1 Corinthians 6

Kalenjin Bible (BUKUIT NE TILIL)

← Chapter 5 Jump to: Chapter 7 →

1Tos kanyei age tugul eng’ okwek ne ting’e ng’olyo chitab kokwennyi kwo kapkiruok eng’ taitab che ma bo iman, ama eng’ taitab che tililen?

2Anan mongen ole tun iruokyin bik che tililen ng’ony? Ak ngot kotun oruokyini ng’ony, ko tos manyoljinok oruoch agobo tuguk che mengechen?

3Tos mongen ole tun kiruokyini malaikaisiek? Siirei anyun ne tia, tuguk che bo soboni!

4Ngot otinye ole kiruokyine tuguk che bo soboni, ko tos ondoi koek kiruogik ichek che magiiti kele kiy eng’ kaniset?

5Amwae ni si agonok olilanse. Tos iman, mami chi ne ng’om eng’ kwenung’wong’ ne imuchi kotil ng’alek eng’ kwenutab tupchosiekyik,

6ago imuti tupchet age tupchennyi kwo kapkiruok, ak ne siirei ko, eng’ taitab che maiyanotin?

7Achicha, kagoek nguno lelut eng’ okwek, amu oruokyinige okwege. Amu nee si mochamdege kinyalilak? Kalya si mochamdege kerebenak tuguk?

8Achicha, ago, okweget che oyae ne ya, ak orebisiei, agot eng’ tupchosiek.

9Anan mongen ole matun nyoru icheget che ma bo iman bounatetab Jehovah? Amat kiberberak: mami eng’ che soksei, anan che saei kanamonik, anan che kibegei, anan chemulkwonyinik, anan chemogorgoinik,

10anan chorik, anan kipkeinik, anan kibogitinik, anan che chubisiei, anan rebik, che nyoru bounatetab Jehovah.

11Ak ki u choto alak eng’ okwek: ago kigiunok, ago kigitabanak, ago kigiityok imanda eng’ kainetab Kiptaiyat Jesu Kristo, ak eng’ Tamirmirietab Jehovah nenyo.

12Chamdaat tuguk tugul eng’ ane; ago ma tuguk tugul che nyolu. Chamdaat tuguk tugul eng’ ane; ago mamache koboiywa age tugul eng’ choto.

13Bo amitwogik moet, ak bo moet amitwogik; ago tun yaei Jehovah tuwai koek buch, moet ak amitwogik. Ago borto, ko ma bo sokset, ago bo Kiptaiyat; ak Kiptaiyat, ko bo borto;

14ak kiing’eet Jehovah Kiptaiyat, ak tun ing’eetech ak achek eng’ kamuktaennyi.

15Tos mongen ole borwekwok ko kebeberwekab Kristo? Ara anyun aiste kebeberwekab Kristo, ak ayai koek kebeberwekab chepkugoniot? Achicha, ma u noto.

16Anan, tos mongen ole inendet ne ituitos gei ak chepkugoniot ko borto agenge? Amu, mwaei inendet kole, Egu tuwai borto agenge.

17Ago inendet ne ituitos gei ak Kiptaiyat ko tamirmiriet agenge.

18Omwee ibetab ge. Tengek age tugul ne yaei chi komitei sang’utab borto; ago inendet ne yaei ibetab ge koyachin bortanyi tengekto.

19Anan, tos mongen ole borwekwok ko hekalut ne bo Tamirmiriet ne Tilil ne mitei eng’ okwek, ne otinye eng’ Jehovah? Ama o bo ge okwege;

20amu kigialenak kamanutiet: otoror Jehovah anyun eng’ borwekwok.

← Chapter 5 Jump to: Chapter 7 →