Song of Solomon 3

Kikuyu Bible (IBUKU RĨRĨA ITHERU RĨA NGAI)

← Chapter 2 Jump to: Chapter 4 →

1Ũtukũ ndĩ ũrĩrĩ nĩndĩrethaga ũcio mwendwo nĩ ngoro yakwa; ngakĩmũcarĩrĩria, ngamwaga.

2Ngoiga atĩrĩ, Ngũgĩũkĩra, njangacange itũũra-inĩ, nginye njĩra-inĩ o na mathome-inĩ, nduĩrie ũcio mwendwo nĩ ngoro yakwa: ngakĩmũcarĩrĩria, ngamwaga.

3Arangi a camu, arĩa mathiũrũrũkaga itũũra-inĩ, makangora; ngamoria atĩrĩ, Mwendwo nĩ ngoro yakwa-rĩ, nĩmũmuonete?

4O ndatigana nao kahinda gatarĩ kanene, ngacoka ngakora ũcio mwendwo nĩ ngoro yakwa; ngamũnyita, na ndicoke kũmũrekia, o nginya ngamũtonyia nyũmba ya maitũ, ngakĩmũtonyia kĩraaro-inĩ gĩa ũcio weĩngĩĩrĩire nda.

5Inyuĩ andũ-a-nja a Jerusalemu-rĩ, nĩndamwĩhĩtithia na thiya, na mĩgoma ya thwariga cia werũ-inĩ, atĩ mũtikoimbuthũre rũendo, o na kana mũrũarahũre, o nginya rũĩyendere o ruo rũene.

6Nũ ũrĩa ũkwambata akiuma na werũ-inĩ ahaana ta mĩthiringo ya ndogo, akĩnungagĩrĩrio manemane na ubani, na mĩthemba yothe ya mahuti manungi wega marĩa ma mũhũri wa biacara?

7Nĩ rĩrĩ, nĩ gĩtanda gĩa Suleimani, kĩrĩa aceeragio nakĩo; kĩrigicĩirio nĩ andũ njamba mĩrongo ĩtandatũ, a njamba-inĩ cia Isiraeli.

8Othe gũtirĩ ũtoĩ kũhũthĩra rũhiũ rũa njora, na othe nĩ ngũrĩ cia ita: gũtirĩ ũtarĩ na rũhiũ rũake thũnũ, nĩ ũndũ wa kĩmakanio kĩrĩa kĩngĩũka ũtukũ.

9Mũthamaki, ti Suleimani, nĩetumithĩirie gĩtĩ gĩa gũkuuagwo nakĩo agĩthiĩ rũgendo, na nĩ kĩa mĩtĩ ya Lebanoni.

10Itugĩ ciakĩo atumithĩtie cia betha, mwĩtiiro wakĩo naguo nĩ wa thahabu, na njikarĩro yakĩo nĩ ya tama wĩ rangi wa zambarau, na thĩinĩ wakĩo gĩkagemithio na rũendo; ũndũ ũcio ũgatuĩka kĩheo kĩoimĩte harĩ andũ-a-nja a Jerusalemu.

11Ta kiumagarei, andũ-a-nja aya a Zayuni, mwĩrorere mũthamaki Suleimani, arĩ o na thũmbĩ ĩrĩa nyina aamwĩkĩrire mũthenya wake wa kũhikania, o ro mũthĩ ũrĩa ngoro yake yakenete.

← Chapter 2 Jump to: Chapter 4 →