bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Hebrews 11
Hebrews 11
Kalenjin Bible (BUKUIT NE TILIL)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 12 →
1
Noto anyun kayanet ko naetab tuguk che kimang’u, ak kaborunetab tuguk che tomo kegeer.
2
Amu kigibaorianjine noto boisiek.
3
Kinae eng’ kayanet kele kigiyai ng’onyusiek eng’ ng’olyotab Jehovah, noto anyun tuguk che kigeerei ko kima kiyae tuguk che toogu.
4
Kiigochi Abil Jehovah eng’ kayanet tiseiywot ne mie kosiir ne bo Kaen, ne kigibaorianjine inendet kele ki bo imanda, ak kibaorian Jehovah agobo kagochinoikyik: ak eng’ noto, agot nganda kigome ko ta kong’alali.
5
Kigimut Enok eng’ kayanet si mageer meet; ak kimata kogeer chi inendet, amu kiimut Jehovah: amu ye kitom kimut ko kiga kibaorian agobo inendet kele kiibaibai Jehovah;
6
ak ngo mami kayanet ko ma imugaksei kibaibai inendet: amu inendet ne rikyin Jehovah konyoljin koyan kole mi inendet, ak kole igochin melekto icheget che cheng’ei inendet.
7
Kiyai Noa melit eng’ kayanet, kot kosor gonnyi, ye kingo kagiteechi agobo tuguk che kitomo kegeer, amu kiiywei Jehovah; kiiruokyine anyun ng’ony noto, ak kiek ne kinam imanda ne biitu eng’ kayanet.
8
Kigas it Abraham eng’ kayanet ye kingeguur, ak kimanda kwo, ko maingen ole wendi, kwo komosta ne tun taachei koek borotet.
9
Kiek eng’ kayanet kiprutoiyot eng’ emetab arorutiet, ko u emet ne ma nenyi, komeng’oti emaisiek, koboto Isak ak Jakobo, che ki che namei arorutionoto koboto inendet:
10
amu kiigeni nganaset ne tinyei lumeiywek, ne Jehovah teegindet ak ko yaindet.
11
Kisich agot Sara agine kimnatet eng’ kayanet komanach ko kagosiirto kenyisiekyik, amu kiit kole bo iman inendet ne kiiarorji inendet:
12
noto anyun kigisich eng’ agenge, ne kiga koigei ne kigome, bik che chang’, ko u kecheikab kipsengwet ak ng’aniek che mi ngegutab nyanjet, che ma iitoksei.
13
Kibek chuto tugul eng’ kayanet, ama taach arorutichoto, ago kiga kogeer ak koboiboitu kota komi ole loo, ko kagong’any kole ki toek ak ko kiprutoinik eng’ ng’ony.
14
Amu ichek che mwaei tuguk che u choto koboru kole cheng’ei emet ne nenywa.
15
Ak nda kiga ibwat iman emoni kimong’une, ta kinyoru boroindo koweektagei.
16
Ago machei kot nguno emet ne kararan kosiir noto, noto ko, ne bo kipsengwet: noto anyun mageerei Jehovah kalilanet agobo ichek keguure Jehovah nenywa: amu kigochopchi ichek nganaset.
17
Kingo kagetiem Abraham, kogoito Isak eng’ kayanet: ee, kiigoitoi nenyi ne kigii inegei, inendet ne kiga taach arorutik eng’ boiboindo;
18
ne kiga kemwachi kelenji, Tun kimwaitae Isak iyoteng’ung’:
19
koiit kole imuchi Jehovah kong’eet agot eng’ che kigobek, ak kitaach inendet koweek eng’ yoto koek karogutiet.
20
Kiiberur Isak eng’ kayanet Jakobo ak Esau, agot eng’ tuguk che bwanei.
21
Kiiberur Jakobo eng’ kayanet, werik tuwai che bo Josep, ye ki negit kome; ak kosa kotiiegei walitab kiroktanyi.
22
Kimwa Josep eng’ kayanet agobo mandaetab lagokab Israel ye ki negit kome; ak kogon ng’atutiet agobo kowekyik.
23
Kiuny sigikyik Musa eng’ kayanet eng’ arawek somok kingo kagesich, amu kiga keer kole ki lakwet ne kararan; ak kima iywei ng’atutietab laitoriat.
24
Kiesio Musa eng’ kayanet, ye kingo kagoeet, keguure weritab che bo Parao;
25
kolewen keyachi ne ya koboto bikab Jehovah, kosiir kobaibaegei boiboiosiekab tengekto che bo betusiek che matia;
26
koiit tewernatet ne kiteweri Kristo kole magornatosiek che eechen kosiir konoraik che bo Misri: amu kiigeni melekto.
27
Kibagakta Misri eng’ kayanet, amaiywei neregekab laitoriat: amu kimuita, ko u ye keerei inendet ne ma toogu.
28
Kiyai paska eng’ kayanet, ak isisietab korotik, si matwa ichek ne kibarei werik che bo tai.
29
Kilandae Nyanjet ne Birir eng’ kayanet ko u ye bunei emet ne yaamat; ak ye kilen kotiem Misrik koyai ko u noto kelugui.
30
Eng’ kayanet ko kilulyo irimoikab Jeriko, kingo kageyiem betusiek tisab.
31
Eng’ kayanet ko ma me chepkugoniot Rahab koboto ichek che ki ngelelik, amu kiga taach segeik eng’ kalyet.
32
Ara nee anyun age ne ta amwae? Amu mayama boroindo ngot amwa agobo Gideon, Barak, Samson, Jepta; ak agobo Daudi ak Samuel ak maotik:
33
che kiiterter bounatosiek eng’ kayanet, koyai imanda, kisich arorutik, kiger kutuswekab ng’etunyik,
34
kiimis kimnatet ne bo mat, kichililye rotwetab chok, kigigimit komong’ eng’ nyalulet, kigimegitu eng’ luget, kion lugosiekab bunik koweekta.
35
Kitaach kwonyik bikwak che kiga kobek, che kiging’eet: ak kigibir alak kot kobek, koesioi katiagenywa; si kobiit kosich ng’eetyet ne mie kosiir:
36
ak kigitiem alak eng’ chombilet, ak eng’ birisiosiekab kipcharitisiek, ee, ak kogeny eng’ ratisiosiek ak toorjinetab korgoret:
37
kigilach eng’ koik, kigimurmure musumenosiek, kigiyom, kigibare rotwetab chok: kiilaagoti ngoroikab kechirek, ak che bo ng’ororek, kobonondos, kiginyalili, keyachin ne ya
38
(che kima konyoljin ng’ony ichek), koombenoti eng’ ong’atosiek ak tulonok ak kebenonik ak keringonikab ng’ony.
39
Ak kingo kagosich chuto tugul baornatet ne kigibaorianji amu kayanenywa, ko ma kotaach ichek arorutiet,
40
amu kisib kochobwech Jehovah kit ne mie kosiir, si ma kiyai koek che igesunotingei ama kimi.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 12 →
All chapters:
1
2
3
4
5
6
7
8
9
10
11
12
13