Zechariah 5

Kalenjin Bible Revised (BUKUIT NE TILIIL Sireet ne Dutero Kanon)

← Chapter 4 Jump to: Chapter 6 →

1Ki ang'eet met anyun kogeny ak ageerte, ak ogeero, kitabuut ne mamanat ne tirireni.

2Ak kitep koleenjo, Igeere nee? Ak ki awolji aleenji, Ageere kitabuut ne mamanat ne tirireni; koindonyi ko mitainik tiptem che po euut, ak tebeesindanyi ko mitainik taman che po euut.

3Kimwaiwo anyun koleenjo, Niito ko chubisyet ne wendi koyomu emet komugul: amu age tugul ne choorsei keistoi eng' komosi ko uu ye mwaei; ak age tugul ne iyastos keistoi eng' komosin ko uu ye mwaei kitabuunooto.

4Ayooktoi kitabuunooto, mwaei Kamuktaindet ne Toroor ne po lugoosyek kochut kootap choriindet, ak kochut kootap chiito ne iyastos lembechek eng' kainennyu: ak kotebee kwenutap koonnyi, ak kogees koyooto kobooto keetiikyik ak koikyik.

5Ki wo anyun malaikaiyat ne ki ng'alaalwo, ak koleenjo, Ing'et metit ak igeer kioto wendi.

6Ak ki atep ale, Nee nooto? Ak ki leenjo niito ko kerebet ne wendi. Ki le kogeny, Ni ko kergeindonywa eng' emet tugul:

7ak ogeero, ki kinamji parak talendait ne po ngosyelait: ak kimi kwondo ne tebyei ng'wony eng' kerebet oriit.

8Ak ki le, Niito ko Yaityet; ak ki wiirchi ineendet kerebet oriit: yeityo konde ngosyelait ne nyigiis kutitap kioto.

9Ki ang'eet met anyun ak ogeero, ki ageer kwonyiik aeng' kobwanei tai ak ki mi usoonet kebebaikwak. Ki tinyei kebebaik che uu kebebaigap chebo kibabaa, ak ki namji parak kerebonooto eng' kwenutap ng'wony ak kipsengwet.

10Ki aleenji anyun malaikaiyat ne ki ng'alaalwo, “Ibei kerebet kwo ano?”

11Ak ki leenjo, Kwo koteekyine koot eng' emetap Sinar: ak ye kagochobok, kinde yooto si kotebee koek oldanyi.

← Chapter 4 Jump to: Chapter 6 →