bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Hebrews 13
Hebrews 13
Kalenjin Bible (BUKUIT NE TILIL)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
1
Ingoteb ko u noto chamnyetab che kitupche.
2
Amoutie oborji toek chamnyet: amu kigotaach alak malaikaisiek eng’ noto amaingen.
3
Obwat ichek che mi eng’ ratisiosiek, ko u ne o ratotin tugul; icheget che kinyalili, ko u ye omi ak okwek eng’ borto.
4
Ingogonyit tugul katunisiet, amat koek itogut ne tinyei simdo: amu tun iruokyin Jehovah che soksei ak che ibegei.
5
Oegu che itiogotin eng’ chametab siling’isiek; ingoyamak tuguk che otinye: amu kigomwa inendet, kole, Magoi abagakten, magoi ameten.
6
Noto anyun kimwae eng’ nyiganatet ne mie kele, Toretindennyu Kiptaiyat; maiyweisiei: Yaiywa nee chi?
7
Obwat ichek che kiindoiywok, che kimwawok ng’olyotab Jehovah; ye obwati ole kiteptoi atebosiekwak, oyai ko u ye kiyaei ichek eng’ kayanenywa.
8
Kergei Jesu Kristo eng’ amut ak ra, ak agoi koigeny.
9
Amatata ongobeetok konetisiosiek che besiotin che ter: amu mie kolumdaak muguleldo eng’ mieindo; ma eng’ amitwogik, che kima keljine kiy ichek che kiga bendate choto.
10
Ki tinye kaptisisiet, ne matinyei kimnatet koamisie ichek che boisie emait.
11
Amu borwekab tiong’ichoto kiibu tisiindet ne o korotikwak kobwa ole tilil agobo tengekto, kebeelei eng’ nganaset sang’.
12
Noto anyun, kinyalil Jesu agine eng’ ormarich sang’, si kobiit kotilil bik eng’ korotikyik.
13
Ongebe anyun ole mi inendet eng’ sang’utab ormarich, keibe tewernatet ne kiteweri inendet.
14
Amu magitinye eng’ yu nganaset ne tebyei koigeny, ago kicheng’e nin nyonei.
15
Noto anyun ongigochi Jehovah eng’ inendet korosiotab kalosunet kotugul, noto ko logoiyatab kutuswek che ng’anyei kainennyi.
16
Oyai che miachen, amoutie oyai yamdaet: amu baibai mising’ Jehovah eng’ korosek che u choto.
17
Ogas it che indoiywok, ak oming’inityige ichek: amu ripsei agobo sobonwekwok, ko u che tun tetu agobo boisienywa; si kobiit koyai boisionito eng’ boiboiyet, ama eng’ arogenet: amu magelwok kiy eng’ noto.
18
Osa agobo achek: amu kiyani kele kitinye kabwatet ne mie, kimache ketebi eng’ atebet ne mie eng’ tuguk tugul.
19
Ak asome mising’ kot ale oyai ko u noto, si kobiit kesib keweekya oldang’wong’.
20
Ingoyaak Jehovah ne bo kalyet, ne kiimut mestowot ne o ne bo kechirek komong’ eng’ che kibek, eng’ korotik che bo kayomiset ne bo koigeny, inendet Kiptaiyandennyo Jesu,
21
oegu che o chobotin eng’ boisiet age tugul ne mie si oyai magennyi, koyai eng’ ichek che chamaksei mising’ eng’ tainnyi, eng’ Jesu Kristo; ne nenyi torornatet koigeny ak koigeny. Amen.
22
Ago asomok mising’, tupchosiechu, ale omuite eng’ ng’olyotab kagimitet: amu kaasiruak eng’ ng’alak tutigin.
23
Onai ole kogitiach tupchennyo Timoteo; ngot konyo ko negit, ko tun anyo ageerok koboto inendet.
24
Ogat tugul che indoiywok, ak tugul che tililen. Igatok che bo Italia.
25
Ingoteb mieindo kobotok okwek tugul. Amen.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
All chapters:
1
2
3
4
5
6
7
8
9
10
11
12
13