao ciatariĩ.

43Na rĩrĩ, mbarĩ ciothe cia Ashuhamu, o ta ũrĩa arĩa maatarirũo thĩinĩ wao maaiganaga-rĩ, andũ a cio maarĩ ngiri mĩrongo ĩtandatũ na inya, na magana mana.

44O nao ariũ a Asheri, o ta ũrĩa mbarĩ ciao ciatariĩ nĩ aya: nĩ mbarĩ ya Aimuna, ĩrĩa yoimĩte Imuna, na mbarĩ ya Aishivi, ĩrĩa yoimĩte Ishivi, o na mbarĩ ya Aberia, ĩrĩa yoimĩte Beria.

45Nao ariũ a Beria nĩo aya: nĩ mbarĩ ya Aheberi, ĩrĩa yoimĩte Heberi, o na mbarĩ ya Amalikieli, ĩrĩa yoimĩte Malikieli.

46Nake mwarĩ wa Asheri etagwo Sera.

47Icio nĩcio mbarĩ cia ariũ a Asheri, o ta ũrĩa arĩa maatarirũo thĩinĩ wao maaiganaga, nao maarĩ ngiri mĩrongo ĩtano na ithatũ, na magana mana.

48Nao ariũ a Nafitali, o ta ũrĩa mbarĩ ciao ciatariĩ nĩ aya: nĩ mbarĩ ya Ajahazeeli, ĩrĩa yoimĩte Jahazeeli, na mbarĩ ya Aguni, ĩrĩa yoimĩte Guni

49na mbarĩ ya Ajezeri, ĩrĩa yoimĩte Jezeri, o na mbarĩ ya Ashilemu, ĩrĩa yoimĩte Shilemu.

50Acio nĩo a mbarĩ cia Nafitali, o ta ũrĩa mbarĩ ciao ciatariĩ nao arĩa maatarirũo thĩinĩ wao maarĩ ngiri mĩrongo ĩna na ithano na magana mana.

51Acio othe nĩo maatarirũo thĩinĩ wa ciana cia Isiraeli, nao maarĩ ngiri magana matandatũ na ĩmwe na magana mũgwanja ma mĩrongo ĩtatũ.

52Nake Jehova akĩarĩria Musa, akĩmwĩra atĩrĩ,

53Acio nĩo makagayanio bũrũri ũrĩa megũthiĩ, ũtuĩke igai rĩao, o ta ũrĩa marĩĩtwa mao maigana magĩtarũo.

54Andũ arĩa maaingĩha-rĩ, ũkamahe igai inenanene, nao arĩa maanyiha, ũkamahe igai inyinyanyinyi mũhĩrĩga o wothe ũheo igai rĩaguo o ta ũrĩa andũ aguo arĩa maatarirũo maaiganaga.

55No rĩrĩ, o na gwatuĩka nĩ ũguo, bũrũri ũcio ũkagayanio na ũhoro wa gũcuka mĩtĩ; nao makagwata igai rĩao, o ta ũrĩa marĩĩtwa ma mĩhĩrĩga ya maithe mao matariĩ.

56O ta ũrĩa ũhoro wa gũcuka mĩtĩ ũtariĩ-rĩ, ũguo noguo igai rĩao rĩkagayanio harĩ arĩa aingĩ, o na harĩ arĩa anyinyi.

57Nao aya nĩo arĩa maatarirũo a mbarĩ cia Alawii, o ta ũrĩa mbarĩ ciao ciatariĩ; nĩ mbarĩ ya Agerishoni, ĩrĩa yoimĩte Gerishoni, na mbarĩ ya Akohathu, ĩrĩa yoimĩte Kohathu, o na mbarĩ ya Amerari, ĩrĩa yoimĩte Merari.

58Ningĩ aya nĩo andũ a mbarĩ cia Lawii: nĩ mbarĩ ya Alibini, na mbarĩ ya Ahebironi, na mbarĩ ya Amahali, na mbarĩ ya Amushi, o na mbarĩ ya Akora. Nake Kohathu aaciarire Amuramu.

59Nake mũka wa Amuramu etagwo Jokebedi, mwarĩ wa Lawii, waciarĩirũo nĩ Lawii kũu Misiri; nake agĩgĩciarĩra Amuramu Haruni na Musa, o na Miriamu mwarĩ wa nyina nao.

60Nake Haruni agĩciara Nadabu, na Abihu, na Eleazaru, o na Ithamaru.

61Nao Nadabu na Abihu magĩgĩkua hĩndĩ ĩrĩa maatwarire mwaki wa handũ hangĩ mbere ya Jehova.

62Nao arĩa maatarirũo thĩinĩ wao nĩ arũme othe arĩa maakinyĩtie mweri ũmwe na magakĩria hau, nao maarĩ ngiri mĩrongo ĩĩrĩ na ithatũ; nĩ gũkorũo Alawii matiataranĩirio na ciana cia Isiraeli nĩ ũndũ matiaheirũo igai rĩa ithaka thĩinĩ wa ciana iria ingĩ cia Isiraeli.

63Acio nĩo maatarirũo nĩ Musa na Eleazaru, mũthĩnjĩri-Ngai, o acio maatarĩire ciana cia Isiraeli kũu werũ-inĩ wa Moabi hũgũrũrũ-inĩ cia Jorodani, o kũu Jeriko.

64No rĩrĩ, thĩinĩ wa andũ acio othe, hatiarĩ mũndũ o na ũmwe wao watarĩtwo nĩ Musa na Haruni mũthĩnjĩri-Ngai, rĩrĩa maatarĩire ciana cia Isiraeli tene werũ-inĩ wa Sinai.

65Nĩ gũkorũo Jehova ha ũhoro wao nĩoigĩte atĩrĩ, Ti-itherũ no mũhaka makuĩre werũ-inĩ. Na hatirĩ mũndũ o na ũmwe wao watigarire, tiga o Kalebu wa Jefune, o na Joshua wa Nuni.